رد: تطبيقات عملية من قراءة النوتة
اخوتى الأحباء
ممكن تسمعوا كلامى
اولا الاخ العزيز جدا وليد ما حصلش حاجة يعنى انا ارجوك ان لا تعاتب الأخت الفاضلة زوجتك على الخطأ لأنها ممكن ماخدتش بالها من الفرق بين الملفين وعادى جدا
ثانيا لو بتثقوا فى كلامى وبتحسوا انى بفهم هذا العازف الذى على اليوتيوب واللى انا مش عارف مين هو ردىء جدا
يعنى لو بتعتبرونى الاستاذ بتاعكم او بتتعلموا منى اخطر شىء لو انت عايز تعزف لحن لعبد الوهاب مثلا تالمفروض ان اللحن او الجزء اللى حاتعزفه لو عبد الوهاب عامل فيه 500 حرف موسيقى لابد ان العازف اولا يعزف الحروف ال 500 بمنتهى المانى ثم يأتى بعد ذلم الاحساس والمشاعر والتكنيك وكل الكلام المفروض يكون , يعنى مدرسة عادل صموئيل التى منبثقة من التعامل الطويل جدا مع عمالقة الومن الجميل اول شىء انك تؤدى الحروف بمنتهى الامانة ثم ضع بصمتك كما تحب لكن كله كوم وإلا الحروف
والاخ الذى عزف على اليوتيوب لو دققتم فى كل حرف عزفه تجدوا 50% من الحروف على الاقل غلط او حروف أخرى أو اجزاء اكلها , وفى لحن النهر الخالد ادى الادليب تحت الصفر ب 100 درجة يعنى اكل الادليب وخرج عن سرعاته وعن كل شىء
وهنا انا انصحكم مش تسمعوا اى حد ولكن اسمعوا العازف المضبوط لأنكم اكيد بتتأثروا بالعزف وبتستفيدوا منه يعنى انت لو استمعت لهذا العازف بإستمرار بعد ذلك عزفك سيتأثر به وتكون عندك حروف كثيرة غلط
وانا ارجو الاخ العزيز اديب ان لا يتأثر بالمكتوب وان يحاول تنزيل عزفه ومن ثم نحن نقيمه ونرشده
واذا كنت تشكو من كبر حجم الملفات اعتقد ان الاخوة الاحباء قدموا برامج لضغط الملفات
واقول كلمة الاخيرة اى شىء خطأ بيحدث لابد ان تستفيد منه يعنى الخطأ البسيط الغير مقصود الذى وقع مع الاخت الفاضلة زوجتك ( واكرر لا تعاتبها ولكن اشرح لها بمحبة ماحدث ذلك يعلمها ايضا شىء )
يعنى احمد ربنا ان الخطأ وقع فى شىء بسيط عشان بعد كده اولا تركز فى الملفات اللى عندك وثانيا ما يتكرر فى شىء اهم
مع اطيب تحياتى عادل صموئيل
|
العرض الشجري