أراك عصى الدمع بثلاث الحان وثلاث مطربين

[حسن كشك]

كلنا سمع اغنية
أراك عصى الدمع
لأبى فراس الحمدانى
لكن هناك بتصرفات لحنية مختلفة لتلك الاغنية
لا اعرف اقدميتهم الزمنية

فما غناه زكى مراد
على هذا الرابط
وما غناه عبد الحى حلمى
على هذا الرابط
وما غناه صالح عبد الحى
على هذا الرابط
وما غناه امين حسنين
على هذا الرابط
وما غناه محمد سليم
على هذا الرابط
وما غنته ام كلثوم بلحن عبده الحامولى
على هذا الرابط
ثم اللحن الاكثر شهرة فى زماننا نحن غنته ام كلثوم - لرياض السنباطى
على هذا الرابط



ولى انطباع خاص عن تلك الالحان المغناه

وما غناه زكى مراد
اشعر فيه بأنه يريد الطرب بالكلمه فقط وليس بمعنى الجمل الكلاميه ... ولا يعطيك احساساً بالمشاعر التى يسوقها الشاعر من آلام لحبيب ناكر ... طرب كلامى وحرفيه فقط لكن اللحن لا تشعر معه بالقيمه
وما غناه عبد الحى حلمى
تشعر فيه ببعض القولبه والجمود والالقاء وليس الغناء

وماغناه امين حسنين
قريب جداً من عبد الحى حلمى

وما غناه صالح عبد الحى
تشعر بأنك ترى صالح عبد الحى جالساً فى حجره غايه فى النظافة والترتيب وهو لابس بدله شيك ولسه جديده وقاعد متسرح وحاطط كولونيا وقاعد مع الجوقه خاصته ... وبيغنى بمزاج اوى ومالوش دعوه ببداية ونهاية الشطرات اللحنية ... يعنى بيغنى بمزاجه وفلوسه ... لكن بصراحه بروقان وطرب عالى عالى جدا جدا وحاجه كده تظبط الدماغ ... لكن برضه مالوش دعوه بالاحساس المتكامل لمعانى الاغنية ومشاعرها ... هو عاوز يطرب وبس وكفايه انه اللى بيغنى الاغنية ... لكن بغض النظر عن نقص الاحساس بالمعنى المتكامل ...طرب عالى محترم

اما ماغناه محمد سليم
فأنه قريب جداً مما غناه زكى مراد

أما لحن السنباطى والذى غنته ام كلثوم
فنجد فيه العظمه الكامله ... والاحساس الكامل بالمعانى المتكامله للاغنية ... لكن ليس بمستوى الطرب والروقان اللى فى اغنية صالح عبد الحى

أخى محمد الالاتى المايسترو

يالا حلل لنا كل التصرفات اللحنية
وكمان عرفنا الفروق اللى بينهم وليه كل مطرب اختار لحنه وكيف لم يتأثر باللحن السابق

أما مشاعرى الخاصة عن تلك القصيدة فأنا لم استمع الا الى لحن السنباطى وام كلثوم قبل التعرف الى الالحان الاخرى ... ومن منا لم يتأثر بلحن السنباطى ... ومن منا لم يقف فى موقف ابو فراس الحمدانى... واصبح ذليل لقلب عبيط عاشق وحبيب مغرور لا يحب
عزومه تقيله صح ؟
كده يا مايسترو عشان العزومه تليق بمقامك وماتقولش ان الناس مش بيعزموك ...
يالا خلينا نشتغل صح مع الاساتذه الكبار الراحلين سلام عليهم
لك السلام يامنورنا
وسلام من العيادى
ملحوظة: تم تعديل المشاركة لاضافة تصرفات لحنية اكثر لتلك القصيدة بعد المشاركات الرائعة للاخوه الاساتذة الاكثر علما وخبرة منى بالتأكيد خاصة
تنويهات الاخ هيثم أبوزيد فى مشاركته التالية
- شد حيلك يامايسترو مش انت اللى عاوز عزومه وشغل .... اشتغل ياخويا