الشاعر الكبير مظفر النواب
في قصيدة
" زرازير البراري "
حن وآنا حن
وانحبس ونه ونمتحن
مرخوص بس كت الدمع
شرط الدمع حد الجفن
.........
جفنك جنح فراشة غض
واحجاره جفني وما غمض
يل التمشي بيه ويا النبض
روحي على روحك تنسحن
حن بويه حن
.....
عينك زرازير البراري
بكل فرحها بكل نشاط
جناحها بعالي السحر
والروح مني عوسجة بر
ما وصل ليها الندى
ولا جاسها بقطرة المطر
وصفولي عنك بالنباعي تفيض
وتعنيت ليلة ويا الگمر
وصفولي عنك كل مسامة تفيض منك عطر
يالحسنك نهر...
تنزل بصدري ويالنفس
وبدمي غصبن تنعجن
وأشهگ واصعدك للسما
بحسرات وبعنة حزن
حن..حن بوي حن
الملف رقم (7 )
بصوت النواب وبمصاحبة ألة الكمان ومن دمشق أيضا, علما أن القصيدة قد لحنها طالب القرغولي وغناها المطرب ياس خضر , تحياتي والسلام عليكم .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
استبدل الملف[6.9] الى [2.0] مع التنقية ، المشاهدات[34] ..[نور]
رد: قصائد بأصوات الشعراء
العرض الشجري