عجباني واحشته ..واحشته عجباني !!
بحبه وهو ..وهو بيهواني
بفرح بك لما تكلمني
وبحبك مهما تغيب عني
ياشاغلني غرامك حيرني
وازاي حيغيرني زماني
عجباني واحشته ..واحشته عجباني
بحبه وهو ..وهو بيهواني
لاغناه حيغير يوم قلبي
ولافقرك حينسيني حبي
يوم عيدي لما القاك جنبي
ارعاك ياحبيبي وترعاني
عجباني واحشته ..واحشته عجباني
بحبه وهو ..وهو بيهواني
ولهذه الاغنية حكاية :
شادية اعطت كلمات الشاعر مصطفى عبدالرحمن للموسيقار كمال الطويل علشان تغنيها في الفيلم قعد يلحنها بمزاج وفجأة سئل شادية ومن البطل اللي حتغني له الغنوة ردت :اسماعيل يس
هنا غضب كمال الطويل وقال لحليم يعني انا الحنها واتعب نفسي واعمل فيها شغل كثير وافكر في فكرة موسيقية علشان يطلع اللحن جميل تقوم تغنيه لاسماعيل يس بكده اللحن حيضيع لالا انا مش ح اعطي اللحن ده لشادية
وهنا تدخل حليم وقام هو بتحفيظ شادية اللحن بعدما سمعه من كمال الطويل من غيرماتعرف بزعل كمال
واتفقت على موعد تسجيل الاغنية وابلغت كمال الطويل ليحضر تسجيل لحنه في الاستديو وهنا حاول ان يتهرب وخرج للشارع يوم التسجيل وفجاة لقي شادية امامه بتكلمه من نافذة السيارة مبتسمه : رايح فين ياكمال انت نسيت موعد التسجيل ولا ايه .
فهنا اتحرج ومرضيش يجرحها ويقولها انه مش عاوزها تغني الغنوة فقال : لا طبعا فاكر وانا جي حالا وطبعا سجلت الغنوة ونجحت ودائما ما يطلبها المستمعون بالاذاعة في حينها.
الاغنية الثانية هي من اجمل ابداعات الموسيقار منير مراد وكلمات الشاعر حسين السيد وأجمل ماغنت شادية :
يابنت خالي ياوحشاني*
يابنت خالي يا وحشاني ياساكنة في البر الثاني
شنط السفر كثروا وزادوا والقطر قايم في ميعاده
قولي للقدر يستناني .هناك على البر الثاني
يابنت خالي ياوحشاني
انا من نهار... حرب فلسطين وانا دايره اكافح بالملايين
حاجات كثير شغلتني سنين هي اللي كانت حيشاني
ودي حاجة كانت شغلاني
يابنت خالي... ياوحشاني
كان ليا ارض عليها كابوس عمال بينحت زي السوس
مسكت فيه واديته دروس وانزاح وربنا ....قواني
ودي حاجة كانت شغلاني
يابنت خالي ياوحشاني
وجوه بيتنا كان فيه فار بالعافيه كان محتل الدآر
مطلعش إلا بمية نآر والبيت نظف كله عشاني
ودي حاجة كانت شغلاني
يابنت خالي ياوحشاني
وكان مابين الأهل خصام خلص وراح في سبعة ايام
والشرط كان على نور وسلام والإمضة تمت في ثواني
.ودي حاجة كانت شغلاني
يابنت خالي ياوحشاني
قولي لحبايب القلب سماح غلطة زمان كان عهد وراح
انا النهاردة معايا سلاح والغلطة مش حتعود ثاني
.وخلاص مافيش حاجة شغلاني
يابنت خالي ياوحشاني
يابنت خالي يا وحشاني ياساكنة في البر الثاني
شنط السفر كثروا وزادوا والقطر قايم في ميعاده
قولي للقدر يستناني هناك على البر الثاني
يابنت خالي ياوحشاني
وهذه اول اغنية اسمعها لشادية*
كما لاحظتم من كلمات الاغنية انها وطنية وان كانت في شكل غزل جميل
والشغل اللي عامله فيها الموسيقار منير مراد اتصور ان يقال فيه كثير
لاحظوا في اخر الاغنية ان شادية بتغني مع الكورس بطريقة ظريفة جدا
ربنا يطول عمرها
ورغم اعتزالها واحتجابها وغيابها عن الساحة فإن لسان حال معجبي فنها يقول :
أبداً لن يغيب القمر
عجباني واحشاته - شادية
*
العرض الشجري