* : ليلي محمود وأحمد محمود (الكاتـب : غريب محمد - آخر مشاركة : لقمان سلطان - - الوقت: 07h59 - التاريخ: 02/11/2025)           »          المطربة الهام (الكاتـب : abuaseem - آخر مشاركة : لقمان سلطان - - الوقت: 07h47 - التاريخ: 02/11/2025)           »          فايزة أحمد- 5 ديسمبر 1930 - 21 سبتمبر 1983 (الكاتـب : الباشا - آخر مشاركة : د.حسن - - الوقت: 06h04 - التاريخ: 02/11/2025)           »          حفل غنائى من إذاعة الأغانى (الكاتـب : د.حسن - آخر مشاركة : حازم فودة - - الوقت: 05h53 - التاريخ: 02/11/2025)           »          فرقة رضا للفنون الشعبية (الكاتـب : hassan youssef - آخر مشاركة : د.حسن - - الوقت: 05h53 - التاريخ: 02/11/2025)           »          عبد الحليم حافظ- 21 يونيه 1929 - 30 مارس 1977 (الكاتـب : سماعي - آخر مشاركة : د.حسن - - الوقت: 05h50 - التاريخ: 02/11/2025)           »          شــاديــة- 8 فبراير 1931 - 28 نوفمبر 2017 (الكاتـب : الباشا - آخر مشاركة : د.حسن - - الوقت: 05h41 - التاريخ: 02/11/2025)           »          صور الفنانين / تلوين (حديث) لأبو برهان .. (الكاتـب : أبو برهان - - الوقت: 20h33 - التاريخ: 01/11/2025)           »          فى يوم .. فى شهر .. فى سنة (الكاتـب : د.حسن - آخر مشاركة : Dr. Taha Mohammad - - الوقت: 18h59 - التاريخ: 01/11/2025)           »          الفنان محمد راشد الرفاعي (الكاتـب : بوبنيان - آخر مشاركة : لؤي الصايم - - الوقت: 15h59 - التاريخ: 01/11/2025)


العودة   منتدى سماعي للطرب العربي الأصيل > صالون سماعي > ملتقى الشعر و الأدب > نتاج الأعضاء.. شعر العامية والشعر النبطى
تحديث الصفحة البنت حامل فى الولد
التسجيل ميثاق المنتدى التقويم

 
 
أدوات الموضوع طرق مشاهدة الموضوع
Prev المشاركة السابقة   المشاركة التالية Next
  #1  
قديم 06/07/2009, 14h27
الصورة الرمزية Tarek Elemary
Tarek Elemary Tarek Elemary غير متصل  
مواطن من سماعي
رقم العضوية:260181
  
تاريخ التسجيل: July 2008
الجنسية: مصرية
الإقامة: مصر
العمر: 60
المشاركات: 1,294
افتراضي البنت حامل فى الولد

حبلى الصبية فى الولد
على شوق سنين
مستنياه كل البلد
و الغلبانين
بيقولوا مش لازم يكون
بشعر أصفر
أو ببشرة لونها كيت
و كيت و كيت
و لا حتى فارق عندهم ...
لون العنين
بس المهم يكون ولد
متربى ع الجوع و الجَلَد
حاسس بجرح المجروحين
لفحت جبينه الشمس
مَرْقِى من الحَسَد
وعنده دم و عنده دين
و الحَمْلْ طال
بس الظواهر كلها
بتقول خلاص
حان المعاد
و البنت توضع حملها
و ييجى الخلاص
البطن منفوخة
و ماشية البنت
تتعكز على كل الجيران
باين على عنيها التعب
بتلف على كل الببان
تطلب مدد
خطوتها مكتوفة
و كات بتهز خطوتها
يميل كل الشبيبة و الشباب
حتى جمال الوش غاب
ماشية تجرجر فى الهزال
و عودها كان أيام زمان
و لا غصن بان
و الكل يخطب ودها
و العاشقين الملهوفين
تحت الخطاوى قدَّروا حتى التراب
و توبها كان ... ماهو كله كان
فوق جسمها .. زان رسمها
روضة بيضحك وردها
بستان أمان
و القطف طاب
بكرة تقومى بالسلامة يا صبية
و ترجعى ست البنات
أم الولد
هايشد عودك من جديد
و يكون شديد و يكون أسد
الغابة مليانة بوحوش
شالوا الوشوش
الغابة محتاجة الأسد
و إنت حامل فى الولد
و الله حامل
فى الولد
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
رد مع اقتباس
 

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
You may not post new threads
You may not post replies
You may not post attachments
You may not edit your posts
BB code is متاحة
كود [IMG] متاحة
كود HTML معطلة
الانتقال السريع إلى


جميع الأوقات بتوقيت GMT. الساعة الآن 08h25.

 الاتصال بنا - منتدى سماعي للطرب العربي الأصيل - الأرشيف - الأعلى

 
Powered by vBulletin - Copyright © 2000 - 2010, Jelsoft Enterprises Ltd