شجرة الدوم ..... أنس البن

**عفاف سليمان** · #8 06/07/2009, 10h24

انا قلت عارف قدر ربّى ومؤمن بيه
لكن فراق الاحبّه مرّ حاسس بيه
والصوره زكرى بتتكرّر بحكم القدر
واللى بينفع بشر لازم يخافوا عليه
,,,,,,
اللوحة عزّة علينا والقزاز مكسور
والدمعه جفّه ف عنيـنا والفؤاد محسور
والفرقه صعبه علينا بس نعمل ايه
واليوم لابد نلاقيه وعلى الجميع ح يدور
,,,,,
ياشجرة الدوم انا واخدك لرمز حبيب
مهما اختفيتى فى قلبى الصوره ما بتغيب
لكن امل وانزرع فى القلب جوايه
(دومى ) معايه ومكتوبنا قدر ونصيب
اقول انا بعد الكلام ده ايه
يا عم سعد الشرقاوى
الله يسعد ايامك وايامى
وايام الجميع
وبجد سعدت بوجودى معاكم
اشوف واسمع موالكم وغناكم
الله يديم ع الجميع المحبه
ويرحم شجره الدوم
اللى لها معانى كتير بالكوم
تحياتى للجميع
اختكم عفاف