أم كلثوم واسرار فرقتها الموسيقية

[عادل صموئيل]

المشاركة الأصلية كتبت بواسطة Dr Faiza

وحياتك يا أستاذ صموئيل كل اصحابنا هنا في لوس انجيلوس وأبعد ومن مصر بييجوا مخصوص عندي علشان ياكلوا ملوخية. بس للاسف معموله بملوخيه مجمده. النفس (الأتقان) يا أستاذ هو السبب. ياريت كل واحد فينا يتقن عمله .الإتقان هو وسيلة النجاح. ياريت كلنا نتعلم ونعلم أولادنا الإتقان في العمل والإخلاص فيه, تبقى مصر تاني أم الدنيا. مرة أخري أشكرك على هذا المقال المتقن اللي وضح لي اشياء كثيرة في دنيا الموسيقى العبقريه لأم كلثوم . أما عن الأورج فهو في نظري لاشئ الا (Noisy Synthetic Music) لا طعم ولا انسجام فيه.
تحياتي

الأخت الفاضلة د. فايزة
اشكرك مرة أخرى على التواصل
انا عندما كنت مدرساً للموسيقى كانت حصصى اجمل حصص يعيشها الطلبة لسبب انى اتفهم فى 70 موضوع اتكلم منهم فى حصتى حتى اصل المعلومة العلمية عن طريق قصص خارجية مما يتيح للطلبة كامل التفهم افضل من المعلومة العلمية البحتة , وتعبيرك عن الاورج انه اداة ازعاج فى محله , لأن الاورج عندما دخل مصر اتنشر لدرجة انهم استغنوا اليوم عن كل الآلات الشرقية الأصيلة وانتهت مدة خدمتها واصبحت الموسيقى كلها اورج فقط , واعود إلى الملوخية فكأنهم اتوا بأى نبات اخضر الاوراق وفرموه وطبخوه هل سيعطيكى طعم ونكهة الملوخية اعتقد لا هذا هو حال الموسيقى العربية اليوم , والمصيبة الأكبر هو عزوف طلبة المعاهد الموسيقية عن التعلم والتفوق فى الآلات الشرقية لأنه لن يجد عملا بها اذ اصبحت الموسيقى كلها اورج فقط , انتى عندما تكلمتى عن الملوخية ذكرتى كلمة مهمة جداً وهى ( النفس ) وأشرحها يوجد فى طعامنا نكهة متميزة وسحر لن يستطيع الأجانب تقليده , يعنى وانتى فى امريكا ممكن تشترى كتاب ابلة نظيرة بتاع امريكا وتستطيعى عمل طل الاصناف التى فيه طالما توافرت الخامات لأن طعامهم كله مقادير مع طريقة الطهى يعنى لو التزمتى بالمقادير والطريقة تستطيعى طهى اى صنف امريكانى بسهولة , لكن سحرنا نحن لو اتيتى بأبلة نظيرة نفسها بتاعة امريكا لن تستطيع طبخ طبق ملوخية او طبق كشك صعيدى بالفراخ
لأن طبيخنا نفس وسحر والإثنان لا يمكن تقليدهم إلا من كان مسقط رأسه مصر وعاش فيها طويلاً , واعود للموسيقى هى ايضاً سحر ونفس وحرام ما يفعلونه اليوم لقد جروا وراء تقليد الأجانب تخيلوا انهم يطورون ولكنهم لم يطوروا ولكن اصبحوا تقليد باهت لأوروبا , وللعلم انا احب امريكا , واحب المانيا واوروبا ولكن احب فى امريكا نظافة الشوارع والتكنولوجيا واحترام المرور والآداب السلوكية والتكنولوجيا لكننى مصرى صميم حتى النخاع يعنى لو ذهبت الى امريكا لن اغنى امريكانى ولكن اغنى مصرى وتهف نفسى الى كل ماهو مصرى واحافظ عليه
آسف للإطالة ولكن اعتقد ان ما اريد قوله وصل مع اطيب تحياتى