سؤالي بخصوص الكمان الصيني

[عادل صموئيل]

المشاركة الأصلية كتبت بواسطة عاشق التعلم

انا عازف مبتدا جدا جدا في تعلم الكمان سؤالي بخصوص الكمان الصيني اشتريته ب 300 ريال ولاكن صوته مره مزعج هل هذه لاني مبتدا او بخصوص نفس جودة الكمان لانه بصراحه صوته حطمني هل اذا اشتريت كمان مثلا الماني او نوعيه كويسه افضل ام لا.على ماعتقد اذا كان الكمان صوته جيد يعطي الواحد حافز للتعلم هل كلامي صح ام خطا وشكرا.

المشاركة الأصلية كتبت بواسطة عاشق التعلم

ارجو الاجابه على سؤالي لاني في امس الحاجه للجواب

الاخ العزيز عاشق التعلم
ممكن افيدك بالرأى لأن سؤالك فى شىء انا خبير فيه
اول غلطة عملتها انت انك اشتريت الكمان لوحدك من غير ما تاخد معاك عازف كمنجة يختار لك آلة صوتها حلو
انت ممكن تشترى فيديو او تليفزيون حسب امكانياتك المادية او حسب المبلغ اللى انت محدده او اورج مثلاً لأنك ممكن تجربه او تختبره ويعجبك او لأ بعدين تشتريه لكن مشكلة الكمنجة اخطر بكتير , لأن الكمنجة الديدة بتبقى مفككة يعنى الفرة ملفوفة فى ورقة ومش راكبة والقوس الشعر بتاعه جديد يعنى لم يلمس القلفونية مسبقا فلن يعزف يعنى بأختصار لن تستطيع تجربة الكمنجة فى المحل وتكتشف عيب صوتها بعد ان تبدأ فى العزف عليها بأسبوع على الاقل تتضح عيوبها
وذلك لأن الكمنجة الصينى بالذات تصنع فى مصانع اشبه بمصانع النجارة او المنتجات الخشبية وليس كصناعة الآلات الموسيقية زيعنى شكلها جميل فى منتهى الجمال شكلا فقط لكن نوع خشبها ردىء او غير مطابق لمواصفات اخشاب الصناديق الرنانة , واهم مواصفة فى الكمنجة ان يكون صندوقها رنان على مستوى عالى وهذا ما يعطيها حلاوة الصوت اما الخشب الغير مطابق للمواصفات لا يعطى صوتا رديئاً . واسمح لى اقول لك انا فيه كلمة انت قلتها انك قلت انك تشترى الالمانى معناها ان ممكن عندك الامكانيات المادية تشترى الالمانى واللى تمنها قد الصينى 3 او 4 مرات
انا اقول لك هنا فى مصر لو حد صديق عايز يشترى كمنجة صينى انا اذهب مهع الى محل معين انا زبون فيه يعنى اتعامل معاه وبجرب الكمنجة يعنى اركب الفرسة ولازم يحضر لى قوس مستعمل اجرب بيه وممكن الكمنجة ما تعجبنيش افكها وارجعها زى ما كانت ويحضر لى غيرها وممكن اجرب 3 او 4 كمنجات الى ان تطلع واحدة صدفة مقبولة ومش حلوة ( ولكن الطريقة دى انا بس اللى بعملها لأنى اشترى من المحل بكذا الف جنيه كل سنة للحكومة لكن طبعا المحل لن يسمح لأى احد يعمل كده ) وبتكون الكمنجة صينى لسبب ان اللى حايشتريها امكانياته المادية فى حدود 300 جنيه
لكن لو امكانياته تسمح الامانى فى مصر تمنها ( الجديدة ) فى حدود 1400 جنيه مصرى احسبها اما الكمنجة الالمانى المستعملة تمنها لا يقل عن 12 الف جنيه مصرى وممكن اكتر وطبعا الكمنجة كل ما تكون قديمة كل ما تكون قيمتها احسن وصوتها احلى وانا اقول نصيحتى لوجه الله تعالى وحبا فى المهتمين بالتعلم انت تقول انك عايز تتعلم كمنجة ومن الصعب ان تتعلمها بمفردك لابد ان يكون لديك استاذ كمنجة يعلمك الكمنجة وكان المفروض ان تستشيره ان يختار لك هو الكمنجة وبالذات الكمنجة اللذيذة الصوت لأنها ستدفعك للتقدم لأن جمال صوتها سيجعلك تحب التدريب عليها فترة طويلة وانا كمنجتى النادرة هى التى جعلتنى اصل لمستوايا هذه , وانا لا ابيع كمنجات ولكن قلت لك على متوسطات الاسعار وافضل القديمة الف مرة اجعل استاذك يبحث لك عن كمنجة لأنها تكون كمنجة العمر فى حدود البلغ الذى تستطيع دفعه فيها اتمنى ان تستفيد من ردى شيئاً وانا اشجع المبتدئين وارجو الرد لتعطينى انطباعك عن كلامى ولو لك اى استفسار انا تحت امرك
اخوك الكبير عادل صموئيل القاهرة