رأيى الغلبان فى مسلسل اسمهان

[صوت الموسيقى]

المشاركة الأصلية كتبت بواسطة بشرى خالد

المسلسل باعتقادي جميل ومشوّق في حلقاته ..
ويكفي بالنسبة لي انه سلّط الضوء على حياة "أسمهان" ومن حولها .. وكشف لنا جوانب كثيرة عن حياتها كانت مجهولة بالنسبة لنا ..خاصة دورها مع الاستخبارات الاجنبية ..
اما الذي اثار استغرابي بشدة فهي شخصية فؤاد الاطرش الغير محبوبة والعصبية ..ماكنت اعتقد انه بهذا السوء
-وربما لهذا السبب انتقد ابنه فيصل الاطرش المسلسل ورفض عرضه بسوريا .
اما الفنان احمد شاكر فكان ضابط طريقة كلام فريد الاطرش بشكل مقنع ، لولا اختلاف الشكل عنه ..
وأمور اخرى كثيرة ..كلها ساهم المسلسل في كشفها لنا .

ولذلك اعتقد ان المسلسل ناجح .. من وجهة نظري .


تحياتي

اخى الكريم....كل ما فى المسلسل من احداث بما فيها دورها مع المخابرات معروف من زماااااان جدا ... المسألة ان سيرة حياة اسمهان عموما الكلام فيها او الاهتمام بيها كان حكر على الباحثين الموسيقيين و الكام مرجع تاريخى اللى جت سيرتها فيهم على اساس اللى اتقال عن علاقتها برئيس الديوان الملكى...حتى ذكراها السنوية بتعدى كل سنة ولا كأن حد سمع عن اسمهان قبل كده... ودى فى اعتقادى الشخصى يمكن يكون داخل فيها حتة مجاملة افتراضية لأم كلثوم استمرت بحكم العادة حتى بعد وفاتها ده بالاضافة الى ان اسمهان الى حد ما تعتبر من رموز (العهد البائد)...اللى خلاهم منعوا الناس يمشوا ورا جنازة النحاس باشا...

اما بالنسبة لفؤاد الاطرش....فمنتهى منتهى التناقض انه يبقى كل شوية بيضرب اخته وعمال يحبسها عشان الشرف و اسم العيلة وفى نفس الوقت ياخد فلوسها