أنا بس باحاول و المحاولة شرف....
يمكن تزيل من نفسى حالة قرف ....
أصل مش قادر أكبر دماغى .... عنيد! ....
و أصل تكبير الدماغ فى الزمن ده ترف ....
و عجبى !!!!
كان حلمى إنى فى بلدى أبقى حر و بس
ما حد يقدر يقوللى اسكت يا واد أو هس
اخرس لنقطع لسانك انت ليه لتات
مع إن معظم كلامى هداية لللى يحس
و عجبى !!!!
أنا ليه بقيت زى الجميع ما تهزنيش كلمة وطن
ما بقيتش أشعر بالأمان ما بقتش فيه حالة شجن
أصل الوطن مش طوب و طين و مية جارية فى الترع
كلمة وطن كانت زمان كانت أمان كانت سكن
كانت مشاعر فى الشوارع فى الغيطان بين الجيران
كانت سواعد فى النهار بتضم بالحب العيدان
كانت عيون سهرانة صاحية ع الحدود رغم البعاد
كانت زغاريد الصبايا والبنات عند الفرح كانت أدان
رباعيات طارق العمرى
العرض الشجري