أقبـــل الليــل

[سامية]

المشاركة الأصلية كتبت بواسطة د.حسن

إبنتى الفاضلة الأستاذة سامية
" هل يجوز أن أناديك بإبنتى فى أول مشاركة لى معك ؟ "
أعتقد يجوز وذلك لسببين
الأول أننى أتابع مواضيعك ومشاركاتك " قبل وبعد " !
والثانى إن الفتـّاحة إشتغلت معايا دون سائر الزملاء

تعود الذكرى لأقبل الليل إلى أول يوم فى شهر رمضان لعام 71 الميلادى
كنت أعمل طبيب إمتياز فى مستشفى كوم حمادة وكانت أول غـٌربة لى عن الأهل بالأسكندرية
وكانت إذاعة الإسكندرية تذيع بعد آذان المغرب أغنية لأم كلثوم - على بال ما المذيع يفطر -
وأذكر أنه فى هذا اليوم تم إذاعة " أقبل الليل " وكنت أفطر بمفردى لأول مرة فى حياتى
وعندما وصلت إلى يابعيد الدار ... أحسست بوحشة الغربة والبعد عن الديار واللمه أثناء الإفطار .. فلم أكمل إفطارى
طبعاً كان الواحد صغير ولسه متخرج وماأخدش على البـُعد مع إن المسافة بين اسكندرية وكوم حمادة لا تـُذكر جنب المسافات التى تلت بعد ذلك !!
شُفتى عرفتى تفتحى قلبى بالفتـّاحة إزاى
عارفة ليه ؟ عشان ماشغلتيش "الحذافة" معايا !!
مع خالص تحياتى ومتمنياتى
( إستعرتها من أستاذى صلاح السويفى )

والدي العزيز دكتور حسن

والله مشاركتك مفاجأة رائعة ليا .. وكانت سبب في سعادتي فعلا

بس تفتكر حضرتك ده سؤال تسأله برضه ؟

"هل يجوز أن أناديك بإبنتى فى أول مشاركة لى معك ؟ "

ده شرف كبير ليا طبعا بل وأتمنى أن تناديني بإبنتك.. وشرف ليا ان حضرتك متابع مشاركاتي ( بس حلوه قبل وبعد دي ) .. يا خبر هو أنا أطول .. والله اسعدتني جدا بكلامك

وبعدين حضرتك الوحيد اللي الفتاحة جابت نتيجة معاه .. وفتحت قلبك واتكلمت عن ذكرياتك مع القصيدة .. بس بيني وبينك هي القصيدة من العيار التقيل .. وكل ذكرياتنا معاها مؤلمة

والنبي تسامحوني على اختيارها لاني رجعتكم لذكريات مؤلمة في حياتكم .. بس أعمل ايه انا فعلا كتير باعيش مع كلماتها في هدأة الليل .. وحبيت تشاركوني سماعها وبدل ما أسعدكم نكدت عليكم .. قال يعني مش كفاية بانكد على نفسي بيها .. هه سامحتوني ولا لسه ؟

شُفتى عرفتى تفتحى قلبى بالفتـّاحة إزاى
عارفة ليه ؟ عشان ماشغلتيش "الحذافة" معايا !!

حضرتك من طيبة قلبك ومن روعتك فتحت قلبك وحكيت واتكلمت .. والسبب مش الفتاحة لأني حاولت افتح بيها وعصلجت .. تكونشي اتصلحت قبل مشاركة حضرتك على طول فجابت نتيجة ؟

بالنسبة للحذافة بئه ماتشغلش بالك خالص .. باستخدمها قليل

لكن عم صلاح ما شاء الله مشرف مع مرتبة الحذف

الله يخليكم اللي يشوف عم صلاح داخل موضوع اقبل الليل يوقفه على الباب ويمنعه من الدخول علشان مايشوفش الكلمتين دول

أصله ممكن يحذفهم