إعلانات زمان

**عصمت النمر** · #6 22/04/2006, 23h21

اقتباس:

المشاركة الأصلية كتبت بواسطة Ossama Elkaffash

غالي والطلب رخيص
وانت تؤمر يا دكتور جورج يا حبيبي
وكل سنة وانت طيب
علي السريع كده
الاعلانات الاذاعية والسنيمائية بتاعة زمان كانت بتتعمل في شكل دراما
وكان المقصود منها التعامل مع فكرة الاقناع عبر العبرة
الاعلانات النهاردة بتتعمل على شكل بنسميه جولت او قفزات سريعة والمقصود بيها ليس الاقناع لكن الاجبار عبر التكرار و الاصرار وعدم اعطاء الفرصة للتفكير وكل ده في اطار النزعة الاستهلاكية المتزايدة
يعني برضه باختصار شوف اعلان شربة الملح والحوار بتاع الراجل الي عايز يتجوزعشان صحته اتحسنت والمدخل للتقليد والاصرار على النوع المعين حتلاقي انه بيقدم الاعلان لك في شكل معلومات ولو قارنت ده باعلانات اليومين دول حتلاقيها في شكل اصرار على اسم السلعة والحاح باستخدام الشهرة مطرب معين او مطربة مشهورة بتستخدم نوع معين يبقى انا عايز استخدم نفس النوع عشان ابقى زيه او زيها
او الجنس بنات حلوة او شباب عضلات بياكلوا حاجة معينة طب انا نفسي ابقى زيهم او ينوبني حاجة منهم يبقى لو فاتني اللحم اغرق في المرق يعني الحاجة اللي بيستخدموها
فين المعلومات مفيش
على فكرة اعلانات برة ابتدت ترجع للمعلومة
ده مجرد مثال سريع
وتسلم لي يا جميل

****
انت عارف ياوس اوس
انا مذهول جدا وفى غاية النشوة وقاعد اسمع وازيد واعيد فى الكام عمل الفنى الثرى الجميل الذى نسميه اعلانات
من اول شربة الملح الاندراوس
الى الشيشمى
وبرشام جاد
وقد ايه الصورة السمعية اكثر ثراءا من الصورة البصرية
وباحسد نفسى اننى بين مجموعة بهذا الجمال الانسانى وياريت تعمل لنا قراءة هذة الاعمال من الكلمة الى شكل اللحن المناسب وتوظيفة
يبقى شيئ عظيم