المسحراتي
(الحلقات المصورة آداء سيد مكاوي وأشعار فؤاد قاعود)
(16)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...
صحيت م النوم على دق جرس ورنين ... سألت مين اللي طالب قالي حزر مين ... ده احنا اتقابلنا مع بعضينا ممن سنتين ... وانا قابلت ف حياتي خلق غُرب كتير اصحى يا نايم وحد الرزاق ... رمضان كريم ... والبيه قلقني عشان ما احل في الفوازير ... يا من مركب عقول الطير في جسم فحل كبير اصحى يا نايم وحد الرزاق ... رمضان كريم ... جنبني أهل العته والرزلة والتافهين ... قلت اللي قابلك عزل واحنا ناس تانيين ...
المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال يا خالق الخلق فيهم ناس عواطلية الوقت في عرفهم مالوش أهمية بيدعوا الظرف لكن دمهم يلطش اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق
رد: المسحراتي
العرض الشجري