أغنية تسلمى من كل داء

**Hisham Khala** · #2 12/08/2013, 01h10

اقتباس:

المشاركة الأصلية كتبت بواسطة محمد محمدالعقاد

تسلمى من كل داء

مذهب {كل يوم يعلا الدعاء*** تسلمى من كل داء}
{م الجهامة والعتامة *** والجهالة والغباء}
تسلمى من كل داء
كل يوم شايفك قوية *** رافعة رايتك إيد عفية
تسلم الروح الآبية *** تبنى وتعلى البنــــــاء
تسلمى من كل داء
فوق جراح الدهرعدّى *** انهضى يدك بيــدى
وأمرى ع الشوك نعدى *** كلنا رهن النـــداء
تسلمى من كل داء
واللى ح يضل الطريق *** جوه وهمه يموت غريق
والطريق واضح مضيئ *** للى بيحب الضيــــــاء
تسلمى من كل داء
تسلمى وتسلم يمينه *** اللى شايلك جــــــوّه عينه
وفىّ وعده ووفىّ دينه *** والرجال رمز الوفـــــاء
تسلمى من كل داء
الرجـــــــال المخلصيـن *** يسلموا فى كــــل حين
ربــــي يحفظـــهم آميــن *** للشــــــدايد والفــــــداء
تسلمى من كل داء
وانتى ف عنينا صبية *** زى وردة ومستحيــة
يحرسك رب البريــة *** م الجهالة والغبــــــاء
تسلمى من كل داء

شعر : محمد العقاد

تسلم الايادي
حاجة حلوة