طلبات نوتة أ / عادل صموئيل الجزء الثانى

[سليم العباس]

المشاركة الأصلية كتبت بواسطة sfakhri

أستاذ عادل ... بعد التحية و التقدير والعرفان ..استفسار حول نوتة أهواك :
فيما يخص الكوبليه أثناء محاولة عزف الكلمات ( ولاقيك مشغول وشاغلني ... ) شعرت أن علامة الصول بيمول خارج سياق اللحن ربما يجب أن تكون طبيعية و رفع علامة فا لتصبح فا # ...؟ هل من تحليل للمقطع المذكور فيما يتعلق بالمقام ( الذي اعتقد أنه هزام ) وظهر أثناء العزف كأنه صبا ... والرأي السديد يبقى عند حضرتك .
شكراً لك .
الاخ العزيز
انا اللحن ده كنت مش عايز ادونه من اكتر من سنة وهو انطلب كتير عشان المشكلة دى لكن الاخ العزيز وائل وانا احترم كلمته جدا وهو بيبقى لو ملحوظات دايما انا احترمها وكذا مرة بينبهنى لما اكون ناسى حاجة وانا اصلحها .. هو قال فى مشاركة سابفة ( فوق شوية ) انو جرب النوتة وهى مضبوطة 100%
وللعلم انا عزفتها مع عبد الحليم شخصيا وهناك عزفناها كده زى ما انا كاتب
وعزفناها سماعى لأن مالهاش نوتة هى المشكلة زى ما انا قلت مش فى الصول والفا لأن الصول بيمول هى الفا دييز ولكن المشكلة فى نغمة المى نصف بيمول هى زائدة شوية يعنى قبل المى ناتورال بشعرة
مع اطيب تحياتى عادل صموئيل

شكرا لك أستاذ عادل على توضيح الفكرة ... و أتمنى من الأخ العزيز وائل علوي أن يقوم برفع عزفه لهذه النوتة لكي نستفيد جميعاً... بصراحة لم أوفق في عزف المقطع المذكور على العود ( غالباً لأنني غير متمكن من الآلة)
أعود مرة ثانية لأشكرك على كل ما قدمته من إبداع و جمال .
اخى العزيز
اشكرك على التفهم
هو اهم موضوع لازم تفهمه فى الموسيقى العربية انها بتختلف عن الموسيقى الكلاسيكية فى اخطر شىء وهو القواعد الاكاديمية .. بمعنى ان الموسيقى الكلاسيكية بتمشى على القواعد الاكاديمية بنسبة 100% . يعنى مافيهاش طلاسم وحاجات غريبة .. يعنى اى مشكلة افتح الكتاب حتلاقى بيتهوفن ومتسارت ومن معهم حلوها من اكتر من 300 سنة .. لكن المويقى العربية بتاخد من الاكاديمية شىء وبتكمل عليه لأن الموسيقى العربية فيها اد اللى فى الاكاديميات مليون مرة
يعنى اقل شىء فى الموسيقى الغربية مقامين السلم الصغير والسلم الكبير اما فى الموسيقى العربية 47 مقام وبيتفرع منهم كقامات والاقاعات والضروب والاوزان ما اقدرش احدد لك عددها .. زائد ابداعات المبدعين يعنى عندك مثلا لو اخدت عبد الوهاب كمثال شوف عمل كام جملة بياتى .. لو 300 جملة حتلاقى ان كل جملة منهم لها نكهة مع ان المقام هو هو من هنا تأتى المشكلات زى اللى احنا فى صددها ,, واهم مانكسبو منها ان كل لحن بيمثل درس جديد
مع اطيب تحياتى عادل صموئيل