احبائى
خلاص سياسة هى خلاص اتحسمت لمرسى , ولو الاخوان م بطلوش الموسيقى المفروض من دلوقتى مؤلفى الاغانى يبتدوا يجربوا اسم مرسى عشان يعملوا لو اناشيد ( ما اى رئيس جمهورية لازم يتعمل لو اناشيد خلو بالكم )
اقدم لكم تحفة فايزة احمد ومحمد سلطان
غريب يا زمن
كاملة فى 9 صفحات .. وخلوا بالكم انى بعد المذهب لأول مرة تركت باقى الصفحة فاضى وابتديت الكوبليه الاول فى صفحة جديدة وللعلم كان معظم نوت الفرقة المسية مكتوبة كده ,, لأن موسيقى الكوبليه الاول سريعة وصعبة جدا ويستحسن العازف ما يقلبش فيها الصفحة ...
اللحن ده بالذات فكرنى بذكريات كتير .. كان اهم واصعب حاجة فيه صولوهات الجيتار ,, واللى كانت صعبة جدا على الجيتار .. ولكن تميز عازفى الفرقة الماسية كان بيخلى كل ملحن يطلع كل اللى جواه مهما كان صعب لأنو حايطلع وحلو كدا مش يطلع وخلاص .. يعنى عادة صولو الجيتار بيبقى غير صولو العود عشان ريشة الجيتار بتبقى حركتها ابطأ من ريشة العود .. يعنى كان دايما الصولو بيبقى اما بلانشات او نوارات او بالكتير كروشات وبيكون مش كتير ورا بعض ... لكن الاعجاز اللى عند عمر خورشيد انو خلى الملحن يعمل له صولو اكتر من 4 موازير كل مازورة فيها 16 دوبل كروش ورابعض .. وصعوبة الصعوبة انو وسط الصولو بيقلب السيكوانس او التتابع يعنى انت بتعمل حركة من دو مثلا بعدين تعمل نفس التفعيلة من رى ده اسمو سيكوانس او تتابع .. لكن الخبث انو بعد 3 مرات من التتابع ده يروح قالب الحركة بشكل مش عادى .. هنا العازف لو مكانش 100% اكيد لازم حايغلط .. وكانت الكارثة لما عمر خورشيد ترك الفرقة الماسية كان من الصعب انك تجد عازف جيتار يقدر يعزف كذا صولو فى كذا اغنية ودى فى حد ذاتها مصيبة .. لأن المطربين بتوعنا كان من اهم مواصفاتهم انهم فى الحفلة بيغنوا الاغنية الجديدة بعدين بيغنوا واحدة من الاقدم .. وعدم وجود العازف ده معناه وفاة الاغنية .. المشكلة فى عازفى الالات الكهربائية ان معظمهم ضعاف جدا او مش بيقرا نوتة خالص او مش بيقرا كما ينبغى .. كانوا بيختارو عازف وكنت انا عشان مدرس موسيقى بقعد معاه واقعد احفظه الصولوهات وبينى وبينكم طلعوا روحى وكانو برضو بيغلطوا وكانت فايزة بتتجنن .. لحد ما ربنا اكرمنا بجلال فودة يعنى سد شوية مكان المرحوم عمر خورشيد
فيه هنا ملحوظة دى تعتبر سر ماحدش يعرفها .. لما كان بليغ متجوز وردة ومحمد سلطان متجوز فايزة ... لما كنت اروح عند بليغ البيت اكتب لو لحن لوردة .. كانت بتبقى وردة حافظة اللحن طبعا وشغلتها معانا متفرجة ساكتة او بتدندن فى سرها .. او بتروح المطبخ تطبخ وتيجى تشوف تتفرج شوية .. لكن مش بتتدخل ..
اما مع فايزة كانت تتفرغ لنا .. يعنى محمد سلطان بيملينى جملة تيجى هى تقول لأ خليها كده .. او تمسك العود وتعزفها وتفير نصها .. او ساعات يختلفوا على قفلة ويتخانقوا اقدوم انا اخرج فى البلكونة اتفرج على النيل لحد ما يستقروا ويندهولى .. بالإختصار كنت بحس ان اللحن بيبقى تلحين محمد سلطان وفايزة .. وكذا مرة كانت بتحاول تعمل كده مع عبد الوهاب لكن كان بيشخط فيها الشخطة تتكتم او كان ساعات بيشتمها ( بأدب يعنى طبعا ) لأن عبد الوهاب كان لايسمح ان حد يغير اللى بيقولو لنو بيبقى مجرب اللى بيقولو ومغيره 500 مرة ومستقر على حاجة
والدليل انك النهاردة اى لحد بعد 60 سنة عمرك مهما كنت موسيقى شاطر تقدر تقول الجملة دى ياريت لو كانت كدا بدل كده .. وتتوالى الذكريات .. اردو ان تتمعوا باللحن الجميل جدا والصعب شوية ده
هو اى نعم صعب لسبب مش ممن يتبسط اكتر من كده لأن الجملة ممكن تتأثر بس انت الاول اسمع الجزء الصعب كويس جدا من التسجيل حتلاقيه سهل
ولول مرة حقول لكم اللحن القادم ( الظاهر حاسس انى اما حموت او خايف لا يمنعوا الموسيقى عشان كده بطلت انى اغلبكم تخمنوا او تشغلوا اجهزة التجسس ) حقول لكم اول حرف بس
للفنانة الراحلة العزيزة وردة سأقدم لكم آخر اكبر اغنية فى حياتها بعمرى كلو حبيتك
بس طبعا دى طويلة اوى اوى وصعبة شوية يعنى اصبروا لحد ماتخلص انا ابتديت فقط
مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري