محمد وردي

[خالد بخارى]

رثاء الفنان محمد وردى امبراطور الاغنيه السودانية وفنان افريقيا الاول من وحى اسماء اغنياته :
وردى ... لمن اكتب لك وداعا قلبى ينزف فى الدواية انا لا الصبر قادر على ولا عندى حيلة الليلة با حبى الكبير فى حرقة لافينى الاسى ضاع الكلام انا منى ضاع ماتت حروف اللقيا قبال اهمسا والله ما غابت محاسنك لا الجرح اتنسى .. وداعا يا نسمة هبت فى عز الصيف وفى شدة هجير وزحام ...علمت قلبى يحبك ولما سار فى دربك رحت وسبت حبيبك ليه .. دي الإرادة ونحن ما بنقدر نجاابه المستحيل دي الإرااادة والمقدر ما بنجيب ليه بديل دي الإراادة أجبرتني في هواااكم من قبيل وانتِ منك لا بداية..عرفت لسّه ولا نهاية ..اقول انساك وانسى شقاى لو قادر وكيف اصبر وعارف نفسى ما صابر دا العمر زادت غلاونه معاك وصالحنى الزمان..كيف ترحل ونحن حبيناك من قلوبنا واخترناك يا حلو فى بعدك لقيت كل الارض منفى وحمولى تهد جبال الشيل صابر بتألم والمر دا شرابى .. يا حليل الراحو يا حليل احبابى.. وحليلو الكان بهدى الغير صبح محتار يكوس هداى .. زمان ما عشنا فى غربة ولا قاسينا نتوحد وهسع رحنا نتوجع نعيش بالحسرة نتاسف على الماضى الما برجع ... وااااسفاى .. صبرت واستنيت كتير اتمنى اقول بكرة حا تقوم للغنا وأثقلت كفى الضراعات ومن بعيد ياما كنت من قلبى بدعيلك تقوم ومعاى نتغنى ..حلمت تغنى لى وطن شامخ وطن عاتى وطن مالك زمام امرو ومتوهج لهب جمرو .. لقيتك فى طشاشى دليل وفى حر الهجيرة مقيل وردى ياما بعدك شفت الالم وقل نومى وصبرى انعدم آآآآآآآخ شوف دموعى وراك صارو دم (رحل وردى ) كلمة واحدة بس سقتنى الالم وعاد الحزن القديم ...سنظل نحبك ومكانك صميم الفؤاد ..

مع المرفقات اغنية : الحزن القديم .. من اروع اغانيه