سايق عليك النبي أن كنت باقيني
تضحك بسن الرضا ساعة تلاقيني
دا انا الورد وأنت الماء بترويني
إن غبت دبلت انا وإن جيت بتحيني
والله لو كان غيرك قمر ما تنظره عيني
جمل النقا عضني في كتفي وأنشبك نابه
والحلو بلاده بعيده اللي أنشبكنا به
ياعمي بيع الجمل وأسكر على نابه
وإن جاك صاحب الجمل قله سكرنا به
انا دخلت بستان ادور على طيري
لقيت طيري ياكل من إناء غيري
انا زعقت من عزم ما بي وقلت يا طيري
قال لي زمانك مضى روح دور على غيري
قالوا حبيبك مسافر قلت أنا اجيله
يفضل في بلده وبعيني اراعيله
لو كان على مجري النيل أنا أقطع واعديله
علشان صاحب مخلص ويستاهل أنا اجيله
يا صاحبي عيب أختشي بتعض ليه أيدي
من بعد ما ساعدتك وعليت على ايدي
يا صاحبي عيب مش كده يعني
انا ازرعك يا صاحبي وانت تقلعي
وتجري تجيب الحطب علشان تولعني
يا صاحبي اجريت على الخد دمعي يوم عيدي
موال مصري قديم
العرض الشجري