ثورة ثورة ثورة ثورة

[سعدالشرقاوى]

يااااه
أقول لك ايه ياعم طارق ياوحشنى
اقول ايه اصلى لازم اقول

عمرى ماكنت احلم فى حياتى


بعد ما شَعرى ابْيضّ وشاب


انىّ ها لاقى كيانى وزاتى


آهـ ياولاد الايه ياشباب


,,


لمّا سنين الظلم تفجّر


غضب الارض نلاقى طوفان


والا ف أزمة نهر النيل


رغم السّد نشوف فيضان


,,


موجه بتيجى وموجه وراها


عاليه تغطىّ سطح المادنه


شايله تقاوى الخير جوّاها


علشان تزرع كلّ بلدنا


,,


تالت موجه معاها موبيد


سايل يحْرق زرع فسادهم


وزى ماعيشنا العمر عبيد


لازم يجنوا ثماره ولادهم


,,