تطبيقات عملية من قراءة النوتة

[وليد100]

المشاركة الأصلية كتبت بواسطة عادل صموئيل

احبائى
انتم عمالين تعزفوا وانا ماليش نفس اعزف زيكم ؟
اقدم لكم من روائع الروائع واللى ممكن يعزفوا الحاجات دى ماتوا من زمان
الجندول من عزفى المتواضع على الكمان ( ما انا مش بدون نوت وخلاص يعنى احيانا كمنجاتى غلبان متواضع )
اقدم لكم وصلة من الفن الجميل 36 دقيقة

اسمعوا وقولوا رأيكم فى عزف العواجيز

اولا : استمتعت جدا بعزفك يااستاذنا وخصوصا التريل فله مذاق خاص ومميز .
ثانيا : فكرتني بعازف الكمان الحفناوي فواضح تاثرك بيه
ثالثا : واضح من غناك بالكمان استيعابك الكامل لطريقه غناء عبد الوهاب ويظهر ذلك في وضوح كل نوته تعزفها وضوحا تاما ومنمقا ؟
رابعا : ممكن اسال سؤال وهو هل كان لديك علاقه شخصيه بعبد الوهاب ونخليهم سؤالين فنقول ماذكرياتك حول هذه القصيده ؟
خامسا : عزفك يؤكد هذه المعادله
موهبه + دراسه = عازف بارع
عذرا لاستخدام المعادلات فانا مدرس فيزياء ولاغني للفيزياء عن الرياضيات
اخيرا ربنا يوفقك لما فيه خير بلدنا
اخى العزيز اشكرك على تفهمك لعزفى المتواضع
واجيب على اسئلتك يعنى عملى كعازف بالفرقة الماسية جعلنى اتعامل مع عبد الوهاب ( وكل العمالقة ) لمدة عشرين سنة واكيد حتأثر بيهم كلهم ويطلع منى نتاج هذا التأثير , واحمد الحفناوى تخيل انه كان زميلى جوا وبرا الفرقة فى تلك المدة اكيد طبعاً بصمته حتكون موجودة عندى , واضيف الى معادلتك موهبة + دراسة + احتكاك كبير لمدة طويلة مع العمالقة , يعنى انا متخرج من كلية التربية الموسيقية ولكن تخيل كام بروفة خلال عشرين سنة مع العمالقة وكل بروفة من الناحية العملية تعطيك خبرة تساوى دراسة سنة بالكلية شوف يحصل ايه , يعنى انت مثلا مدرس فيزياء تخيل انك لو عندك موهبة من الصغر وحب للفيزياء بعدين دخلت الكلية ودرست الفيزياءثم اكرمك الله بإجتهادك انك تعمل مع انيشتاين وفيثاغورث وكل العمالقة اللى قريت عنهم فى الكتب كان ممكن يحصل ايه ؟ اقل شىء كنت حاتبقى زيهم او يكون لك اختراعات تكملهم , وقصيدة مثل الجندول عشان تعزفها محتاجة بغلإضافة الى كل ماقلنا ان انا من وانا سنى صغير جدا كنت حافظ كل القصائد دى يعنى انا القصيدة دى بعزفها من وانا عندى 15 سنة , حاجة مهمة عشان تقعد مع عبد الوهاب او ام كلثوم يلزم جداً بجوار كل اللى قلناه انك تكون حافظ كل اعمالهم السابقة وده اهم عنصر لوجودك معاهم , لأن تقييمهم لك بيبقى على كده يعنى ممكن ( وحصلت كتير ) ام كلثوم تستفرد بيك وتقول لك سمعنى رباعيات الخيام او سلوا قلبى مثلا
ان لم تسمعها وتطربها جدا تبقى مش تنفع فى نظرها ,
مع اطيب تحياتى عادل صموئيل