تامللى فى قلبى ياحبيبى

[حسن كشك]

تامللى فى قلبى ياحبيبى
من روائع محمد فوزى
كلمات عبد الفتاح مصطفى

كلمات الاغنية
تملى فى قلبى يا حبيبى وانا عايش غريب عنك
تملى ولا انت داريبى وانا بشكى اليك منك
انا بشكى اليك منك يا حبيبى

يا ساكن فى الهوا قلبى وساكن فى الديار جارى
جمالك كل يوم جنبى اسرنى وانت مش دارى
معاك بعنيه وكفايا تنور ليه دنيايا
انا بشكى اليك منك يا حبيبى

لا فيه ماضى اقولك كان ولا فاكره ولا نسيته
ولا مره جمعنا مكان عشان تقرأ اللى قاسيته
بقلبى لك انا كلى وشاغلك عنى ايه قوللى

انا بشكى اليك منك يا حبيبى

ياريت اخطر فى احلامك واشاغلك واشغللك مره
يا ريت تلمحنى ايامك واعيش فيها ولو نظره
ياريت اخطر على قلبك ولو تكرهنى واحبك

انا بشكى اليك منك يا حبيبى

هذه الاغنية بالذات للفنان محمد فوزى ... تتسم بالوقار الشديد ... وابتعد فيها محمد فوزى تماماً عن شقاوته المعروفة فى الالحان .... فالأغنية تتسم بشجن عالى جداً ولمسة حزن واضحه فى طريقة اداء محمد فوزى لها .

كلنا سمعنا هذه الاغنية ... وتأثرنا بها ... لظروفنا العاطفيه .... وهى مثال واضح تماماً للحب من طرف واحد دون ادنى احساس من الطرف الاخر بالعاشق المتيم ...
لن اعلق طويلاً على هذه الاغنية .... لكن احساسى عندما استمع اليها ... ان الزم الصمت احتراماً لهذا العاشق .... الذى يعرف تماماً ان ليس له عند من يحب ... اى ماض او مستقبل .... ولا ندرى لماذا يواصل عشقه .... ??
عسى ان يجد فيها اساتذتنا مايحمسهم لتحليلها لنا .كعمل فريد وحيد فى الاسلوب للفنان محمد فوزى .

رابط الاغنية