واحد على القهوة بيكلم القهوجى:
شوية شاى مع المية
و قوللى؟ ... بانت الرؤية؟
رد القهوجى:
خرج م الشاشة مفتى وقور
على وشه شعاع من نور
و قال باكر تمام شعبان
و أول ليلة فيها سحور
صاحبه: غريب جداً ... كأنه فـ مالطة راح يدن
دا فيه واحد وقور تانى
ظهر ع الشاشة فى ثوانى
و قال بكرة بداية صوم
و مالكوش دعوة بالتانى
رد عليه واحد ثانى:
يا شهر كريم بيجمعنا
و فرقتنا بدون معنى
بنتخانق على الرؤية
و ساحة الكعبة تجمعنا
رد واحد ثالث:
يا مولانا يا مولاهم
أكيد فيه حد مش فاهم
رد الأولانى:
بلد بتصوم وعشرة لأ
و توِّهتونا فين الحق
و مين فيكم حسابه أدق
ما يوم عرفة هانتقابل
بلاش دلوقتى نتفرَّق
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
على القهوة
العرض الشجري