العاشق لما يكون غاوي

[علاء طه ياسين]

ناسية تقولي حتي سلام ؟
ولاّ ماعادشي بينا كلام ؟
ولا البعد داس الأحلام ؟
ولاّ تكوني نسيتي انا مين !!؟
...
انا حواديت حلوة وحكاوي
وكتابي مليان بغناوي
والعاشق لما يكون غاوي
يصبح واحد م المجانين
...
وانتي المية وانتي الزاد
وانتي الفرْح ف كل ميعاد
يا حبيبتي طول ما احنا بعاد
اللحظة بتساوي سنين
...
يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية
نموت علشانك منتحرين
...
بتضفري شعرك بالنور
وتطبطبي ع الأرض تدور
وانا قلبي زي العصفور
من غيرك شارد وحزين

...
..
.
علاء