في حضرتك وكتين تجود
تـمـنـحـنـي فــرّة ابتسام
الشوق بيربكني واقيف
وبالجد بروح مني الكلام
***
لو كنت في محلي بتقول
نفس الكلام القلتو انا
كان برضو ح يغلبك غناك
اهو نحن في الهواء كلنا
معليش اذا ما صمتي طال
لكن بعوضو ليك غُنا
واملابك الساحات جمال
صدقني يا انبل غرام
***
ما تلومني لو ونست بيك
اصحابي في جلسة سمر
شان يلقو لي مشكلتي حل
لو تاني جيتك يا قمر
واصمد اذا منك بدت
كالعادة بسمتك الدُرر
يقدر يطاوعني اللسان
ان شاء الله حتي اقول سلام
***
حمدي السمر
20007
وكتين تجود = لحظة تجود
فرّة ابتسام = بداية البسمة
شان = عشان
املابك = املا بيك
في حضرتك ...
العرض الشجري