وتقولي بأحبك يا ياسين

[علاء طه ياسين]

نفسي أرجع أنا وانتي صغار
وأقابلك ع الترعة ونلعب
واجري وراكي ميت مشوار
ولا نرتاح أبدا ولا نتعب
واقطفلك زهر الياسمين
وتقولي بأحبك يا ياسين
ويقولوا علينا عاشقين
ولا نزعل أبدا ولا نغضب

نفسي أقابلك تحت القمرة
تنعس إيدك وسط إيديا
أو في الضُهْر ف ضل الشجرة
حضنك يبقي ف حضني شوية
نتخلص من عقدة خوفنا
ما يهمش مين اللي يشوفنا
نتداري ف ضلة صفصافنا
وِمْن الناس والعالم نهرب