الدنيا سوق=سعدالشرقاوى
موال الدنيا سوق
كلمات/سعدالشرقاوى
الدنيا ســوق يازمن مخـــــصوص لفنّ البــيع
فيه اللى غاوى الشرا وفـــيه اللى طبعه يبيع
وفيــهم اللّى عـــشان قـــرشك يتاجر بــــيك
لو حظّه فيك ينعـــــدل من غير تمن بيـــبيع
,,,,,,,
فيه ناس تدوخ ع الحقـــــيقه عشان تدفــــنها
وناس تدوّر علــــــيها وهمّا شايفــــــــــــنها
وشريك بيخــــدع شريكه وف الضّلال بيـدوس
من اجل حبّة فلوس لو عضم اخوه بيــــــبيع
,,,,,,,,
فى الدنيا ناس تنشرى بكــنوذ كتـــير ضاعوا
وناس بالدهب تشــــترى ومن غير فلوس باعوا
واللى بيحـــــــــــفظ ودادك لاجل منفعـــــته
لو يلقى بخـــــته ف جنيه من يمّــتك بيـــبيع
,,,,,,,,
تمن الكــــــرامه غلا والسّلـــعه شحّت فـيه
تاجر الشهامه ف عجب محتار ح يعمل ايه
لما الخســـــــــيس ينعدل على دفة البرصه
وان جاته فرصه فى ابنه يشـــــترى ويبيع
,,,,,,,,,,
|
العرض الشجري