المسحراتي

[حازم فودة]

تنويه


الآن بإذن لله سنرفع حلقات المسحراتي التليفزيونية للشيخ سيد مكاوي صوت وصورة وأيضاً بدون ترتيب وذلك بعد أن الحلقات الإذاعية التي توافرت لدينا ودون ترتيب من 120 حلقة سجلها للإذاعة حسب ما ورد في لقاء لإبنته في لقاء عن أعمال والدها وخاصة المسحراتي .

وقبل رفع الملفات التليفزيونية سوف أرفع ملف إذاعي لحلقة إذاعية واحدة وبصوت مذيعي المحطة الإذاعية بصوت الشيخ سيد مكاوي وكلمات فؤاد حداد وهي الحلقة الوحيدة المتوفرة لدينا لأنها تمت بأسلوب مختلف غنائي وبشكل رائع ولهذا سترفع بتسلسل رقمي مختلف اللون بالنسبة للحلقات الإذاعية رغم أنها كانت الحلقة رقم 29 والتي سبقت ليلة العيد

تحياتي

[حازم فودة]

المسحراتي

(الحلقات الإذاعية آداء سيد مكاوي وأشعار فؤاد حداد)

(01)

... ...
قول للصاجات حيوا البازة تسلم إيدين إيدين الخبازة قولوا قولوا
الكورس قولوا للصاجات حيوا البازة تسلم إيدين إيدين الخبازة
بعودة الايام يا حبايب وكل عام والعود طايب والبرتقان أحمر وجديد واليوسفوي صباح العيد قال اليافاوي ما عدش بعيد بعودة لبلاده الغايب وبعودة للعش زغايب إفرد حبالنا على الغارب نحضن مشارق ومغارب بعودة الايام بعودة الايام يا حبايب قولوا قولوا
الكورس قولوا للصاجات حيوا البازة تسلم إيدين إيدين الخبازة
أنا انا الذي سحر طبل بحر أبل الكورس طبعاً طبعاً

أنا انا الذي سحر طبل بحر أبل الكورس طبعاً طبعاً
والشهر خدته من الأول مسحراتي مسحراتي على الباز قولوا قولوا

الكورس قولوا للصاجات حيوا البازة تسلم إيدين إيدين الخبازة

ما قلتش ان الليل طالبينه قلت مطالبي الكورس الله الله
ما قلتش ان الليل طالبينه قلت مطالبي الكورس الله الله

يا كحكة يا دبلة حبي تسلم إيدين إيدين الخبازة قولوا قولوا

الكورس قولوا للصاجات حيوا البازة تسلم إيدين إيدين الخبازة

سرحت حضني ف أحضاني وأوطاني حبذا في رمضاني ساعة السحور يا حبذا وتعيش بلادنا العربية إشتراكية فجر السلام والحرية على دول على دول غير منحازة قولوا قولوا

الكورس قولوا للصاجات حيوا البازة تسلم إيدين إيدين الخبازة

لله صلاتنا وصيامنا للدنيا سعينا وقيامنا
لله صلاتنا وصيامنا للدنيا سعينا وقيامنا
وبعودة الايام أيامنا بعودة الايام بعودة
الايام الايام يا حبايب قولوا قولوا

الكورس قولوا للصاجات حيوا البازة

قولوا للصاجات حيوا البازة

قولوا للصاجات حيوا البازة

أيوة ايوة
قولوا للصاجات حيوا البازة

أيوة أيوة
قولوا للصاجات حيوا البازة

[حازم فودة]

المسحراتي

(الحلقات التليفزيونية آداء سيد مكاوي وأشعار فؤاد حداد)

(01)

.... ....

مسحراتي من الحواري يطل منئراتي في الندى والفل ... القلب أول ما سمع أول بيان في العصر إنسان بيحضن في الجميع الكل ... والدنيا خالية من الهوان والذل ... وكان مدينة وعذبة وكان بساط الأحبة اصحى يا نايم وحد الرزاق ... رمضان كريم ... وكان شوارع وكان أيام بيتقابلوا ... بكرة نده بعده وامبارح نده قبله اصحى يا نايم وحد الرزاق ... رمضان كريم ...القلب أول ما سمع أول بيان في العصر ... كان السما العالية والناس اللي فوق الحصر ... كل البشر فرحانين وكل البشر شعراء كل البشر حلوين ... كل الخُطب والمساطب والرطب عناقيده مدنة ياما سجدنا وفجر ياما نئيد ... وكل ضي ابتسامة وكل رعشة إيد ... وكلنا جنود وبنثبت رايات النصر ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... الشمس دقت على بابي وفتحت الباب لقيت ألوف البشر حاملين شجر ونخيل ... وكلهم عيلة واحدة وكلهم أحباب ... وكل ناحية جميلة وكل مصري عظيم ... في القلب أول ما سمع أول بيان في العصر ... اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي

(الحلقات التليفزيونية آداء سيد مكاوي وأشعار فؤاد حداد)

(02)

.... ....

مسحراتي منئراتي أجمل سلام ... على كل ناحية الاقيها صاحية وعلى الحسين اصحى يا نايم وحد الرزاق ... رمضان كريم ... وعلى الحسين والسيدة ومدنتين في الحي ده وعلى الإمام اصحى يا نايم وحد الرزاق ... رمضان كريم ... سلام وذكرى لشيوخ بتقرا آي الهداية من البداية إلى الختام ... والكل سامع حي المدامع والابتسام ورمضان بيفتح باب الكراماصحى يا نايم وحد الرزاق ... رمضان كريم ... دخلت أمدح زين الأنام ... على ربابي ولقيت شبابي رمى التحية المستحية وفات أوام ... كان نور صغير يحلم يغير كل الظلام ويا درس شيخنا وريحة تاريخنا جار المآم ... الستر مخمل والستر أكمل رؤية المدام ... ونور خيالي غنى الليالي ... غنى الليالي من ألف عام ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أدق كل البيبان لا تنهروا السائل ... تارك لقلبي العنان في الحب مش عائل ... على أرض مصر بحنان وعلى الأثر نائل ... أمشي ولا يمشي معاي الكبر ... حبيت على أرض الوطن كل شبر ... كان بالدهب والتبر يتائلاصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي

(الحلقات التليفزيونية آداء سيد مكاوي وأشعار فؤاد حداد)

(03)

.... ....

مسحراتي يا ليالي الزمان يا حتة من كبدي عليها الأمان ... يا مصر كنتي في يوم من الأيام شوقية بتغني وبتغردي في الأندلس زي الشريف الرضي ... لو هو أحمد شوقي ولا شوقي بيك وهو الأمير وانت الأميرة عليه ... العاشق المفتري ما كانش قلبه خالي وادي عنيه الاتنين عندك أمينة وعلي ... يا مصر أه ع المدنتين والنخيل ... وحلفت بالكوثر والسلسبيل ... والشارع اللي بينعطف ويميل اصحى يا نايم وحد الرزاق ... رمضان كريم ...يا ام العروسة شوفي اللي راجع شاري ... من حب عيني وساعة العصاري ... جابلك درر جابلك سرر من كل شئ اختاري ... من كل شئ اختاري ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... الشمس والهرمين ودار ابن هانئ جبت الوطن والناس ماعادش فارق ... شاعر متوج أمير ما ينقصوش الضمير اللي اتولد من جنس والي والمشاري ... شاعر بإذن الله ... ساعة ما يهتف أه يا مصري أه يا وطني لو شغلت بالخلد عنه نازعاتني إليه بالخلد نفسي اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي

(الحلقات التليفزيونية آداء سيد مكاوي وأشعار فؤاد حداد)

(04)

.... ....

... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...


مسحراتي وباسحر على نغم سندس أخضر نور النبات اللي مزهر رمضان كريم ... والرز والقمح مسنبل منئراتي وبطبل على نغم بحري مأبل رمضان كريم ... غيطانا يا محلى غيطانا الأصل في أصل وطنا حبة ليالي من الجنة ... بيضت دارك يا عليوة أما القمر أما حليوة النحلة دارت نحليوة اصحى يا نايم وحد الرزاق ... رمضان كريم ...طُلِّي وشوفيني يا بهية بامد لك ع الزراعية ؟؟؟ ونبات الحرية ... أنا اللي جايلك من بدري بنغم شارك بدري على الطريق فاتح صدري يا ليلة زاهية ومبروكة ... عل القنال خت فلوكة ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... بين الغيطان كنت ماشي الفجر أتنسم ... الشمس شقت ورقت سني يتبسم ... هاتف هتف وقالي نشوف نوارة الموسم ... زهرة شقاك والصبر طول السنة ... ده ما أعز الولد إنه ضنى ... الليل يا روحي كإنه أنا ... ع الفجر بيسلم اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي

(الحلقات التليفزيونية آداء سيد مكاوي وأشعار فؤاد حداد)

(05)

.... ....

... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...


مسحراتي وكل ليلة سحور منئراتي وبطبلتي مسرور ... أخدت بعضي من بولاء للصحافة والجلاء طاير حمامة والإشارة مرور ... يا اهل المطابع والأصابع نور شفت الليالي نهاري ونهاركم نور تسحروني والا اسحركم ... الحرب على الورق ثابت محفور ... واعرف تاريخ اليوم في أيامي ... والدنيا ع البنورة أدامي والحبر جايز والمكان بيدور ... وفي كل سطر ألوف بتشبهلي الواجب ؟؟؟ على مهلي والعمر ما يكفيش قراية السطور ... غير دعوة صادقة ومصر منصورة ... كل الأحبة يبانوا في الصورة ... وكل غايب ينكتب له حضور ... واخطف بعيني أول الصفحة من الجريدة المسعدة الصابحة ... والقطر قايم والأمل مأطور ...



والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أنزلكم في الندى والطل أتنسم ... في الضي أضحك لكم وفي الضلمة أتبسم ... نغم المحبة بيجمع لما بيقسم ولا أبطل غُنى ولا أبطل التسحير بقلبي طول السنة وبطبلتي موسم اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي

(الحلقات التليفزيونية آداء سيد مكاوي وأشعار فؤاد حداد)

(06)

.... ....

... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...


مسحراتي منأراتي جنين أدق باب الدنيا وأسأل مين ... مين الفنان بحق اللي خلا الزمان قلبه دق ريشة في إيده اليمين ... على المحبة أمين شعاع من الفجر شق يكافئ السهرانين ... الموج بيضرب بيضرب الأيام تقرب تقرب اسمع بلادي بلادي ... تسمع قلوب مصر ماشية العصر والسكة والشمس طالعة تغرب والشمس طالعة تنادي على بيت بكوم الدكة ... نفرش تلات عتبات ونفرق الشربات ... تطلع معاك الضحكة زغروطة من ألف جيل ... أه يا المعلم بحر صبح صبحنا جميل من طاقة الموواويل ومن اكتمال الصبر ... طافت عليه ويطوف على البلاد والحواري ومن زقاق وعطوف ... يخطر في باله النغم يلقى النغم مخطوف ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... الله يشاء تجتمع في مهجته العشاق وارث فوارس وعدى ولو مراكبية ... أسمر وجيه اللون وفيه شبه من أربعين مليون وف إيده حنة وريشة ومسطرين وسلاح ... وكان مصري كامل وكان عامل وكان فلاح وكان سيد وكان درويش وكان واحد وكان الكل اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي

(الحلقات التليفزيونية آداء سيد مكاوي وأشعار فؤاد حداد)

(07)

.... ....

... مسحراتي على غصن شمس وقمر يحرس ولاده ويحرسني اسم النبي ... مشيت بصندوق الأيام اقولك اتفرج يا سلام في قلبي صورة وأغنية اصحى يا نايم وحد الرزاق ... رمضان كريم ... مبدأ تاريخ الوطنية أحمد عرابي على حصانه ويعرق شبابي في قمصانه ... مد النديم من أغصانه طريقة في دنيا الأحلام أقولك اتفرج يا سلام ... النور ينسم ف النشرة تاخد بلادك بالأحضان خد السما وهاتها ف نظرة ف يولية والعاشر من رمضان ... وكل يوم احلف واقرأ واحدف بصوتي على أودام وأقولك اتفرج يا سلام ... شمس وقمر فاتحين زهرة وام كلثوم السهرة والعصر يديني محاضرة نكتبها فوق السبورة ... ألِف ألٍف اقلام اقلام واقولك اتفرج يا سلام ... من غير لا دبكة ولا ربكة الكورة بتحب الشبكة اللي تجيب جون ... ع الهوا في التليفزيون ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا قلبي لو قلتلي فوق التليفزيون برج اللاسلكي يوصلني لكل الكون ... برج اللاسلكي يوصلني لكل الناس عمر الليلة دي ما راح تبعد ... عمر الليلة دي من عمر الأرض ... والأرض والسما واتمسجد ... برج اللاسلكي في توب السنبلة الحساس يأدي الفرض اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي

(الحلقات التليفزيونية آداء سيد مكاوي وأشعار فؤاد حداد)

(08)

.... ....

... مسحراتي أنادي أهل الزمن منئراتي الاقي أهل المدينة ... الاقي منهم في الوكالة القديمة عمر الصنايعي زهر خان الخليلي ... شفته بينقش في صنية جميلة وسمعته يترحم على أستاذه ... عرفت فيه الأصل والعرفان لجل العجب طلع لي م الدولاب رصة ... على يعض بعضي وقالي شوف دية طُبقان رموها في التراب يا سيد ... لجل العجب نجليها ننقشها نزخرفها تصبح تُحَف والغالي يعرفها اصحى يا نايم وحد الرزاق ... رمضان كريم ... تختار تسالي الصبر والا الحماس ... عندي في قلب القاهرة يا صبية الفجر بيعاود من المغربية ... عندي نبات عندي حروف عربية ... نور ألفها لكافة الأجناس ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا ألف ليلة شفت من أنشاكي نور عيدان الشمعدان والمشاكي دقدق على سن الحديد الشاكي قسم تقاسيم الحديد في النحاس وشفت نور الأبريق وطعم الصواني فيها الغزالة والأسد صينواني القلب يطمر في حجر صواني بالفن يطمر في الدهب والماس على أساس ربك أراد الخير اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق