عايزه لسه حب أكبر من كده

[علاء طه ياسين]

عايزه لسه حب أكبر من كده
حب يحدفني علي شطوط القمر
حب يرسمني علي عيون القدر
زي زهرة فل ف كفوف الندي



عايزه لسه حب يرميني ف براح
وابقي زي نهار مهاجر وانتَ داره
أو مسافر لف كل الكون وداره
أو غناوي شاردة في حضن الرياح
ويّا موال ع الربابات ابتدا
عايزه لسه حب أكبر من كده



عايزه لسه حب زي بتاع زمان
أد شوقي .. أد أهلا .. أد فينَك
أد وعد كبير أوي بيني وبينك
أد مانا محتاجه اقول ... يااه ع الحنان
مش عاوزه انده ع الهوا يرد الصدي
عايزه لسه حب أكبر من كده

[حماد مزيد]

عاوز اقول الشعر عندَكْ

زي موّال الربابهْ

والمعاني ابْتحكي بَعدَكْ

حامْله موسيقى ابْرتابهْ

[علاء طه ياسين]

موالي شارب روعته
من نيلنا والليل والقمر
والغنوة لو شديت رحال
دايما معاياااا علي سفر
وهوايا صحرا في الهجير
عطشانة وواحشها المطر

شكراااااااااااااااااااااا أ/ حماد مزيد

[حماد مزيد]

المشاركة الأصلية كتبت بواسطة علاء طه ياسين

موالي شارب روعته
من نيلنا والليل والقمر
والغنوة لو شديت رحال
دايما معاياااا علي سفر
وهوايا صحرا في الهجير
عطشانة وواحشها المطر

شكراااااااااااااااااااااا أ/ حماد مزيد

شافتْ علاء وْ روعته

عيني على مدّ النظر

ساهرْ بتضوي شمعته

شعْر وْ قصايد في السّحَرْ

[علاء طه ياسين]

أنتم هكذا الشعراء تنتقلون بنا من احساس الي إحساس
تواصل رائع
أ / حماد مزيد

شديت رحال الشوق خلاص
ناوي السفر .. هابعد بعيد
هاتحدي أهوال الطريق
جايلك ياسي حماد مزيد
أنا بسيط في كل شيء
والحب غايةْ ما أريد

[سعدالشرقاوى]

عايز اقول انك وحشني جدا
يارب تكون بخير
كل عام وانتم بخير

[علاء طه ياسين]

عايز أقول لك وانت أكتر يا عمدة
بس الحياة خدتنا من بعض
والمصحف الشريف مشتاق لك