طلبات نوتة أ / عادل صموئيل الجزء الثانى

[عادل صموئيل]

احبائى
من اشهر اغانى فيروز

سألونى الناس

مع اطيب تحياتى

[برهان عواد]

أستاذ عادل تحية واستفسار،
بعد السلام و السؤال عن الصحة،
أستاذ، عند سماعك لأغنية تريد تدوينها شخصيا،
هل يؤثر صوت الجماهير في المسرح سلبيا في فهم دقة العزف،
طبعا، الجميع يعرف أن العزف في استديو يعطي أفضل النتائج
للتدوين السماعي،
و لكن أحيانا تفاعلية الجمهور و السلطنة التي
تحصل للمطرب، للفرقة، للجمهور تزيد من جمالية الأغنية وتكسبها رونق
أخر، فتبدو في معظم الحالات أجمل من تسجيل الاستديو،
أعرف أن حضرتك تنبه دائما الى ضرورة رفع الأغنية كاملة،
لتمسك المازورة الأولى لتضبط عليها الإيقاع،
ولكن، هل يوجد أي مشكلة في رفع أغنية من المسرح اذا كانت بإحساس أجمل
أم أن حضرتك تفضل رفع الأغنية بتسجيلين( إن أمكن) و تختار بينهما.
الرجاء من القراء إدرك أن كلامي عن تفاعلية الجمهور
لا أعني بها ( حالات الجنون و الصراخ) التي تشاهد و تسمع في حفلات المؤدين و المغنين هذه الأيام، و إنما السلطنة و الطرب التي كانت تشاهد في الحفلات أيام زمان.
شكرا.
اخى العزيز
اسئلة جميلة ويسعدنى الرد عليها ...
هو اخطر مشكلة بتقابلنى ان حد لما بيسجل اغنية ( يعنى زمان ايام اجهزة التسجيل الكاسيت ) انو بيسمع الاغنية فى الراديو ويضغط على الزر ويسجلها بعد مايكون فات منها جزء ... ودى مع الاسف بتحصل كتير وفى المواقع على النت فيه اغانى كتير كده لكن افضلها طبعا المسجل من الشريط الاصلى اذا كان تسجيل استوديو او حفلة
اما عن الحفلات يعنى ام كلثوم مثلا ما تتسمع إلا من حفلات لأن تفاعل الجمهور معها بيعطى احلى اداء ... لأن فى الاستديو المطرب بيكون مقيد بوقت محدد يعنى ما يقدرش يعيد كتير داخل الكوبليه ده بيخليه زى الحصان المحبوس فى مكان ما يقدرش يطلع طاقته , وكون انى كاتب من الحفلات ده من اعمال الفرقة الماسية فقط لأن الفرقة الماسية كان فيها مميزات خطيرة مش جودة العزف ولا كل المميزات اللى انتم عارفينها بالمقارنة بالفرق الاخرى .. كان احمد فؤاد حسن بيحرص ان كل مازورة من اللحن مهما كان حجمه انها تكون مسموعة وبأعلى جودة يعنى افرض مثلا ان الجمهور عمل تصفيق حاد جدا وامتد شوية ... كان بيحرص على اعادة الجزء بحيث يبقى موجود على الشريط واضح جدا ... وفى المونتاج يبقى فيه خامة جيدة يقصوا منها ... رؤساء الفرق الاخرى مش بياخدوا بالهم او يركزوا على هذا الموضوع .. يعنى احينا الاسقاع مش بيدخل صح او يكون ناسى الايقاع ويحصل تداخلات وعدم انضباط لمدة نصف الجملة لحد ما يصلحوا نفسهم .. ورئيس الفرقة مش بيركز وبيكمل عادى لكن الحاجت دى ماتفوتش كانت على احمد فؤاد حسن وكان عادة بيتعمل مرجعات كبيرة يعنى المرجع الكبير بداخله عدة مرجعات بحيث يخلى الفرقة تعيد الجزء سواء موسيقى او غناء بحيث يبقى متاكد ان كل جزء من اللحن موجود وسليم .. وده اللى بيخليك لما تسمع اى حفلة للفرقة الماسية من المستحيل انكك تجد غلطة من اى نوع او جملة يكون الجمهور مغلوش عليها ... كمان حاجة مهمة .. المطرب نفسه لما يكون الجمهور عامل صوت عالى والمطرب حايدخل يغنى ... بينتظرهم لحد ما يهدوا خالص ويغنى بحيث ان اول دخوله يبقى نقى جدا ... يعنى المطرب زمان كان مايعرفش يغنى إلا لما الجمهور يخلص تصفيق ويسكت اما اليوم اللى بيغنى بيعتمد على اثارة الجمهور لأن لو الجمهور سكت وركز فى السمع حايكتشف ان اللى بيغنى ده مالوش علاقة اساسا بالغناء .. بس التدوين من الحفلات بيحتاج اولا احترافية اكتر ثانيا خبرة بالمطرب نفسه ودى ميزة طبعا عندى لأنى عايشتهم وحافظهم بمعنى ان اهم شىء لو مطرب غنى جملة كذا مرة اولا بيقول اللحن الاساسى مرتين بعدين اذا كان عايز يجود حاجة من عنده بيقولها بعد 3 او 4 مرات ... انا طبعا او نحن كلنا بندون اللحن الاساسى ... زمان حتى المطرب الكبير نفسه لو حس انو قال جزء وممكن يقوله احسن من كده كان هو بنفسه يعيد الجزء ... لأن التسجيل كان زمان امانة يعنى لازم يؤدى اللحن 100% ... فيه كمان عنصر مهم جدا جدا .. مهندس الصوت بتاع الحفلة كان المطرب بيتعامل او بيطلب من الاذاعة مهندس معين بيحرص على وضع الميكروفونات بحيث انها تطلع صوت الجمهور لكن بطريقة ماتخليه يغلوش على اللى على المسرح مع اطيب تحياتى عادل صموئيل

[عاصم المنشاوى]

الأستاذ الكبير / عادل صمويل

شكرا لوجودك معنا ...وتفاعلك وأستجابتك لطلباتنا برغم آلام الركبة "بضم الكاف"...ونحن من هذا المنطلق ومن على منصة منتدى سماعى ...نقولها وبكل قوة ...أن لم تتراجع آلام الركبة وتتخلى عن دورها فى مضايقة الأستاذ ...فنحن نعلنها صراحة ...نحن عشاق ومريدى الأستاذ ...معجبين وتلاميذ الأستاذ ...اننا نشجب وندين ونستنكر ماتفعله الركبة فى مضايقة الأستاذ ...وأننا سوف نحاربها بكل ماأوتينا من قوة ومن دوروفين وبنسيللين ودياسيرين وأى حاجة فيها أأين وجيوفلكس وبنتونيكس وسوفوليكس وأى حاجة فيها أيكس....

ولايهمك يافنان وراك رجالة ...وأحنا مابنخافش ..... أبدع انت بس وسيب لنا تعب الركبة بتاعة حضرتك ..وألف سلامة عليك ...

[نور الصباح]

احبائى
من اشهر اغانى فيروز
سألونى الناس
مع اطيب تحياتى SSSSSSSSSSSSSSSSSSSSSSSSSSSSSSSS
حبيب قلبى
المايسترو الكبيرو الصديق العزيز
الفنان الأستاذ
عـــــــــــــــــــــــــــــــــــــادل باشـــا صموئــــــــــــــــــــــــــيل
سلام الله عليكم ورحمته وبركاته
وبعد :
شكرا على تدوين نوتة
أغنية فيروز الشهيرة
{ ســـألونى الناس عنك يا حبيبى }
وعقبال نوتة محرم فؤاد
{ يــــــــا خسارة ما عرفتش تحبنى }
نور الصباح

[تامرتامر]

السلام عليكم ورحمة الله وبركاته الأستاذ القدير عادل صموئيل ياريت يسمح وقتك بتدوين أغنية طروب ( ياحلاق) وشكرا

[ملحن مصري]

المشاركة الأصلية كتبت بواسطة عاشقة العود

انا الي شايفتوه بالفترة اﻷخيرة من تدوينات لمطربين ومطربات فاشلون وساقطات غير مﻻئمة لعنوان هذا المنتدى للفن الطربي اﻷصيل. يعني حسب رأي أختكم عاشقة العود ﻻزم نسميه منتدى سماعي للفن العام بكل أشكاله.
انا أسفه كثير على هيك إنتقاد بس أكيد في فنانين راح يقدرو التعقيب..مع خالص إحترامي للجميع

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ


أضم صوتي إلي صوتك ا / عاشقة العود

ليس الخطأ يتحمله من يطلب فقط

بل أن المدون عليه جزء كبير من الخطأ

حيث أن الهدف الأساسي هو الحفاظ علي تراثنا الموسيقي العربي والمصري ولا أعلم سبب تغاضي إدارة المنتدي عن هذا الأمر الخطير

أرجو من السادة القائمين علي هذا المنتدي المحترم والراقي أن ينظروا في هذا الأمر حيث أن النتائج المترتبة عليه كارثيه بمعني الكلمه

والسؤال الأخير لإدارة المنتدي

ما هي القيمة الفنيه التي تحملها المسماه بالأغاني الحديثة ؟؟؟؟؟؟؟؟؟؟


مع تحياتي

تامر عامر

ملحن مصري

[m.pharma2000]

بصراحة منتدى اكثر من رائع
ربنا يوفقكم يا رب

[عود الاندلس]

تحية طيبة أستاذي المحترم عادل صموئيل.

أطلب من حضرتك أستاذ عادل إذا توفر لديك الوقت هل ممكن تدوين رائعة يا صباح الخيرلسيدة الطرب العربي أم كلثوم. نظرا لأنها غير موجودة في فهرس الأستاذ الفاضل هيثم الصالحي .
وأشكرك جزيل الشكرعلى كل النوتات الموسيقية الرائعة والشروحات المرافقة لها والتي نستفيد منها جيدا من هذا المنتدى الجميل.
أتمنى لك أستاذي الكريم دوام الصحة والعافية وجزاك الله خيرا على كل هذه الأعمال العظيمة التي تقدمها للمجتمع العربي للحفاظ على طربه الأصيل. وستبقى الأجيال القادمة والتاريخ شاهدين لك بهذا.

هذا هو رابط الأغنية :

https://www.youtube.com/watch?v=LNBReIZTfzk

[عزت شحاته]

استاذى الجميل / عادل صموئيل
الف تحية ومليون سلام من الام الركبة
وبصلى وادعى ربنا يشفيك
---
رمضان هالل علينا وكالعادة ربنا ما يقطع لنا عادة
نوتة اغنية
هاتوا الفوانيس - محمد فوزى
يا ولاد جارتنا - هدى سلطان

https://www.youtube.com/watch?v=hSC6lAl5FHI
https://www.youtube.com/watch?v=tRHjfWjBfkc
والشكر مقدما يا استاذنا

[مينا رضا]

مجهود رائع وجبار ومنتدى اكثر من رائع
كنت اتمني من استاذنا الفاضل عادل صموئيل تدوين نوتة ترنيمة خارج اسوارك يا اورشليم
للمرنمة هايدي منتصر وهذا هو رابط الترنيمة على اليوتيوب
https://www.youtube.com/watch?v=9O9Br-3Kp9k
الاخ العزيز
اولا اهلا بك فى المنتدى وشكرا
مع الاسف المرنمة بتلعب بصوتها شكل كتير اوى وده صعب يتكتب هل ممكن تحصل على تسحيل آخر يكون الغناء والعزف سادة بدون الحليات دى ؟
مع اطيب تحياتى عادل صموئيل