اقتباس:
المشاركة الأصلية كتبت بواسطة Tarek Elemary
ماقدرش أقول كُنْتى
رغم الممات ......
هاتعيشى لنهاية الحياة اللى قاسمها ربنا
أمى
طيفك فى عينى و المكان مليان عبيرك ...
و عايشة تِتْحَسِّى و تِتْشَمِّى
يا شجرة الجِمِّيز يا نخلة فى السما
يا اللى فروعك ع السنين كافيانى ويل
هَمِّى
لسة باشوفك قبل ما باغمض عيونى يا حبيبتى
و كف إيدك حانى على خدى
ترقينى و تْسَمِّى
أول ما لحظة ضيق تِخَلِّى الكون يضيق
بيضُمنى حضنك
و إيدك تِمسح الدمعات
و صوتك باسمعه
يشخط بحِدة ف محنتى
و يقوللها إتلَمى
صدقينى يا حبيبتى لَمَّا أقول
طيفك فى عينى و المكان مليان عبيرك ...
و عايشة تِتْحَسِّى و تِتْشَمِّى
و مزَيِّنة الأعياد و طارحة
و أحلى كلمة نطقها إبنك طول حياته هىَّ ...
أمى
|
أبدعت بلا شك أخى الكريم
وذكرت بعضا من عطاء بلا حدود
فى أسلوب جميل وكلمات خرجت من القلب
فدخلت القلب مباشرة
ومهما كتبنا أخى الفاضل
فلن نستطيع حصر أفضال الأم
نسأل الله العون
ولك التحية
أمى
العرض العادي
