طلبات نوتة أ / عادل صموئيل الجزء الثانى - الصفحة 141

**المنير** · #**1401** 12/03/2013, 17h47

السلام عليكم

انا أضم صوتي للإخوة الذين طلبوا "ختم الصبر بعدنا بالتلاقي" للأستاذ فريد الأطرش.
تحياتي

**مجتهد مجتهد** · #**1402** 12/03/2013, 19h06

أستاذ عادل المحترم الف الف شكر على كل ما تنوته واشكرك على تنويت أغنية عنابي بارك الله فيكم وأمد في عمركم

**enas osama** · #**1403** 13/03/2013, 14h15

أستاذ عادل لوسمحت انا محتاجة النوتة الموسيقية لأغنية الحضرة زينبي غناء على الحجار
و النوتة الموسيقية لأغنية نعم يا حبيبي نعم للعندليب
انا مجتاجة النوتات دي ف خلال يومين ياريت يا استاذ عادل لإن عندنا حفلة الشهر ده ولازم نعمل الاغانى دى
اتمني ترد عليا ف اسرع وقت ياريت

الاخت العزيزة
اولا اهلا بكى فى المنتدى واحنا بنرحب جدا بمدرسى الموسيقى اللى بيحبوا يطوروا شغلهم ويقدموا حاجات جديدة ما اتعملتش فى المدرسة من قبل
انا نزلت المفين الصوتيين وان شاء الله حبتدى ادونهم حالا لأنك محتاجاهم بسرعة
مع اطيب تحياتى عادل صموئيل

**عادل صموئيل** · #**1404** 14/03/2013, 04h35

احبائى

اقدم لكم رائعة عبد الحليم

نعم يا حبيبى

طبعا الاخت العزيزة اللى طلبتها انا معرفهاش شخصيا من قبل يعنى عضوة جديدة فى المنتدى ومعرفش امكانياتها لكن انها طلبت اللحن الصعب ده والملىء بالادليب ده يدل على انها شاطرة مش مدرسة عادية

واكرر طبعا الادليب مش بيتقى زى الموزون يعنى الواحد لازم يكون حافظ احساس اللحن الاصلى عشان يطلع له نكهة

اللحن ده بيفكرنى بالفيلم الرائع شارع الحب والموقف اللى حصل فى الاغنية دى واللى بيحبس الانفاس لما المايسترو عزيز اتأخر وتخيل روعة الاداء انى شفت الفيلم اكتر من 500 مرة وكل مرة الانفاس بتتحبس فى اللحظة الحرجة مما يبين لكم اد ايه كان الزمن الجميل فيه صدق .. بمعنى ان الفن العادى ممكن الانفاس تتحبس فى موقف لكن لما تشوف الفيلم تانى خلاص تبقى حاسس باللى حايحصل والترقب والاثارة تروح

تحبوا احكى لكم حكاية ؟؟

انت لما تكون بتشتغل شغلى معينة ويحصل ان فى اى فيلم الممثل بيكون بيشتغل شغلتك اكيد بتاخد بالك هو بيعمل صح او غلط ... بمعنى ان المخرج المحترم لما يتعرض لمشهد طبى بيسأل دكتور متخصص او بيخلى الدكتور ده يبقى معاهم فى التصوير ويعلم الممثل يعمل ايه .. لكن المخرج الحمار بيشتغل من دماغو واى طبيب يتفرج على الفيلم يقول ايه الاستحمار ده ..

فى بعض الافلام وبالذات الكوميدية تلاقى البطل او البطلة ممكن بيجرى هابان من عسكرى او من ديانة عايزين يمسكوه يروح داخل مسرح او كباريه ويروح داخل على خشبة المسرح فى وسط العرض ويغنى معاهم عادى كده .. طبعا دى مش ممكن تحصل فى الحياة العادية

اما الموقف اللى فى الفيلم ده لما اتزنقوا وقرروا يجيبوا عم جادويليو ( حسين رياض ) ولو حسبتها بالقائق ان من ساعة ما قرروا يجلبوه الى لحظة ظهوره على المسرح بالكتير عشر دقائق وهو بالطبع شارع محمد على كان بينه وبين الاوبرا ( اللى اتحرقت ) خمسين متر .. لكن انا اللى خلانى افكر حاجة حلق دقنه وجاب البدلة الفراك والقميص والبابيون والجزمة والشراب منين فى اللحظة دى .. طبعا اى حد عادى ماياخدش باله لكن انا عشان شغلتى يعنى زمان ايام العز .. كان اهم شىء البدلة السموكن لازم تكون جاهزة ومكوية 100% وموجودة تحت الطلب اى لحظة ولازم يكون عندى على الاقل 4 قمصان بيضاء فى الدرج لأن ممكن كنا نعمل حفلة كل يوم

والحذا لاسود اللميع ده للحفلات فقط يعنى تلبسه تمشى على سجاد وموكيت للعربية ماتمشيشي بيه فى الشارع والشراب الاسود اما البابيون لازم يكون جاهز وجديد يعنى تراجع عليه لأن لو قديم شوية ممكن تيجى تلبسه يتقطع .. طبعا الموسيقار لازم يفكر فى الحاجات دى

الحاجة التانية ودى شغلتى لاساسية موضوع النوتة الموسيقية انتم شفتم لما المايسترو عزيز راح لحسين رياض فى البيت اول مرة وحسين رياض اعطاه النوتة ... ايه النوتة دى ؟؟؟

دى اسمها الباتاتورا يعنى النسخة اللى بيشتغل منها المايسترو يعنى بيبقى السطر فيها صفحة

بمعنى ان بيتكتب فيها الاصوات كلها تحت بعض وهى اللى بيقود منها المايسترو

بعدين المايسترو او الموزع بعد ما بيكتبها بيديها للنساخ المتخصص وهو بيقوم بالتفريغ يعنى ينقل كل صوت فى ورقة نوتة جديد على حده .. يعنى الكمنجات الاول والتانى والتالت .. والشيللو والكونترباص ثم آلات النفخ مجموعة مجموعة كل واحدة لوحدها والمايسترو بيحدد لو من كل صوت عايزين كام نسخة يعنى مثلا الكنجة بريمو 4 نسخ وهكذا طبعا المايسرو عزيز عمل كده ودى النوت اللى سرقوها ولاد الحرام

طيب حسين رياض جاب النوت دى منين ؟ لأن مش معقول يكون هو ناسخها ومخليها مع نفسه

حاجة تانية دايقتنى كان مطبق النوتة وحاططها تحت ابطه ودى لما تحطها على البيبتر حاتبقى معوجة والعازف مش حايعرف يقراها

كاية كده انتم اتعشيتم ؟؟؟ طب حاتتعشوا

مع اطيب تحياتى

**المنير** · #**1405** 14/03/2013, 13h51

السلام عليكم

الشكر الجزيل لا يكفي للتعبير عن التقدير و الاحترام للأستاذ عادل صموئيل، لدى فكرت في وسام على شكل كمان ذهبي سيرى النور قريبا إن شاء الله يقدم للباشا و البروفيسير كما يقول نور المنتدى الأخ العزيز نور الصباح. و هذا جزء من المشروع:

**نور الصباح** · #**1406** 14/03/2013, 14h58

احبائى
اقدم لكم رائعة عبد الحليم
نعم يا حبيبى
طبعا الاخت العزيزة اللى طلبتها انا معرفهاش شخصيا من قبل يعنى عضوة جديدة فى المنتدى ومعرفش امكانياتها لكن انها طلبت اللحن الصعب ده والملىء بالادليب ده يدل على انها شاطرة مش مدرسة عادية
واكرر طبعا الادليب مش بيتقى زى الموزون يعنى الواحد لازم يكون حافظ احساس اللحن الاصلى عشان يطلع له نكهة
SSSSSSSSSSSSSSSSSSSSSSSSSSSSSS

SSSSSSSSSSSSSSSSSSSSSSSSSSSSSSSSS

أســـــــــــــــــــــــــــــتاذنا الجميل والفنان الأصيل
عـــــــــــــــــــــــــــــــــــــــــــــــــ ــــــادل صموئـــــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــد :
لقــــــــــد ذكرت منذ خمسة أيام أنكـم انتهيتم من تدوين أغنية فريد الأطرش
{ خـــــــــــــتم الصبر بعدنـــــــــــــا بالتلاقى }
ووعدت أنك سترفعها هذه الليلة فى المساء
وما زال الانتـــــــــــــــــظار مســـــــــــــــــتمرا
وشكررررررررررررررررا
أخوكم
نور الصباح

**salhi_haithem** · #**1407** 14/03/2013, 15h55

السلام عليكم ورحمة الله
شكرا أستاذ عادل على تحفة نعم يا حبيبي نعم و هذه الأعمال حقيقة تستحق التدوين و تستحق أن تشكر على بذل الجهد في تدوينها
و أردت أن أشكرك على تدوين أغنية كنت شايلاك للزمان لزينب يونس حقيقة أغنية رائعة و ثقيلة و لحن جميل جدا بكل المقاييس و إختيار موفق لتحفة من زمن الفن الجميل
اخوكم هيثم

**piano_piano_d** · #**1408** 14/03/2013, 19h25

احبائى

اقدم لكم رائعة عبد الحليم

نعم يا حبيبى

طبعا الاخت العزيزة اللى طلبتها انا معرفهاش شخصيا من قبل يعنى عضوة جديدة فى المنتدى ومعرفش امكانياتها لكن انها طلبت اللحن الصعب ده والملىء بالادليب ده يدل على انها شاطرة مش مدرسة عادية

واكرر طبعا الادليب مش بيتقى زى الموزون يعنى الواحد لازم يكون حافظ احساس اللحن الاصلى عشان يطلع له نكهة
ــــــــــــــــــــــــــــــــــــــــــــــــــ ـــــــــــــــــــــ

تسلم الأيادي أستاذي المُحترم .

**enas osama** · #**1409** 14/03/2013, 19h26

اقتباس:

المشاركة الأصلية كتبت بواسطة enas osama

أستاذ عادل لوسمحت انا محتاجة النوتة الموسيقية لأغنية الحضرة زينبي غناء على الحجار
و النوتة الموسيقية لأغنية نعم يا حبيبي نعم للعندليب
انا مجتاجة النوتات دي ف خلال يومين ياريت يا استاذ عادل لإن عندنا حفلة الشهر ده ولازم نعمل الاغانى دى
اتمني ترد عليا ف اسرع وقت ياريت

الاخت العزيزة
اولا اهلا بكى فى المنتدى واحنا بنرحب جدا بمدرسى الموسيقى اللى بيحبوا يطوروا شغلهم ويقدموا حاجات جديدة ما اتعملتش فى المدرسة من قبل
انا نزلت المفين الصوتيين وان شاء الله حبتدى ادونهم حالا لأنك محتاجاهم بسرعة
مع اطيب تحياتى عادل صموئيل

شكرا لحضرتك جدا جدا يا استاذ عادل وبجد متشكرة انك اهتميت بطلبي
و على مجهودك الكبير جدا

**عادل صموئيل** · #**1410** 14/03/2013, 19h43

احبائى
اقدم لكم من اغانى على الحجار

الحضرة زينبى

مع اطيب تحياتى