كلمات أغاني فايزة أحمد

[ليلى ابو مدين]

ايوه تعبني هواك

**********
أيوة تعبني هواك وياك ياللي ظلمت الحب معاك
أيوة تعبت تعبت تعبت زي ما بتقول اتغيرت
اتغيرت من الحرمان مش باتحمل زي زمان
وانا هاتغير انا هاتغير
الا في حبك
طمن قلبك لسه باحبك
زي زمان واكتر بزمان
ياللي بتسأل عن أحوالي وبتستغرب ع اللي جرى لي
اتمنيتك تسأل عني قبل بعادك ما يغيرني
سبت الدنيا تلعب بيَّ تطفي بريق الشوق في عينيَّ
حتى البسمة ساعات باناديها تهرب مني وتعصى عليَّ
مين كان يتصور مين يبقى اللي ما بينا سنين
واحنا ما كناش نتحمل بعدنا لوطال ساعتين
وهاجيب الضحكة منين وان جت ، هاضحكها لمين ؟
مع غيرك طعم الفرحة بيكون يا حبيبي حزين
توحشني انادي لك
لا تجيني ولا اجي لك
والاقيني على حالي
باتمنى تناديني
واستنى اتاريني
بانادي لك في خيالي
والاسم باحب وليَّ حبيب
اما ده حب عجيب وغريب
أيوة تعبني هواك
يا حبيب أيامي يا منى أحلامي
يا أجمل اسم على لساني
لوكنت مكاني أكيد تنساني
ويمكن تعشق من تاني
لكن مع ان هواك حيرني ليالي معاك
راجعين للحب انا وانت نقول له الناس ظلماك
الحب حلو الحب جميل
ملوش في كل الدنيا مثيل
لولا حلاوته ما كان في هواه
في كل ليلة قلوب بتميل
ليه الحبايب يختاروا ليه
من الهوا سهره وناره
ويعيشوا ليه الحب عذاب
وما يعيشوش فرح نهاره
وأنا وأنت في الحب نسينا نعيش حلاوة ليالينا
واهي رجعت الايام وياك بالفرحة بتنادي علينا
ده أنا من شوقي باشوف الدنيا بعينيك انت مش بعينيَّ
حتى الضحكة وحتى الدمعة أمرها بايديك مش بايديَّ
في ايدينا نبقى فرحتين عايشين في دنيا العاشقين
يا منور أيامي يا مصور احلامي
يا واخدني فوق في العالي
يا عاجبني وتاعبني
يا شاغلني وسايبني
قول مين غيرك على بالي
عمر الزمان ما يغيرني طول ما انت جنبي
طول ما انت جنبي مطمني طول ما انت جنبي
ياللي انت اقرب لي مني طول ما انت جنبي



كلمات: عمر بطيشه
ألحان: محمد سلطان

[ليلى ابو مدين]

احلى طريق في دنيتي

*********

يا اللي الزمان بعتك ليَّ تملى الحياة حب عليَّ
لا قبل منك قابلني قلب ارق من قلبك ما الاقي
ولا بعد منك شغلني شئ في الدنيا عنك ولو ثواني
يا اللى بقيت فرحتي..همستي..دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني يا ارق ما شافت عيني
ليلة من ليالي عمري بس ليلة بكل عمري
لما شفتك بين الوجوه وقلبي شـــاور عليك
لقيت كل الزحام بيتوه ولا شايفة الا عينيك
وبقيت انا وانت لوحدينا
ولا حاسة بالناس حوالينا
كلمتك وكلمتني دوبنا الكلام في ثواني
وسألتك وسألتني مافضلش أي سؤال تاني
وقربنا وكل لحظه تفوت علينا تقربنا
ودوبنا حلاوة الحب نسقي منها قلوبنا
كان كل ده كله بعنينا يا حبيبى بعنينا
والوقت فات علينا وعدا عدا ولا حسينا
وفــ عز الـحلم صحينا
وأتاري الناس حوالينا
زحام وهـمس وكلام
لقا ووداع وسلام
خوفنا من نظرات عيونا ليشفوها
خوفنا من دقات قلوبنا ليسمعوها
وقبل ما يبان علينا وقبل ما يحسوا بينا
مشيت انا ومشيت انت
ولا عارفه راح اشوفك امتى
يا اللى بقيت فرحتي
همستي
دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني يا ارق ما شافت عيني
يا دنيا الحيرانين يا شوق العاشقين
قولوا لي ريحوني
اشتاقت ليه عيوني
اشوفه ازاي وفين وأسال عنه مين
يا هل ترى مشغول عني وشاغلني بس بيه
ياهل ترى يوم ما قابلني قالت لي ايه عينيه
وعدتني لا
لا ما وعدتنيش
خدعتني لا
لا ما خدعتنيش
رحت المكان اللي شفته فيه
لقيت خياله هناك ماليه
شافت عينيه ضحكة ربيع ورديه
ناديت عليه ما رد صوته عليه
رجعت بالشوق والحنين
سؤال فى قلبي انت فين
يا اللى بقيت فرحتي
همستي
دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني ارق ما شافت عيني
نهاري وليلي شاغلني وحيرتى عليك بتشغلني
حايلت الشوق وحايلني وبين ده كله قابلني
حبيبي قابلني
وأقبل ما أقول له وأحكي له أتاريه جى بيحكي لي
وأقبل حتى ما اشكي له سبقني هو بيشكي لي
عن الحيرة وعن نارها وعن قلبه اللي كان جارها
أتاريه جرى له اللي جرى لي
وأتاري حاله زي حالي
خوفنا ليكون العتاب
يصحى من تاني العذاب
وقولنا نعيش لدنيتنا
وتكبر فيها فرحتنا
إن كان فيه خوف جوه قلوبنا هيكون عالحب وحبايبنا
إنساه يا حبيبي
يا اللى بقيت فرحتي
همستي
دمعتي
احلى طريق في دنيتي
شفت كل الدنيا فيك وخدتني حنية عينيك
على دنيا جديدة عليَّ دنيا ما شافتها عيني
جايه وياك تناديني يا ارق ما شافت عيني



كلمات: محمد حمزه
ألحان: محمد سلطان
*******

[/COLOR]

[ليلى ابو مدين]

اسمر يا اسمراني


********

أسمر يا اسمراني مين قساك علي
لو ترضى بهواني برضه انت اللي لي
بتزيد عذابي ليه ويهون شبابي لي
وتطول غيابك ليه قل لي ليه ناسي ليه ليه يا اسمر
يا اسمر قلبي في نار
نار عذابي ونار ظنوني
يا اسمر فكري احتار
الشوق ضناني سهر عيوني
والجرح اللي في قلبي إزاي أدوايه
والدمع اللي في عيني لإمته أداريه
لا أنا باشكي ولا باحكي بس قل لي
يا حبيبي اسمر يا اسمراني
قالوا لي الناس هواك حيرة
وقلت أحتار عشان خاطرك
تحيرني تسهرني كفاية أخطر على فكرك
وأنا راضي بحرماني وحيرتي ويا أشجاني
دا الحب اللي أنا شفته يوم وياك
فرحني ونساني إزاي أنساك
لا أنا باشكي ولا بحكي بس قل لي
يا حبيبي أسمر يا اسمرانى
أنا شاري هواك يا اسمر بروحي وفرحتي وعمري
وأيام حلوة عشناها راحت وانقضت بدري
ياريت ترجع لياليها وأنا وأنت نعيش فيها
والقلب اللي شغلته سنين بهواك
لوعته وضيعته وقلت فداك
لا أنا باشكي ولا بحكي بس قل لي
يا حبيبي أسمر يا اسمراني

كلمات: اسماعيل الحبروك
ألحان: كمال الطويل

[ليلى ابو مدين]

بصراحه

*******


بصراحة بكل صراحة مالقيتش فى حبك راحة
ولاوانت بعيد باتطمن ولاوانا وياك مرتاحة
بصراحة بصراحة
من كتر عذابي فى حبك وشقاي وسهدي ليالي
خليتني اخاف وانا جنبك يرجع تاني اللي جرى لى
ياتكون على طول وياي ياتشوف لعذابي نهاية
بصراحة بصراحة
حبك صبحني دمعة مش عارفة امتى ح تجري
حبك نسانى شمعة بتنور لك طول عمري
دبت محبة واخلاص وخلاص مش قادرة خلاص
بصراحة بصراحة
يا حبيبي يا حبيب قلبي على شانك حبيت حبي
وان كنت ساعات باشكي لك أهو بس كلام من غلبي
أبداً أبداً مش قصدي أعاتبك وبحب قساوة قلبك
بصراحة بصراحة



كلمات: مأمون الشناوي

أ

ألحان: محمد عبدالوهاب

تاريخ: 1965

[ليلى ابو مدين]

حسادك علموك

******

حسادك علموك عاالهجر وعودوك
بكرا مش هتلاقينى خليهم ينفعوك
خليهم ينفعوك
ياما جم قالوا لي عنك وياما
وحكوا ليًّ كلام وعادوا ياما
مارضيتش اصدق زيك ولا كلمة من اللي قالوه
انت اللى طاوعت هواهم ونكرت ورحت معاهم
خليهم ينفعوك خليهم ينفعوك

اسمعهم وتكذبني وهوانا الغالي هجرته
وياريتك جيت تعاتبني كان ارحم من اللي عملته
كان احسن لو تتحقق قبل ماتسمع وتصدق
خليهم ينفعوك خليهم ينفعوك
انا قلبي عليك يابايعني من الوحدة والاشواق
ارجع لهواك وطاوعني وكفايه عذاب وفراق
بكرا اللي سمعت كلامهم يفوتوك وتبكي ع شانهم
خليهم ينفعوك خليهم ينفعوك

كلمات: محمد البحتيتي
ألحان: فريد الأطرش

[ليلى ابو مدين]

صوت السهارى

*********

صوت السهارى يوم .. مرّوا عليّا .. عصريّة العيد
آبطأ ركابه وراح .. يسأل عليّا .. عصريّة العيد

---

ساعة ماشفتو أنا .. بالي إنشغل ويّاه
قضيت ليلي بهنا .. وأصبحت أعدّ خطاه

ياللّي بقيت بعيد
اليوم دا يوم عيد
عيدك و عيدي أنا

---

كلّي أمل القاك
متشوّقة لرؤياك
لوين أنا ناطراك
والقلب صار مشغول .. والعين تقول و تقول
صدّك حرام يطول

ياللّي بقيت بعيد
اليوم دا يوم عيد
عيدك و عيدي أنا

---

أبكي سنين وايام
ليلي ونهاري ظلام .. من فرقتك ماانام

اتمنّى يوم المنى
ساعة صفاك والمنى

ياللّي بقيت بعيد
اليوم دا يوم عيد
عيدك و عيدي أنا

***********
كلمات يوسف الدوخي
الحان عوض الدوخي

[ليلى ابو مدين]

مش كتير على قلبي يفرح


*****************


مش كتير على قلبي يفرح
مش كتير بعد ما تحير
كتير كتير كتير كتير
مرة تبعد مرة تجرح
مرة تعند او تغير
النهار ده جاي تقول لي
كلمة ياريتها تطول لي
كلمة تحييني تملي فرحت قلبي وعقلي
يا قلبي صدق فرحتك وعش حلاوة دنيتك
بعد اللي كان جالك زمان تفرح بقى
وتعيش معاه رحلة حياة متذوقة
وده مش كتير على قلبي

علمني حبك عمري ما اخاف
مهما ورد على قلبي وشاف
انت الامل في عيوني يا حبيبي
طول ما انا جنبك عمري ما اخاف
ومهما تبعد لا بد مرة ترجع لي تاني
لأنه مين ده اللي يقدر يكون مكاني
مين اللي يقدر على حبك مين غيري انا
مين اللي بيحبه قلبك مين مش برضه أنا
مش لما تحتار ترتاح لمين هنا
ولما تختار تضحك لمين تسألني انا
يا قلبي صدق فرحتك
وعيش حلاوة دنيتك
بعد اللي كان جالك زمان تفرح بقى
وتعيش معاه رحلة حياة متذوقة
وده مش كتير على قلبي
يا أحلى حلم في عيني
أنا اخترتك من الدنيا
حبك عمري امرك امري مهما جرى لي
وانت طريقي حب حقيقي مالي خيالي
غني واضحك انسى جرحك
صالح الأيام تصالحك
ده الامل والحب فينا والهنا والفرح بينا
يا اجمل وعد يا قدم السعد
اللي زمان يا ما طال بعده
خليتني احب واعيش واتحب
واعيش معاك بكرا وبعده
والليله ليلة فرحنا
فرحي انا وانت هنا
يا فرحه عيشي مية سنة
ودوري ع اللي زينا
بعد اللي كان جالك زمان تفرح بقى
وتعيش معاه رحلة حياة متذوقة
وده مش كتير على قلبي



*********

كلمات عمر بطيشة
الحان سيد مكاوي

[ليلى ابو مدين]

حبيبي يا متغرب

*************

حبيبي يا متغرّب قرّب ليّ قرب
بتسافر الجوابات مليانة بالحنين مليانة بالآهات
بتسافر السلامات تفكر الغاليين بأحلى الذكريات
حبيبي يا متغرب قرب لي قرب
طولت الغيبة ياما ..وحشاني الابتسامة
وتعال بالسلامة
غايب وناسيني والا فاكرني وشاريني؟
راجع يانور عيني والا مش ناوي تجيني؟
سالمة ياسلامة ح تجيني بالسلامة
حبيبي يا متغرب قرب ليّ .. ليّ قرب
حبيبي يا شوق عمري يا طول صبري يا متعود
على ناري على جنّـتي.. على غيرتي حنـّيتي
على صبري لما تعند على سهري لما توعد
على قسوتي على رقتي
على دمعتي على ضحكتي
عالحب النايم يا حبيبي بقلبي وعينيّ
عالشوق الصاحي لما تنام ايدك في ايديّ
حبيبي يا شوق عمري طول صبري يا متعود
على همسي لما أتكلم على لمسي لما أسلم
على فرحي لما تيجني يا نور عيني ليه بتعند
أنا عايزة أشرب من ايدك وأتنهد مع تنهيدك
وتغني وأغني آه منك آه مني
موايل الهوى تحلَويا روحي
سهرتنا سوى ح تداوي جروحي
حبيبي يا متغرب قرب لي قرب
حبيبي يا مسليني يا مهنيني
تعال داويني
حبيبي يا نور عيني يا مسهيني
تعال رسيني
دا انا أفتح عيني وأشوفك
أدوب في كلامك أدوب في عيونك
واتوه اتوه عن كل الدنيا
ولا غيرك يوم على بالي طيف بخيالي مرسوم
ولا يوم ولا ساعة ولا ثانية
اعذرني عالبعد أنا ما أقدرش ..عالوحدة أنا ما أقدرش
واعذرني قد ما تقدر
قد عيوني عليك ما بتسهر
قد ما أفكر فيك وأستنظر
قد الشوق اللي بيقتلني قد البعد اللي مجنني
حبيبي يا متغرب قرب ليّ قرب وتعال بالسلامة
طولت الغيبة ياما ..وحشاني الابتسامة


*********************

كلمات عبد الرحيم منصور
الحان بليغ حمدي

[إســـلام جـُـبـّـه]

شـــارع الاْمـــل

بلادنا بلادنا حدائق الغزل
نجومنا علي الســماء قُبل
وبيتنا في شـارع الامـــل
نسير في بلادنا الجمــيله
مواكـبأ مواكـبا طــــويلـه
نردد المـبادئ الاصــــيله
ونحمـل المشـاعر النبيـله
نستقبل الصــباح بإبتسـام
ونكره الحــياة في الظلام
ونعشق الجمـال والسـلام
وبيتنا ودربناالوفاء للعمل
وروحنا لاتعرف الملل
وبيتنا في شارع الامل

كلمات / صالح جودت

لحن / محمد سـلطـان

[إســـلام جـُـبـّـه]

قــاهـــرتي

أُحبـهُ وأعشـقُهُ أزهى بهِ للأبدِ
وخيرُ ماأشدو به أني أحبُ بلدي
***
ياجنتي ياكوثري ياهبةَ النيلِ الثري
يابهجةً نائمةً على بساطٍ أخضرِ
ياشعلةً دائمةً على طريقِ الأعصُرِ
حبيبتي قاهرتي لن تُغلبي لن تُقهري
أفدي ثراكِ بدمي
من ظلِ أي معتدي
وخير ماأشدو به أني أحب بلدي
***
يابلدي ياربوة الأهرامِ والمعابدِ
آمنتِ من فجرِ الزمانِ بالإله الواحدِ
يا آيـة الرحمن ياعـاليةَ المســاجدِ
أفديكي ياحبيبتي من شرِ كل حاسدِ
حبيبتي قاهرتي
لن تُغلبي لن تُقهري
وما أجلَ المُفتدى
وما أقلَ المُفتدي
وخيرُ ما أشدو به أني أحب بلدي
**********

كلمات / صالح جودت

لحن / محمد ســلطـان