ولد سنة1916 بقسنطينة وكان يغني عازفا عى العود العربي بدأ صيته يتسع في نهاية الأربعينات بإقامته للحصص الإذاعية في قسنطينة و الجزائروالأعراس ..وكانت تربطه صداقة عميقة مع عبد القادر تومي(له مثبت في قسم المالوف بالمنتدى) حتى كانا يطلق عليهما لقب الأخوان.. بظهور ريمون ليريس(له مثبت في المنتدى)أفل نجمه قليلا في قسنطينة هاجر إلى فرنسا بعد الإستقلال وواصل غنائه المالوفي هناك وقام بعدة تسجيلات هناك توفي سنة 1999
أقترحه عليكم في "من جات فرقتك في بالي" وهي أغنية رفعت في المنتدى من قبل بصوتي عملاق المالوف محمد الطاهر الفرقاني وصوت عبد الحكيم بوعزيز
الصورة غلاف الأسطوانة ونرى فيها ألكساندر نقاش محاطا بأبنائه
-------------
داعني يا لايمي من الفرقة نبكي
غابو عني أحباب قلبي ما بانوا
راني من وحشهم في حالة نحكي
بقيت غريب مفارق أهله ودارو
بخات صحبي طال همومو و أحزانوا
من جات فرقتو في بالي مالي صابر
مهموم كيف راد عليا يا محايني
حتى الرسول غاب عليا اقطع لخبار
لا شك عين طاحت بيا يا محايني
لا شك عين بيا طاحت يا قد سنجاق المشلية
جمع لحسود لينا فرحت راهم يشتفاوا فيك و فيا
نبكي على الأيام اللي فاتت هيهات يرجعوا للدنيا كحل الشفر
هيهات يرجعوا الدنيا كحل الشفرأيامنا تولي لينا يا محايني
نبكي بدمعة عيني تجري كما المطرعن صحبتك وما عدينا يا محايني...
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك
رائعة إبن مسايب بصوت ألكسندر نقاش..تسجيل أسطوانة تعود للسبعينات موجودة حاليا عند بعض المهتمين..
نراه بعوده الثالث إبتدائا من يسارالصورة وإلى يمينه صديق العمر الشيخ عبد القادر تومي وبابا عبيد قارة بغلي رحمهما الله
مريض ولازلت مريض
وبيا مرض السمايم
الناس تمرض وتبرى
وأنا مرضي قايم
هاض الوحش عليـــــــــا *** هاض الوحش عليــــــــــــا
أنايا براني غريـــــــــــب *** لا من سال عليــــــــــــــــا
هاج الوحش عليا وجـــار *** نبكي في الليل مع النهـــــار
الدمعة تجري كالامطــــار *** عن خدي مجريـــــــــــــــا
عقلي بهواها راه طـــــار *** خلاتني يا خوايـــــــــــــــا
عقلي بهواها أوَيَّـاك راح *** باقي عابد غير النــــــــواح
نبكي كل مسا والصبـــاح *** ودموعي مجريـــــــــــــــا
نتفكر أمام المـــــــــــلاح *** حبها راش عليـــــــــــــــا
طال الضر ولاَّلي طبيب *** نتوحش خيال الحبيــــــــب
أنا نهوى غصن الرطيب *** نيرانه مقديـــــــــــــــــــــا
باقي هايم وحدي غريــب *** ما ولى شي ليــــــــــــــــا
ناره في القلب راها اقدات *** من تفكار امام البنــــــــــات
من نهواها راها مشــــات *** لاكن بلا سيـــــــــــــــــــة
صبر القلب اللي جفـــات *** يا عالم الخُفيــــــــــــــــــا
نطلبك يا ربي الحنيـــــن *** راني من ذا العذرا مكيـــن
حبها في حشايا سْكيـــــن *** مكوي كم كيــــــــــــــــــا
من حبي ضيآ الجبيـــــن *** الغزالة الهمّيَـــــــــــــــــا
يا ولفي زايدني جفـــــاك *** وأنايا صابر نرتجــــــــاك
الغرار يضوي من بهاك *** والشفة عكريــــــــــــــــا
سبحان الله اللي انشـــاك *** زين العذراويــــــــــــــــا
الخد احمر يا سامعيــــن *** فيه الورد مع الياسميـــــن
حواجب نونين متعرقين *** سلبوني يا خوايــــــــــــا
نشكرها عن طول السنين *** ما دامني في الدنيــــــــــا
نشكر مرقوم الحــــــــزام *** ما دامني حي على الدوام
نشرب كيسان من المــدام *** في رضاها الهميــــــــــا
ابن مسايب قال الكـــــلام *** على الشريفة الحسنيـــــة
__________________
"هَذَا الفَّنْ حَلَفْ : لا يَدْخُلْ لِرَاسْ جْلَفْ ! "
الناس طبايع ,, فيهم وديع و طايع,, و فيهم وضيع و ضايع .... إذا دخلت للبير طول بالك ,,,و إذا دخلت لسوق النساء رد بالك....إلّلي فاتك بالزين فوتو بالنظافة ولي فاتك بالفهامة فوتو بالظرافة ... القمح ازرعو و الريح يجيب غبارو ,,,و القلب الا كان مهموم الوجه يعطيك اخبارو.....و للي راح برضايتو ما يرجع غير برضايتي,, ,ولا تلبس حاجة موش قدك,,, و لا على حاجة فارغة تندب حظّك ,,,و ما يحكلك غير ظفرك ,,,وما يبكيلك غير شفرك
ألكساندر يهوذا النقاش الملقب ب"جودا"
رد: ألكساندر يهوذا النقاش الملقب ب"جودا"
العرض العادي
