طلبات نوتة أ / عادل صموئيل الجزء الثانى

[guest]

( اخى العزيز
كلامك مضبوط
قبل ال 6 تريبل كروش ضع سكتة دوبل كروش تبقى اتحلت كده
هى المشكلة جت لأنى مش بقدر اكتب التوزيع انا نزلتها بعد التعديل فى المرفق
بس هى مش غلطة خطيرة لأنها سريعة جدا مش حاتبان
مع اطيب تحياتى عادل صموئيل )

هي فعلا غلطة لا تستحق الذكر اصلا .. دي تماحيك بس عشان نسمع صوتك يا باشا

شكرا جزيلا مرة اخري لأستاذي العظيم ملك التدوين
اخى العزيز
موضوعك فتح موضوع اقول لكم عليه من باب العلم فى الموسيقى الشرقية
زى ما قلنا مليون مرة قبل كده ان فى الموسيقى الغربية كل حاجة بتتكبت فى النوتة , يعنى العازف بيطبق حرفياً كل اللى قدامه النغمات والمشاعر والاحاسيس والتعبير كله بيبقى مكتوب , لكن عندنا فى الموسيقى الشرقية عشان احساس وبصمة العازف مهم جدا جدا .. لما بندون مش بندون كل الحاجات دى لأنها اولا حاخلى كل العزفين بصمتهم تبقى واحدة وثانيا العازف المبدع حايتخنق , وثالثا عندك ناس زى ام كلثوم انت عشان تتمتع بالجملة اكيد لازم تسمعها 8 مرات .. ولو كان الاحساس مكتبو حاتسمع ال 8 مرات حاجة واحدة نسخة كربونية ,,, لكن بطريقتنا تلاقى المطرب بيتسلطن ويطلع كل اللى عنده والعازف بالطبع كل مرة فى الإعادة بيقول احلى
اما عن الحركة اللى انت قلت عليها واللى انا مدونها 6 تريبل كروش ... انت لو دققت علميا فيها مش حاتلاقيها 6 تريبل ولا اى حاجة من اللى محسوب اكاديميا
الحركة دى بتبقى حاجات متداخلة زى موج البحر ... يعنى واحنا بنسجلها فى الاستوديو مثلا بتبقى النوتة مكتوبة حاجة بييجى الملحن بيقول ببقه عايزها
ترررررررررررررم .. احنا بنفهم هو عايز ايه وال 6 تريبل مش بنعزفهم مع بعض كلنا ولكن بنعزفها بتداخل ... ولو دقق تيها او فى الحاجات اللى شبهها فى اى لحن تلاقيها تداخلات مش محدودة زى امواج البحر ,, لذلك اى عازف لوحدة مش ممكن يقولها زى مابتسمعها فى الراديو .. انا هنا عملت لها تبسيط عشان لو واحد لوحده عزفها تطلع حاجة تتسمع لكن فى الحقيقة اصلها عبارة عن تداخل بين كذا عازف مع بعض مع اطيب تحياتى عادل صموئيل
مع اطيب تحياتى

[piano_piano_d]

[QUOTE=swaifi73;595157]

أعزائي اعضاء المنتدى الكرام

أستودعكم الله بأني سوف أتوقف عن التدوين إلى ما بعد عيد الفطر أعاده الله عليكم بالخير والبركه وهذا لأني سوف أسافر إلى مصر غدا إنشاء الله ولا أمتلك ألة موسيقية هناك حتى أدون وغير كده داخل رمضان وهيكون النهار صيام في جو شديد الحرارة والليل سكون مزدحم بمناسك الصلاة والعباده أعاده الله عليكم باليمن والبركة
وسوف أكون متابع معكم من فترة لأخرى لن أنقطع عن المنتدى
كل عام وأنتم بخير
تحياتي

محمد السويفي
ــــــــــــــــــــــــــــــــــــــــــــــــــ ــــــــــــــــــــ

وحضرتك طيب وبألف صحة يا رب ، رمضان كريم ، وربنا يعينك ويعينا على الصيام إن شاء الله ... وأكيد مصر هتنور بقدومك إليها .

[piano_piano_d]

1 - أقولك حاجة اسمعها وفكر فيها وانساها والملف الصوتى لها
2 - ياعيونى ليه تدارى ليه مادام الحب دارى
ونكرر أولا وأخيرا أن البقاء لله وحده
وسبحان الحى الذىلا يموت
ونسألك اللهم الصبر والسلوان
ولها الرحمة والغفران
وشكرررررررررررررررررررررررررررررررا
أخوكم
نور الصباح
ــــــــــــــــــــــــــــــــــــــــــــ

أنا كمان أضم صوتي لصوت حضرتك ، وربنا يعين أستاذنا العبقرى أ/ عادل صوئيل على العمل ، وعلى طلباتنا .

[عادل صموئيل]

احبائى

اقدم لكم من روائع اغانى ام كلثوم الوطنية

محلاك يامصرى

واهديها للأخ العزيز ارمندو
الاغنية دى اتعملت بعد تأميم القناة .. وبالمناسبة اقدم لكن تسجيل حفلة نادر لها عشان اعتقد كتير من الشباب ماسمعهاش
فى الاغنية دى بتسمع لون جديد من الوان تلحين محمد الموجى مش مسبوق مختلف يعنى .. بتين ادايه كان الفن بيعمل .. يعنى الرئيس عبد الناصر فى لحظة تاريخية اعلن تأميم القناة .. ولكن الخطاب ده مش حايقعد يتذاع طول النهار كل يوم .. لكن التأثير المطلوب هم خلوا ام كلثوم تعمله فى اغنية رائعة تتذاع طل النهار بلا ملل والنهاردة بعد اكتر من 60 سنة
لما تسمع الاغنية تحس بقيمة القناة وبعزة المصريين ,, وتتخيل الشعور المؤلم لما تسمع ان بعض الناس عايزين يبقعوا القناة لقطر ... القناة اللى حفرها جدودنا ومات فيها عشرات الآلاف ... واللى لما اممناها عشان ناخد حقنا المسلوب حصل علينا عدوان ثلاثى سنة 1956 ... وبعد كل الشهداء وكل الخراب ده بس رجعناها تانى النهاردة عايزين يقدموها لقطر على طبق من فضة عشان قطر تديها لإسرائيل هدية على طبق من دهب
مع اطيب تحياتى

[عادل صموئيل]

الاخ العزيز عزت شحاتة
اقدم لك 4 ترانيم من اللى انت طلبتهم
فيه الاتنين الاولانيين بتوع الاطفال انا ماعرفتش اسمعهم
اولا لأن الغناء مش محدد يعنى بيخرجوا بره الوحدة وتثانيا الفزلكة اللى بيعملوها بتوع الاورج بتخلى اللحن يطير من ودنى
فيه حاجة مهمة : الاطفال لسه ودنهم بتبقى بتتربى موسيقيا يعنى لازم يسمعوا حاجات يكون الغناء محدد والموسيقى محددة عشان يقلدوها وبتعلموا منها
يعنى مثلا لما ترجع لأغانى الاطفال زمان مثلا ماما زمانها جاية تحس اللحن محدد مافيهوش فزلكة خالص
ثانيا انت لما تشوف الاذن الموسيقية بتاعة الناس اللى اتربوا على عبد الوهاب وام كلثوم وشوف الناس اللى اتربوا على تامر حسنى واللدين معه تلاقى فرق كبير جدا فى الاذن الموسيقية لن اللى بيسمعوا موسيقى وحروف مضبوطة غير اللى بيسمعوا ( ........ )
مع اطيب تحياتى

[armendo]

المشاركة الأصلية كتبت بواسطة عادل صموئيل

احبائى

اقدم لكم من روائع اغانى ام كلثوم الوطنية

محلاك يامصرى

واهديها للأخ العزيز ارمندو
الاغنية دى اتعملت بعد تأميم القناة .. وبالمناسبة اقدم لكن تسجيل حفلة نادر لها عشان اعتقد كتير من الشباب ماسمعهاش
فى الاغنية دى بتسمع لون جديد من الوان تلحين محمد الموجى مش مسبوق مختلف يعنى .. بتين ادايه كان الفن بيعمل .. يعنى الرئيس عبد الناصر فى لحظة تاريخية اعلن تأميم القناة .. ولكن الخطاب ده مش حايقعد يتذاع طول النهار كل يوم .. لكن التأثير المطلوب هم خلوا ام كلثوم تعمله فى اغنية رائعة تتذاع طل النهار بلا ملل والنهاردة بعد اكتر من 60 سنة
لما تسمع الاغنية تحس بقيمة القناة وبعزة المصريين ,, وتتخيل الشعور المؤلم لما تسمع ان بعض الناس عايزين يبقعوا القناة لقطر ... القناة اللى حفرها جدودنا ومات فيها عشرات الآلاف ... واللى لما اممناها عشان ناخد حقنا المسلوب حصل علينا عدوان ثلاثى سنة 1956 ... وبعد كل الشهداء وكل الخراب ده بس رجعناها تانى النهاردة عايزين يقدموها لقطر على طبق من فضة عشان قطر تديها لإسرائيل هدية على طبق من دهب
مع اطيب تحياتى

اخى العزيز الأستاذ عادل
اشكرك يا استاذنا على هذه الهديه القيمه والتى اتحفتنا بها والتى خلدت وستخلد الى ابد الآبدين كفاح الأنسان المصرى لاسترداد حقه والدفاع عنه وقدرته الفائقه فى تسيير اموره فى اصعب الظروف..حفظ الله مصر وشعبها العظيم من كل من يريد ان يتلاعب بمقدراتها لتظل المناره التى تضئ الطريق فى تلك الظلمه التى تمر بها امتنا العربيه ولا حول ولا قوة الا بالله.
مع ارق تحياتى
ارمندو

[piano_piano_d]

احبائى

اقدم لكم من روائع اغانى ام كلثوم الوطنية

محلاك يامصرى

واهديها للأخ العزيز ارمندو
الاغنية دى اتعملت بعد تأميم القناة .. وبالمناسبة اقدم لكن تسجيل حفلة نادر لها عشان اعتقد كتير من الشباب ماسمعهاش
فى الاغنية دى بتسمع لون جديد من الوان تلحين محمد الموجى مش مسبوق مختلف يعنى .. بتين ادايه كان الفن بيعمل .. يعنى الرئيس عبد الناصر فى لحظة تاريخية اعلن تأميم القناة .. ولكن الخطاب ده مش حايقعد يتذاع طول النهار كل يوم .. لكن التأثير المطلوب هم خلوا ام كلثوم تعمله فى اغنية رائعة تتذاع طل النهار بلا ملل والنهاردة بعد اكتر من 60 سنة
لما تسمع الاغنية تحس بقيمة القناة وبعزة المصريين ,, وتتخيل الشعور المؤلم لما تسمع ان بعض الناس عايزين يبقعوا القناة لقطر ... القناة اللى حفرها جدودنا ومات فيها عشرات الآلاف ... واللى لما اممناها عشان ناخد حقنا المسلوب حصل علينا عدوان ثلاثى سنة 1956 ... وبعد كل الشهداء وكل الخراب ده بس رجعناها تانى النهاردة عايزين يقدموها لقطر على طبق من فضة عشان قطر تديها لإسرائيل هدية على طبق من دهب
مع اطيب تحياتى
ــــــــــــــــــــــــــــــــــــــــــــــــــ ـــــــــــــــــــــــــــــــ

ألف شكر أستاذنا المُحترم أ/ عادل صموئيل على تلك الأغنية وتم التحميل بالفعل وإن شاء الله سوف أستمع إليها حالاً ... مع خالص الشكر أستاذي .

[guest]

استاذ عادل /

ب مناسبة الحلوة و الحلو

ممكن لو سمحت لل عندليب ( الحلو حياتي و روحي هقوله ايه ) ؟

كلمات مرسي جميل عزيز شاعر ال 1000 اغنية
ألحان كمال الطويل
فيلم أيامنا الحلوة سنة 1955

اذا كان وقت حضرتك يسمح يعني .. انا عارف انك مهتم بالوطنيات اليومين دول .. بس الحلو حياتي فعلا لحن جميل و كلام بسيط و معبر

الف شكر لك يا مدون التراث

[ahmad_alahlawy]

من باب التذكرة فقط....يرجى ولو نظرة من أستاذنا الكريم فى حالة أن المزاج مستقر على الوطنيات....فى تدوين رائعتى عبد الوهاب دعاء الشرق و فلسطين ( أخى جاوز الظلمون المدى )
وشكرا

[khaledessam20]

الاستاذ عادل اتمنى لو حضرتك تجبلنا نوتة موسيقى حياتى للاستاذ:احمد فؤاد حسن وعازف الكمان :انور منسى
وياريت لو تكون زى ما الاستاذ:انور منسى عازفها بالظبط

وشكرا