موسيقى الشعر - دروس في علم العَروض

[سمعجى]

المشاركة الأصلية كتبت بواسطة صلاح السويفي

أستاذ وحياة سيدنا النبي ..أستاذ ...

فتحت نفسي تاني لإعادة الكورس من الأول

ماهو لازم أكتب شعر..يعني لازم أكتب شعر..

وهارجع أشيل الشنطة على ظهري وأروح المدرسة

بعد الأجازة الإجبارية التي أُنعم عليّ بها..

تحياتي ياأحلى وأجمل وأروع من قال شعرا

لأ شعر إيه ...د الكلام منك أحلى من أي قصائد..

والله باتكلم جد ومن قلبي

أخي الأكبر صلاح

و هل تعلو العينُ على الحاجب ، أو الفمُ على الجبهة ؟ ..
حضرتك اللي أستاذ الأساتيذ

بيني و بينك ،،
أنا ما صَدَّقت الموضوع اتنـَسى ،،
و الطلبة استقروا في الكافيتريا ،،
يستمعون إلى تامر حسني و عمرو دياب ،،
و يمضغون التشكلتس


و أعِدُك " بتفصيص البحور " بَحر بَحر
مع تدريبات عمليّة

طلباتك عَ العين و الراس ،،


هات عَنـّك الشنطة " التِـئيلة دي "

[سمعجى]

المشاركة الأصلية كتبت بواسطة Tarek Elemary

السلام عليكم يا أستاذ
بابا بيسلم على حضرتك و بيستسمحك لو ممكن درس خصوصى و اللى انت عاوزه
و كمان بيستحلفك الولاد اللى فى آخر صف المشاغبين البرتيتة اللى ورا لو فيه أمثلة يعنى.

بيان على المعلم بالميرى

و يا ريت حضرتك تلغيلنا حاجة من المنهج و نركز فى المقرر و فى إنتظار الملزمة و شكرا

أخي الشاعر المتدفق " الحَرِّيف "
طارق العمري
إنتَ تأمر يا غالي يابن الغالي
و يا ريت تِبعِد عن شِلـّة الأشرار
بتوع " آخِر تختة "
و تصاحِب رائــد بالذات
" علشان بيجيب معاه سندوتشات "

شوف يا سيدي ،،

باعتبارِكَ شاعر ،،
فإيقاع البحور " جاهِزٌ " لديك بالسليقة ،،
و قد لاحظتُ في أشعارِك العاميّة ،
تعدد البحور و تنوّع التفعيلات ،،
و هي موهبة جديرة بالتقدير و التثمين ،،

و خاصة أن بعض الشعراء " ليس هنا في سماعي "
يركبون البحر الواحِد ، أو بحرين على الأكثر

" بمناسبة ركوب البحر ،
فإن بحرَ الرَّجَز يُطلـَقُ عليه ـ حِمار الشِعر ـ لكثرةِ ركوبـِه "

أتعرف ،،،
هناك شعراء تبلغ شهرتهم الآفاق ،
كتبوا أغلب قصائِدِهِم على " المتدارك و المتقارب " !

هذا " فقرٌ " في مَلكاتِ الشاعرِ و موهبتِهِ و إمكانياتِه ،،

أخاطِبُكَ كشاعرٍ ، يُدرِكُ أن " إيقاع التفعيلة "
له علاقة بالمعنى

و قد لاحظتُ " قـُصَيّْدَتـُكَ " التي رددتَ بها على قصيدة شاعرتنا العراقية الكبيرة " بلقيس الجنابي "
و التي " قَصَدتَ " أن تكون على نفس بحر قصيدةِ شاعرتنا
" المجتث " ،
فكانت صائِبة ً " باستثناء بيت أو بيتين ،
هربَ منكَ فيهما " مستفعلن فاعلاتن " ،،
و تِلكَ الهِنات الموسيقية ، و التي تنخدِعُ فيها الأذُن
" خاصة في البحور المُرَكّبة "،
يمكن تداركها بقليلٍ من التأمّلِ في نبرات و تنغيمات البَحر
و ليس هناك كبيرٌ على هذه الهِنات

لقد أضفتَ يا شاعرنا إلى ملتقى الأدبِ روحاً جديدة ،
و أبْدَعْتَ مَصبّاً مُدهِشاً في نهرِ الشِعر هُنا

لك خالص تقديري و مودتي

[سمعجى]

المشاركة الأصلية كتبت بواسطة mohamed elakkad

يااستاذ ياعظيم
والله مافي احلي من درسك الا ذوقك وترحيبك
علي فكره انا قريت كل الدروس السابقه علشان احصل باقي التلامذه وجاهز للدروس الجديده.
ممكن اقعد ورا مع الاخوة المدخنين؟

وبرضه علشان تبقي عارف من الاول انا ناوى ادفع المصاريف بس في اول زيارة لمصر ان شاء الله علشان صعب قوى اني ابعت البيض و الفراخ بالبوسته اما المش فدة حكايه تانيه علشان الاقيه هنا.
سيدنا و استاذنا لك جزيل لشكر و العرفان

محمد العقاد

أستاذنا العزيز محمد العقاد

يبقى هاتقعد بجوار عصفور طاير ،
اللي بيبصبص على بنات المدرسة الثانوي اللي جنبنا

إحنا عندنا المدرسة ليبرالية عَ الآخر ،،
مسموح بالتدخين و الأكل و الغناء و الرقص التوقيعي

و اذا كان على المِش ، فأنا اللي مستعِد أبعتهولك
" مِن دار ابو مندور " حتى أوتاريو أو أوتاوا
و ذلك قبل ظهور " أنفلونزا المِش "

أشكرك يا بو الذوق كُلـّه

[mohamed elakkad]

ربنا يخليك يا سيدنا و يعلى مراتبك كمان و كمان
يعني حاتعلم و كمان اخد المش من عندك دة ايه الهنا و لنعيم دة
ربنا يكفيك شر كل انواع الانفلوانزا طيور و خنازير و مش و كافه شئ

سامع يا عم عصفور يا طاير، سيدنا آمر اني اقعد جنبك و علشان اللي اوله شرط اخرة نور و كمان علشان مانقطُّعش علي بعض انا بحكم السن حابصبص للمدرسات بس و حاسيبلك التلميذات

محمد العقاد

[مصطفى اليازجي]

السلام عليكم

عارف اخي الكريم انو الموضوع الناجح ، هوه الموضوع اللي بيفضل في تألقه وصدارته على طول

هوه الموضوع اللي بيفضل في ذاكرة الإنسان

انا ما راح اخبي عليك ، شوفت كتييييييييير مواضيع بتتكلم عن علم العروض

وشوفت هذا الموضوع من اول انشاءه ، واليوم وكل يوم بحتاجله

يارب اقدر استفيد

وان شاء الله راح ابدا اطبع فيه واقراه بس تقريبا بعد رمضان

عموما انا بتشكرك والحمدلله انو انا موجود وسط اخواني في الله

سلام عليكم

[حازم1410]

السلام عليكم

الأستاذ سمعجي
أتمنى أن تكون في تمام الصحة والعافية

والله دروس في غاية البساطة
وأنا من زمان أبغى أعرف أي شيء عن وزن القصائد ولكن لم أجد أو لم أجتهد في البحث عنها إلى أن مررت على هذا القسم ووجدت هذا الموضوع الشيق

جعله الله في موازيين حسناتك ويسرني الانضمام لصفك ولو متأخرا
وأرجو منك إكمال الدروس وسأكون من المتابعين لك أولاً بأول

[همسة السحر]

انا من اشد المهتمين بالشعر خاصة الشعر العمودى ودرست علم العروض بالجامعة لكن للاسف بعد الجامعة انتهت علقتى بالشعر وانشغلنا بالعمل والحياة فارجو ان استعيد تذكر ما درستة معكم ان شاء الله

[hany57]

هيه دى المدرسة
إزيكو يا حلوين
إمال فين الأستاذ
زوغ وراح على فين
ليه تدفعوله مقدم
أهو فاتكو هنا قاعدين
فاتكو وراح على مطعم
ياكل بقى ويستطعم
وربى هوه الأعلم
إمتى ييجى يا طعمين
,,,,,,,,,,
أستاذنا عامل فردة
عليكو يا إخوان
طير م اللى قلبك يحبه
وشاى وباكو دخان
كراتين كتيرة وقفف
تملا يا ناس دكان
ورنجة ويا فسيخ
وبصل وتوم للطبيخ
وأناناس معاه بطيخ
وسمنة لزوم الخزين
,,,,,,,,,,
أستاذنا مهوش لوحده
معاه كمان عريف
بياكل البطة كاملة
ومعاها عشرين رغيف
وسلطة خضرا كتير
وفلفل من الحريف
والشوربة يشربها
وميه قول قربه
ويحلى بمربى
والشاى دا كوبايتين
,,,,,,,,,,
بس أنا هاتعلم
مش هادفع الميسانية
مفيش معايا فلوس
وظروفى صعبة شوية
شوفولى بحث اجتماعى
أو حد يدفع ليه
حيلتى ترينج مرقع
فيه الرمق ومبقع
لو يلزمك قول ينفع
وحلال عليك يازين
,,,,,,,,,,
هآجى أنا من النجمة
من قبل ما حد يصحى
ومش هاغيب ولا حصة
ولا حتى هانزل فسحة
يمكن فى يوم اتعلم
واكتب وراك الفصحى
طول عمرى باكتب عامى
فى سياسة حرقالى دمى
بس اللى زاد من همى
إتنين جنيه ضايعين

[فرج بن ناصر]

هذا العلم و أخيه الذي لا يذكر الا و يذكر معه وهو علم القافية من أكثر علوم العربية صعوبة و يحتاج في تعلمه الي صبر و جهد, هناك بعض الدروس الصوتية في هذا العلم والتي أستفدت منها كثيرا وذللت بعض الصعاب التي كنت أواجهها في دراسة هذا العلم.

[عبدالعزيز سمير]

مجهود يستحق الشكر والثناء
شكراً لهذا الألق والشرح الممتع المستفيض
تحياتي وتقديري