ليه خيالك .. وأعمال أخرى

[سمير حسين]

.. إزاى .. ( 3 )

إزاى تعرف إنك محـــروم ؟
لما ف بحر الحزن تعـــــــوم
لما حبيبك يبقى قصـــــــــادك
ولا قادر توصل له ف يــــوم
لما الحظ يقـــــــــــــرب منك
ويعدى لغيرك تـــــــــانى يوم
لما عنيك يخاصمهــــــا النوم
لما تشوف حبيبين قدامــــــك
ودموعك تنزل بالكــــــــــوم
على حـــالك تبكى يامحــروم
....

[سمير حسين]

.. أخيرا .. إزاى حبيت ..

كنت راجــــــــــــــــــــع يومها
من مشوار طويــــــــــــــــــــل
كنت وحـــــــــدى ماشى أغنى
رغم إن الدنـيــــــــــــــــــــا ليل
الشـــــــــــــــــــوارع هُس هُس
والقمـــــــــــــــــــر واقف يبُص
والنجـــــــــــــوم حواليه بتبرق
تحـــــــــــــــــرسه من أى لص
....
شفت نور ف الليــــــــــلة دى
شــــــد قلبى من غير ما أحس
خللى روحى تحس بيـــــــــكى
وانت مـالكيــــــــــــش أى حس
شوفت صورتك ف القمــــــــــر
ومافيش نجـوم غيرك إنت بس
....
شفت ست الحسن فيـــــــــــها
الجمــــــــال اللى ف عنيهــا
السمار اللى ف جبينـــــــــــها
شدنى وقـــــــــــــــــربنى ليها
عهد منى ما أحب غـــــــيرها
عمرى كله وحيـــــــــاتى هما
أغلى حاجة أقــــــــــدمها ليها
....

[مازن دحلان]

جميا يا سمير موهبتك حلوة بس يكون احسن لو زدات عمق في التناول تطلع رائعة

تحياتي

[سمير حسين]

.. يا أبو سنه ..

يا أبو سنه دهب لـــــــــــولى
رموشك وعنيك شغلــــــــونى
خدونى من بين أحبــــــــــابى
وف بحـــر الأشواق ورمونى
يا أبو سنه دهب لــــــــــــولى
...
عشمان ف غرامك يا أصــيل
وبا أفكر فيك طول الليـــــــــل
ما تقرب وتحن عليــــــــــــنا
ولا عمرك تندم ياجميـــــــــل
يا أبو سنه دهب لـــــــــــولى
...

[سمير حسين]

.. لك يومين ..

لك يومين يا حــــــــلو غايب
هو ده طبع الحبــــــــــــــايب
والقمر والليل قــــــــــــــالولى
قلبك مالوش ف الحب نــايب
...
بختى ليـــــــــــــه ياربى كده
يشـَمتوا فيا العــــــــــــــــــــدَا
يبقى ظلم الحب ليـــــــــــــــا
يرضى مــــــــين بقى كل ده
...
سألت يا مــــــــــا عن مكانك
الكل قالوا دا راح زمــــــانك
وبكره تعــــــــرف لما ترجع
مين اشترَاك ومين اللى باعك
...

[سمير حسين]

رد ( EgPT4EVER )

باعت أقولك فهمنى قصـــدك
الكلام اللى أنت كاتبـــــــــــه
مُش مبين إيه مقاصـــــــــدك
يا تصارحنى بكل حــــــاجة
يا إما آسف حكون مخاصمك
...
لو إنت كاتبه عشان تحيـــة
ممكن أقولك حقك عليــــــه
ولو أنت قاصــــــد تـذم فيه
أرجوك كفاية وبلاش أزيه
...
بلاش تفكر ولا تحتـــــــــار
كلامى على سبيل الهـــــزار
عشان يكون ما بينا دايمـــــا
مجال كبير قوى للحــــــــوار
...

[سمير حسين]

.. زمــــــــــــان ..

أبكى عليـــــــــــــك يا شـّعر
ولا على نــــــــــــــــــاسى
فى الشعر ضاع البُنـــــــــا
وكان زمــــــــــــان راسِى
...
ما فيش خـــــــلاص معانى
ولا لـــــــــــــون لأى كلام
والفن أصبـــــــــــح شروة
الكيلو منهــــــــــــــــا بكام
...
إيه يا زمــــــــــان جرا لك
ما بقتش ليــــه معــــــــدول
حبــــــــــــــل الموَدة انقطع
وما عدش لينـــــــــا أصول
...

[سمير حسين]

.. نحاول ننسى ..

أخى وصديقى فـُـــــــــــــــلان
فى سائر الأزمـــــــــــــــــان
عايزين نعيش أحلامنــــــــــا
وبلاش حكاوى زمــــــــــــان
...
لا لـــــــــــــــوسى ولا أرتين
دى الناس خلاص نسيتهــــــا
قصة بقالهــــــــــــــــــا سنين
يارب سامحنا آمين آمين آمين
...
ربك حليم ستــــــــــــــــــــــار
وصّـــــــا لسابع جــــــــــــــار
واحنـا عباد وغلابَـــــــــــــــه
يكفينا شر النـــــــــــــــــــــــار
...

[سمير حسين]

.. الحب فين ..

عيـــــــــــــــــــــون جميلة
بس من غير وفـــــــــــــا
أحضان طــــــــــــــــويلة
بحس فيها بالجفـــــــــــــا
يا أهل الهـــــــــــــــــــوى
قولولى الحب فــــــــين ؟
هو حصل له ركـــــــــــود
ولا خـــــــــــلاص أختفى
...

[سمير حسين]

.. ندم ..

شـَكيت فى مصريتـــــك
وده شىء أكيـــــــد باين
وكل كـــــــلام حضرتك
على معـــــــــــدنك باين
بانـــــــدم على صحبتك
وسبحانه الــــــــــــــدايم
...