طلبات نوتة - الصفحة 40

**وائل علوي** · #**391** 27/05/2010, 22h44

اخواني واحبائي الغاليين
وحشتوني كلكم
اقدم لكم اليوم من عزفي البسيط رائعة الموجي وحليم قارئة الفنجان
واعذروني الملف حجمه كبير لاني بسجل باستخدام صيغة mp4 وبعدين بحوله الى mp3 وانا بستخدم جهاز موبايلي في التسجيل وهو لا يشغل الا mp4 وهي اجود وانقى وافضل من mp3 ده كلام اخصائي اكترونيات كنت رايح من فترة اشتري منه mp3 لما عرف اني بسجل ب mp4 قالي انصحك خليك عليها لانها مطورة واجهزة الموبايلات الجديدة مطورة ومعظمها بيشغل mp4 المهم لو حد يعرف برنامج ممكن نضغط بيه الملف بس مع الحفاظ على نفس الجودة يا ريت يدلني عليه
عشان كده انا رفعت الملف على موقعين واليكم الرابطين واتمنى ان تنال قارئة الفنجان اعجابكم
مع اطيب تحياتي
اخوكم وائل

ملاحظة: هنا ايضا اضيف رابط موعود على الفور شيرد لان الميديا فاير احيانا بيخرف وميرضاش يفتح

**سامى امين** · #**392** 28/05/2010, 04h32

حضرتك يا مستر شرحت للGENIUS عمرو هنداوى اذاى بتكتب النوتة وكان فعلا سؤال مهم اشرح لنا يا مستر اذاى بستعمال برنامج كول ايديت بتقدر تاخد جزء من موسيقى معصلجة فى الحفظ تكررها منفصلة عن باقى الاغنية لحد ما تقدر تحفظها ودا كان فى اجابتك لعمرو هنداوى لما عملت مقارنة بين الكاسيت زمان وكول ايديت حاليا

اخى العزيز
مرفق شرح توضيحى اتمنى ان تفهم منه ما طلبت
مع اطيب تحياتى عادل صموئيل

**عادل صموئيل** · #**393** 28/05/2010, 19h36

احبائى
اقدم لكم نوتة من العيار التقيل
عش انت
لفريد الاطرش كاملة
مع اطيب تحياتى

**نور الصباح** · #**394** 30/05/2010, 17h52

الأخ العزيـــــــــــــــزوالصديــــــــــــــــــق الفاضـــــــــل الأســــتاذ /
عـــــــــــــــــــــــــــزت شـــــــــــــــــــــــــــــــــــــــــــــــــ ـــحاتة
سلام الله عليكم ورحمته وبركاته
وبعـــــــــــــــــــــــــــــــــــــد :
إلى جنابـــــــــــــــــــكم أتقــــــــــــــدم شرفــــــــــــــا بالنوتة الموسيقية
لترنيمة ( يـــــــــــــــــا مريم البـــــــــــــــــــــــــــــــكر ) القديسة الطاهرة
عليــــــها وعلى ابنها نبى الله عيسى وعلى نبينا أزكى السلام وأطهر تحية
من تدوين
الأســـــــتاذ الفنان الفـــــــــــــــــذ الموسيقار الكبير والبروفيســـــــــــر
(( عــــــــــــــــــــادل بـــــــــــــــــاشــــــــــــــــا صموئـــــــــــــيل ))
وقد حاولت رفع النوتة الموسيقية لترنيمة ( وسط البحر الهايج دون جدوى رغم محاولة تغيير اسم الملف ) وللعلم النوتة موجودة فى صفحة رقم (54 ) بتاريخ 30 / 8 /2009
متمنيا لك كل النجاح
وشكرررررررررررررررررررررررررررررررررررررررررررررا
أخـــــــــوكم / نور الصباح
الاخ العزيز نور الصباح
اولا اشكرك على شعورك ولو عندك نوتة ترنيمة وسط البحر الهايج حاول نزلها ولو على رابط خارجى وانا حتصرف فيها
يعنى طبعا لو موجودة اوفر الوقت اللى اكتبها فيه لحاجة تانى
مع اطيب تحياتى عادل صموئيل

**عاصم المنشاوى** · #**395** 31/05/2010, 06h15

الأصدقاء
صباح الخير عليكم

انضم لنا صديق جديد....وليد100 مصرى مغترب فى السعودية.....وكان بيطلب نوتة اغنية"سلامات ياحبايب" للراحل محرم فؤاد....وكلمات الرومانسى قوى مرسى جميل عزيز....وتلحين الكتوراة والتخصص فى تلحين اغانى الوداع والسفر والغربة...طبعا عارفينه...بليغ حمدى...حد ينسى الطير المسافر ل نجاة...خلاص مسافرلشادية...وبلاش تفارق وبودعك لوردة....وحبيبى يامتغرب لفايزة......وكنت على وشك انى اقول ل وليد ...روح لموقع بليغ حمدى دوت كوم...حتلاقى نوت جميلة لبليغ وصور وذكرياته .....ولكنى صعقت واندهشت ...لما عرفت ان الموقع معروض للبيع .....the domain balighhamdy .com is for saleآه والله ...بليغ حمدى للبيع.
انا مش فاهم ليه الورثة بيعملوا كده؟؟؟؟؟؟؟؟؟؟
ليه مش بيحافظوا على تاريخ الرموز دى...وليه الجحود والنكران برغم "حق الاداء العلنى"...!!!!
اتحداك لو تلاقى حد من الورثة عمل اى حاجة للرموز العظيمة دى ...سواء كان فنان أوغيره......كله بمجهودات المعجبين..شئ يغيظ.
هل قام "احمد السنباطى "بعمل موقع لوالده على النت اومتحف فيه عوده الشهير وصوره؟؟؟؟؟؟ح يقولولك اصل المتحف ده مسئولية وزارة الثقافة ...ده مش عذر.
ابن كمال الطويل"زياد"وهو ايضا ملحن وفنان ...ماعملشى موقع لوالده ...ماقولناش متحف...حتى الموجى اولاده كلهم فنانيين...عملوا ايه لأبوهم!!!!
قول بليغ ماخلفشى ...لكن معروف انه كان متبنى -الى حد ما- ابن اخوه هيثم...ليه تيبيعوا الموقع ياأستاذ هيثم....وأين الدكتور مرسى اخو بليغ؟؟؟؟
فى القلب حسرة بالمرارة..

أذن لولا منتدى زى "سماعى " كانت الناس دى راحت فى دائرة النسيان...
لأن لاحكومة بتهتم ....ولاوزارة ولاثقافة ولا تاريخ ولارموز...
وروح اوروربا وشوف المانيا ولا النمسا ولا ايطاليا بتعمل ايه فى الفنانين بتوعها
مفيش تهريج ولا سخافة قميئة....زى اللى عملوه ورثة ام كلثوم ...لما باعوا فيلتها وحطوا الملايين فى جيوبهم...وتتهد الفيلا ويطلع مطرحها فندق...وآل ايه اشترطوا
على ادارة الفندق انهم يعملوا متحف...وطبعا لافيه متحف ولايحزنون....

ولولا الجندى المجهول "عادل صمويل" اللى واهب روحه وعينيه وفكره لكتابة هذه النوت للتاريخ...كأحد النساك فى محراب الفن ....لأنتهى الفن الجميل.

ولولاكم ياأصدقائى-هواة ومحترفين-لاندثرت قيم جميلة من حياتنا لا يقدرها الورثة حق قدرها.
آسف للأطالة وهاهى نوتة "سلامات ياحبايب" لبليغ.
طبعا مافيهاش رشاقة ولاسهولة نوت عمنا المعلم....لكن آهى حاجة توريك السكة
وخلاص...
عمنا النيجيرى سابقا المغاغى حاليا"عزت شحاتة" انت كنت فين ياراجل من زمان؟
اهلا بيك معانا وماتنساش لقاءنا الجميل يوم 8 شهر 8 فى القاهرة .والأستاذ وليد 100
...وطبعا الكل معزوم.
باسم كل الفنانين الراحلين ....اشكر ادارة منتدى "سماعى"

**عادل صموئيل** · #**396** 31/05/2010, 19h19

احبائى
اقدم لكم نوتة من احلى الاغانى الوطنية لمحمد عبد الوهاب
والله وعرفنا الحب
بناء على طلب الاخ العزيز نور الصباح
مع اطيب تحياتى

قرأت بسرعة ما كتبتموه عن آثار العمالقة فى العالم , وللعلم ان دول العالم المتقدمة بتحس ان اى عملاق جزء من حضارتها وتاريخها الحديث يعنى بمجرد وفاته تركته تنقسم الى جزئين ( لا خلاف عليهم ) بيته ومقتنايته الشخصية ملك الدولة اما ممكتلكاته وفلوسه ملك الورثة , واكرر لاخلاف عليهم يعنى بمجرد وفاة المرحوم الدولة بتاخد حقها وهو البيت والمقتنيات الشخصية وتعملهم متحف واهم شىء ان يكون كل شىء على حالته حسب آخر لحظة تركه المرحوم يعنى حتى آخر صابونة غسل بيها وجهه تترك مكانها لأنها صارت جزءاً من التراث يعنى شكسبير مثلا آخر ورقة كتبها والاقلام والمحبرة والنشافة فى مكانها كما تركها آخر مرة , اما هنا فى مصر لايوجد مثل هذا القانون يعنى الورثة لايكفيهم ممتلكاته وفلوسة ولكن يستولون ايضاً على بيته ويبيعوه ليهدم ويبنى مطرحه برج اما متعلقاته الشخصية فهى تلقى فى القمامة مع الاسف بإستثناء بيت عبد الحليم لأن له ظروف خاصة لأن بيت عبد الحليم كان عبارة عن دور كامل فى عمارة امام حديقة الاسماك بالزمالك وكان ينقسم الى جناح كبير وجناح صغير الجناح الكبير كان يعيش فيه الورثة اما الجناح الصغير الذى كان يعيش فيه عبد الحليم فتركوه على حالهواصبح كمتحف بالصدفة
لكن لست ادرى لو كان عبد الحليم يعيش فى بيته بمفرده هل كان الورثه باعوه ( يعنى شقة بمثل هذا الاتساع فى الزمالك كانت تساوى كام )
مع اطيب تحياتى

**وائل علوي** · #**397** 31/05/2010, 19h20

اخ يونس تفضل اروح لمين كاملة
تحياتي
وائل

**عادل صموئيل** · #**398** 31/05/2010, 22h40

الأخ العزيز عزت سحاته
اولا سلامى الى اهل مغاغة
ثانيا اقدم لك نوت الترانيم المطلوبة انا حبيت اكتبهم بسرعة لما قلت انك حا تدرب الشباب منهم ما حبيتش اضيع عليك وقت مع اطيب تحياتى بس ادعى لنا دعوتين

**armendo** · #**399** 01/06/2010, 14h47

اقتباس:

المشاركة الأصلية كتبت بواسطة عمرو الهندواى

ياجماعة حد عنده نوتة اغنية اهوك لعبد الحليم بس تكون مكتوبة صح وكاملة مش زى الحاجات اللى انتم

عرفنها
انا مش اقدر اثق فى النوتات المتنشرة لها
نفسى تكون مكتوبة كدة زى ما استاذ عادل كتب حبيتى من تكون حتى التوزيعات والهارومونى كان مكتوب
فى حد عنده نوتة لاهوك زى كدة؟
كل التحية

اخى عمرو هذة نوتة اهواك على اللة تعجبك مع تحياتى....ارمندو

**عادل صموئيل** · #**400** 01/06/2010, 22h58

اقدم لكم نوتة
عينية بتضحك وقلبى بيبكى
مع اطيب تحياتى