هو وهى

[الألآتى]

المشاركة الأصلية كتبت بواسطة عفاف سليمان

طيب اقولك انا بقه ردى من غير ما تضحك عليه

انا لو كنت قريبه من حضرتك
كنت سجلتها معاك
بس بجد
جميله جدا جدا جدا
خصوصا انك بتعمل الكورال
وكله كله جميل
سواء ادائك لهو او لهى
وللكورال
والتوزيع جميل
وبعدين مش كفاية دخلة
د حسن
المبدعون
دا لواحده احلى حاجه
رائع يا صاحب الروائع السماعيه
اسعدك الله بكل خير
اختك عفاف

إنتى بتقولى فيها يامدام عفاف .. أنا عندى شغل كتير قوى محتاج صوت نسائى ..

وماعنديش صوت يصلح فى البيت .. ياريت والله نعمل المشروع ده .. حايبقى حديث الموسم ..

[الألآتى]

المشاركة الأصلية كتبت بواسطة سعدالشرقاوى

ياعم تقابل مين برّه

الله يخليك
انت مش حمل الكلام ده
وحافظ على السنان اللى فاضله
دانت لى نطقت السين شين
ماعدناش وخدين منك رجا
لا لحن ولا غنا
امشى جنب الحيط وقول رايكم ايه
اقول لك احسن من الاصل مليون مرة

صباحك بطعم التوت الابيض

وليه الفضايح دى ياعم سعد ..

حوش حوش .. إوعى الشعر إللى نازل على عنيك ..

وبعدين أنا نطقت السين شين .. هو أنا حاطلع أحسن من عبد الوهاب..

ربنا يخليك ليا .. ويديم المعروف ..

[الألآتى]

المشاركة الأصلية كتبت بواسطة slimanaa

عظيم ورائع يا استاذ محمد الالاتي الله يديمك يا غالي.....

الله يخليك .. أشكرك أستاذى العزيز .. من بعض ماعندكم ..

[الألآتى]

المشاركة الأصلية كتبت بواسطة محمودسعد

مفيش فايده ؟؟

واكل الجو علطول وبيطلع بحاجات هو بس اللي يفكر فيها ؟؟
مجرد التفكير في تقديم عمل زي ده حكايه لوحدها
وهي عادتك ولاهاتشتريها ؟؟
دايما بتاع مفاجات ونوادر عجيبه وماتخطرش في بال حد
لاوايه ؟؟ اداء تمثيلي رائع وانت بتقوم بدور احمد زكي وحسيت انك احمد زكي ؟؟
ويادلعك وياجمالك وانت بتقول هي ؟؟؟؟؟يادلع يادلع سعاد حسني
والكورال كمان مشكله مع ايقاع ايوب وياحلاوتك وانت بتخلي الكورال يقول هيوا وهيا وفكرتني بخضره محمد خضر ؟؟اي والله
ربنا مايحرمنا منك يااستاذ يامبدع يادائم الابداع
ربنا يديلك الصحه والعافيه وتمتعنا وتفاجئنا كمان وكمان
وياريتني مارديت كويس عشان اطلع الاقيك مستني بره ؟؟؟؟

عارف يامحمود

أهى الإختيارات دى مسببالى أزمة ..

لأنى لما بختار عمل صعب .. لازم أختار بعده عمل أصعب ..

وده بيخلينى أدعبس وأقلب الدنيا على أعمال ليست فى الحسبان ..

وعموماً .. أنا شغال دلوقتى فى عمل .. يعتبر مصيبة من مصايب الزمن ..

ومش عارف بعدها حلاقى أصعب منه إزاى .. كفاية إنك تعرف إن العمل ده حاياخد فى وشه .. عشرة إتناشر يوم ..

أما بخصوص الأداء .. فده طبيعى .. لأنى بحاول أقلد كل الأصوات .. مش عايز أغير حاجة فى العمل ..

عايزه يطلع زى ماهو .. بدون إضافات شخصية .. لأنه مش إعادة توزيع أو إعادة غناء ..

لأنى مهما عملت .. مش حاعمل زى الناس دول يامحمود .. كفاية إننا نقلدهم .. وده غاية المنى ..

[الألآتى]

المشاركة الأصلية كتبت بواسطة كمال عواد

يا لذيذ يا جميل يارايق جدا يا مبدع جدا..يا خفيف الظل والروح...والله انا ميت من الضحك الجميل..اللى بيستغرب
هذه القدره الربانيه الهائله..انا والله والله افتكرت انك اخدت كوبى
من صوت احمد زكى..بس طبعا عارف صوتك جدا...عسل وروعه يا استاذ محمد والله..ولازم تتطلع حلوه جدا على قد التعب فيها...روعه روعه...تحفه من تحفك الجميله..
والالات بنسبة 90% لايف..مفيش فرق على الاطلاق
اسعدتنى وحق كتاب الله

ردى عليك ياعم كمال .. هو نفس ردى على محمود سعد

وأضيف عليه .. إنى مبسوط جداً علشان أسعدتك ..

المهم .. ماحدش خد باله من صوت الأراجوز .. يادى النيله .

[عفاف سليمان]

المشاركة الأصلية كتبت بواسطة الألآتى

إنتى بتقولى فيها يامدام عفاف .. أنا عندى شغل كتير قوى محتاج صوت نسائى ..

وماعنديش صوت يصلح فى البيت .. ياريت والله نعمل المشروع ده .. حايبقى حديث الموسم ..

ايدى على كتفك
لو فى طريقه سهله وقريبه للتواصل والله
انا اللى يكون لى الشرف
بس
على الله المبدعون ميقفلش ساعتها
ههههههههههههههههههههه
صباحكم فل وياسمين
وتحياتى لك وللجميع بكل خير وسعاده

[عادل فؤاد رفاعى]

رائع يا ابو حسام انا عارف إنها من كلمات صلاح جاهين...بس مش عارف الحان كمال الطويل..ولا عمار الشريعى.؟؟

[M O H A M E D]

باختصار يا أستاذ محمد ..
انت راجل عبقري

عمل ممتع و مدهش
و مش عارف ناوي تعمل إيه أصعب من كده !


ربنا يبارك لنا فيك يا فنان

[الألآتى]

المشاركة الأصلية كتبت بواسطة حبيب عبد الوهاب

رائع يا ابو حسام انا عارف إنها من كلمات صلاح جاهين...بس مش عارف الحان كمال الطويل..ولا عمار الشريعى.؟؟

هما كاتبين فى التتر .. إن الألحان لكمال الطويل وعمار الشريعى بدون تحديد ..

إحنا عرفنا إن الشيكولاته .. وخالى البيه من ألحان عمار الشريعى .. عندما أعطى اللحنين للفنانة فاطمة عيد ..

لكن باقى الأعمال .. لانعرف من الملحن منهما .. حتى عمار نفسه رافض أن يفصح عن الحقيقة .. وفاءً لأستاذه كمال الطويل .

[الألآتى]

المشاركة الأصلية كتبت بواسطة محمد السلاموني

باختصار يا أستاذ محمد ..

انت راجل عبقري

عمل ممتع و مدهش
و مش عارف ناوي تعمل إيه أصعب من كده !

ربنا يبارك لنا فيك يا فنان

الأصعب جاى يامحمد .. ماتقلقش .. أنا شغال فيه حالياً .