أم كلثوم اليوم على إذاعة الأغانى ستغنى - الصفحة 17

**hossam352001** · #**161** 21/01/2010, 22h27

عودت عينى على رؤياك من حفل الخامس من يناير 1961 اخر حفل معروف لهذه الاغنية و الجميل ان رتم الموسيقى ابطا من المعتاد مما يزيد من الاستمتاع كما انها على الرغم انها لم تشدو باى كوبليه اكثر من مرتين الا انها استغرقت فى الاغنية 73 دقيقة تقريبا.
غدا أغنية ليلة حب و اتعشم الا تكون مختصرة و ان تكون الحفلة الاولى لهذه الاغنية لما فيها من ابداعات فنية لهذه المطربة العظيمة

**احمد عبد الرسول** · #**162** 22/01/2010, 00h52

شكرآ لصديقى واستاذى محب مصر واحنا سمعنا النهاردة عودت عينى من مسرح الازبكية يوم 5 يناير1961وكانت الوصلة الاولى و الوصلة الثانية كانت حب اية والثالثة الحب كدة اما بكرة الجمعة 22 يناير2010 حنسمع احلى اغنية انا بحبها للست ليلة حب)واكيد انشاء الله حفلة 7-12-1972 (قصر النيل) ومدتها 107 دقيقة عشان احنا ف اول ايام عيد الاضحى سمعناها ف حفلة يناير 1973ف اكيد حتيجى الحفلة الثانية (توقعاتى)والاستاذ ابراهيم حفنى حبيبنا هو اللى قالنا النهاردة بعد عودت عينى على اغنية بكرة

**احمد عبد الرسول** · #**163** 22/01/2010, 22h16

على فكرة اعزائى ضيوف واعضاء سماعى المفروض ان اغنية ليلة حب حفلة ديسمبر 1972 مدتها حوالى 110 دقيقة مش 107 ؟ عشان فى مونتاج عند الدقيقة 57 باالظبط عند بداية الكوبلية الثالث بتبدأ الفرقة باالعزف ثم يقوم الجمهور باالتصفيق عند نهاية العزف والمفروض ان الموسيقى تعيد تانى بس فى مونتاج وبتنتهى الموسيقى وبتدخل بعد كدة الست بكلمات الكوبلية لو كل حب فى كل قلب بس على العموم (حنمشيها)احسن مايعملوهالنا ساعة واحدة لانها تقريبا موجودة كدة ف اذاعة الاغانى لانها عمرها مااتذاعت110 دقيقة بس المونتاج دة غير موجود فى النسخة اللى ف اذاعة ام كلثوم انا طول عمرى بسمعها 110 دقيقة على اذاعة ام كلثوم وانا متأكد من الكلام دة 10 مليون ف المية واللى مش مصدق يسمع النسخة اللى بتيجى على اذاعة ام كلثوم

**tarab** · #**164** 22/01/2010, 22h35

استاذ احمد لو كان التسجيل بحوزتك فلا تبخل به على المنتدى ولك الشكر .

**احمد عبد الرسول** · #**165** 22/01/2010, 23h03

اقتباس:

المشاركة الأصلية كتبت بواسطة tarab

استاذ احمد لو كان التسجيل بحوزتك فلا تبخل به على المنتدى ولك الشكر .

للاسف التسجيل ليس لدى ولكنة بيقدم كثيرآ على اذاعة ام كلثوم ولكنى لا اقدر ان اسجلة لان المحطة حالتها سيئة جدا ولا يمكن ان نسجل منها اى شىء يمكنك ان تسمعة عليها ولكنى عندى لك خبر اجمل ولكننى ارجو مساعدتك فية انا عندى اغنية انت الحب الحفلة الاولى ومدتها كما اذاعتها اذاعة الاغانى فى اول مرة كاملة منذ حوالى خمس سنوات 157 دقيقة ولكنهاmp3ومساحتها حوالى 89 ميجا بايت فى ملف واحد ولكن هذة النسخة بها مونتاجات واضافات صنعتها اذاعة الاغانى ولكنى يمكن ان ارفعها وانتوا تسمعوها وتحكموا عليها بس ازاى وهى مساحتها كبيرة كدة وعندى بردة نفس الحفلة اذاعتها اذاعة الاغانى مرة ثانية بعدها ومدتها 151 دقيقة ومساحتها 138 ميجا بايت ودى تقريبآ المرتين الوحيدتين اللى اذاعت فيهم اذاعة الاغانى انت الحب الاولى بكل المدة الطويلة دى وفيها بردة اعادات ولكن اذا شلنا كل الاعادات الموجودة تصبح مدتها تقريبا 135 دقيقة

**hossam352001** · #**166** 22/01/2010, 23h04

عظيمة يا ست قمة انكار الذات والتعب والمرض تجلت فى اغنية ليلة حب حيث عندما انتهت من الكوبليه الثالث طلبت من فرقتها و بصفة خاصة العازف المبدع المرحوم عمر خورشيد عزف موسيقة الكوبليه الرابع بدون اعادة الكوبليه الثالث واستمرت فى مقاومة التصفيق والهتاف الحاد جدا ما يقرب من 4 دقائق كاملة اعيدت فيه مقدمة الكوبليه الرابع ثلاث مرات الى ان رضخت اخيرا للهتاف المتوالى من الجمهور واعادت الكوبليه الثالث مرة ثانية. رحمك الله يا ست.

ارجو توجيه نداء لاذاعة الاغانى ضرورة الاهتمام بالجوده الصوتيه للاغانى المذاعة للست ام كلثوم فمن غير المعقول على سبيل المثال ان جودة صوت اغنية عودت عينى التى اذيعت امس و هى اغنية فى بداية الستينات تفوق جودة الصوت لاغنية تم غناءها فى عام 1972.

**EgyLoveR1980** · #**167** 23/01/2010, 15h03

باانسبه لاذاعه ام كلثوم التى تذاع على موجة ال AM
فى القاهرة و انا معك اخى بالرغم ان ميعاد الساعة الخامسة تعودنا ان نستمع فيه لصوت الست
و لاكن صوت الاذاعه شاحب جدا و مشوش و لا يجوز سوى الاستماع اليه بالعافيه

و لاكن منذ كام اسبوع ظهرت اشارة قناه على النايل سات
على نفس تردد اذاعه الاغانى
باسم Om Kalthoom Radio
و لاكنها لا تذيع شىء مجرد سكووووووووووووووت للاسف
اتمنى ان تعمل قريبا
بارغم من ان هذه الاذاعه لديها لكل اغنيه حفله واحده فقط تذيعها بأستمرار و لا كن كلها تسجيلات كامله
و هذه الاذاعه هى اللى علمتنا نحن الذين لم نعاصر الست كيف نستمع الى الحفل الكامل
و نعيش روح الحفل
لان حتى برنامج عصر من الغناء الذى تذيعه البرنامج العام ممنتج لساعه

**صالح المزيون** · #**168** 23/01/2010, 15h06

اقتباس:

المشاركة الأصلية كتبت بواسطة احمد عبد الرسول

للاسف التسجيل ليس لدى ولكنة بيقدم كثيرآ على اذاعة ام كلثوم ولكنى لا اقدر ان اسجلة لان المحطة حالتها سيئة جدا ولا يمكن ان نسجل منها اى شىء يمكنك ان تسمعة عليها ولكنى عندى لك خبر اجمل ولكننى ارجو مساعدتك فية انا عندى اغنية انت الحب الحفلة الاولى ومدتها كما اذاعتها اذاعة الاغانى فى اول مرة كاملة منذ حوالى خمس سنوات 157 دقيقة ولكنهاmp3ومساحتهاحوالى 89 ميجا بايت فى ملف واحد ولكن هذة النسخة بها مونتاجات واضافات صنعتها اذاعة الاغانى ولكنى يمكن ان ارفعها وانتوا تسمعوها وتحكموا عليها بس ازاى وهى مساحتها كبيرة كدة وعندى بردة نفس الحفلة اذاعتها اذاعة الاغانى مرة ثانية بعدها ومدتها 151 دقيقة ومساحتها 138 ميجا بايت ودى تقريبآ المرتين الوحيدتين اللى اذاعت فيهم اذاعة الاغانى انت الحب الاولى بكل المدة الطويلة دى وفيها بردة اعادات ولكن اذا شلنا كل الاعادات الموجودة تصبح مدتها تقريبا 135 دقيقة

أخي أحمد بمقدورك ضغط مساحة الملف بأحد برامج ضغط الملفات الشهيرة فيصبح ذا حجم أصغر وتتمكن من رفعه لنا والطريقة بسيطة للغاية ما عليك إلا أن تختار الصيغة لعدد البايت 24 أو 32 أو 16 وبذلك تقل مساحة الملف
ودوماً بانتظار دررك ..

**7abib** · #**169** 23/01/2010, 15h37

اقتباس:

المشاركة الأصلية كتبت بواسطة احمد عبد الرسول

على فكرة اعزائى ضيوف واعضاء سماعى المفروض ان اغنية ليلة حب حفلة ديسمبر 1972 مدتها حوالى 110 دقيقة مش 107 ؟ عشان فى مونتاج عند الدقيقة 57 باالظبط عند بداية الكوبلية الثالث بتبدأ الفرقة باالعزف ثم يقوم الجمهور باالتصفيق عند نهاية العزف والمفروض ان الموسيقى تعيد تانى بس فى مونتاج وبتنتهى الموسيقى وبتدخل بعد كدة الست بكلمات الكوبلية لو كل حب فى كل قلب بس على العموم (حنمشيها)احسن مايعملوهالنا ساعة واحدة لانها تقريبا موجودة كدة ف اذاعة الاغانى لانها عمرها مااتذاعت110 دقيقة بس المونتاج دة غير موجود فى النسخة اللى ف اذاعة ام كلثوم انا طول عمرى بسمعها 110 دقيقة على اذاعة ام كلثوم وانا متأكد من الكلام دة 10 مليون ف المية واللى مش مصدق يسمع النسخة اللى بتيجى على اذاعة ام كلثوم

معك حق اخي احمد انا ايضا متأكد من هذا القطع ومستغرب اكثر من تصرف اذاعة الاغاني في قطع هذا الجزء الصغير جدا ... والغريب انهم اذاعوها كاملة من قبل .. وفي ايضا شئ غريب, لازم في كل الحفلات اللي بيذعوها تقريبا تلاقي جزء من الاغنية مكتوم او فجأه الصوت يعلى جدا لدرجة الوشوشة!!! وممكن يذاع نفس الحفل مرة اخرى ولكن اماكن كتم الصوت وعلوه بتختلف تماما عن المرة السابقة, اي ان العيب ليس في التسجيل نفسه... على سبيل المثال حفلة ليلة حب امس هاتلاحظوا كتم الصوت فجأه في الكوبليه الاخير.... ياريت لو يجدوا حل لهذه المشكلة

**احمد عبد الرسول** · #**170** 23/01/2010, 23h21

هحاول اخى صالح ضغط الاغنية وتحميلها بس كنت عايز اعرف الست غنت اية النهاردة السبت 23 يناير2010