هل ترى معي ؟؟

[سيادة الرئيس]

أن التوزيع الموسيقي الحديث سبب رئيس في وئد ألحان كان يمكن أن تأخذ مكانها عند المستمع الجاد

عندي الكثير من الأعمال الحديثة أرى أن المتهم الأول في فسادها هو التوزيع الحديث

ما رأيكم دام فضلكم

[الألآتى]

والنبى ياعم صلاح بلاش الكلام فى الموضوع ده .. أحسن أنا مفقوع كفاية .

الموضوع ده مهم ياعم صلاح ..

وده كان رأيى منذ بدايات التوزيع الحديث ..

منذ ظهور السيكوينسر .. وبعده الكمبيوتر ..

لوبات جاهزة .. ومديولات وساوند فونت .. وكله بيقلد كله ..

الحاجة إللى تنجح .. نجرى كلنا ونعمل زيها ..

ومنذ ظهور اللوب الشهير .. إيقاع الصعيدى الممزوج بالدفوف والصاجات مصحوباً بالتصفيق الإيقاعى ..

هذا اللوب تم إستخدامه فى ألاف الأغانى .. ومهما كان شكل الأغنية .. حزينة ، مرحة ، وطنية ، مدرسية .. أى حاجه

نلاقى هذا الإيقاع ينط فى وشنا ..

عمنا صلاح الشرنوبى على سبيل المثال .. وزع عشروميت لحن بأسلوب واحد .. يعنى تلاقى الأدليب مصحوباً بالخبط والرزع .. ثم يعقبه دخول الأكورديون .. وبعده الساكس .. ونفس الإيقاع الصعيدى المشهور ..

يعنى فعلاً .. ممكن تلاقى اللحن جميل أو حتى فيه الرمق ويبشر بالخير .. لكن التوزيع المميكن إياه .. يخليه شبه ميت لحن تانى ..

والحديث ذو شجون ياأبوعلى .