أعمال من تنفيذ الفنان محمد الآلاتي - الصفحة 75

**مازن عابدين** · #**741** 27/09/2009, 09h14

ألأخوة ألأحباء
أولا كل عام وأنتم بخير وكل المبدعين والسامعين وهذا المنتدى الشيق الجميل والذي هو واحتي التي الجأ اليها لأروي ظمأي ألى سماع الموسيقى الراقية و الجميمة.
ألأغنية جميلة و اخراج جميل. ولكن اسمحولي بطرح بعض التساؤلات من باب العلم. فانا ياأخوتي أنا لست موسيقيا لذلك اعذروني اذا كنت مخطأ.
هل الايقاع سريع شوي؟ أيضا هل طبقات الصوت متاباينة.
هذا لايعني انني لم استمتع تماما بالعمل وشكرا جزيلا لكم على السماح لنا بالاستمتاع بلحظات الأنس الواضحة في انتاجه

**عفاف سليمان** · #**742** 27/09/2009, 10h59

عقبال يا رب لما تقوموا بأداء
وغناء الاوبريت الجميل
آن الاوان الذى تم عمله فى رمضان ويارب
دائما تتلاقوا فى اعمال الخير والصحبه الحلوه اكيد
بتخرج الاعمال بروح طيبه وجميله
وعمل اكثر من رائع
واكيد ده هينتج عنه وجود مطربين سماعيين من اهل ومواطنى سماعى
اسعدكم الله ووفقكم الى ما يحبه ويرضاه
ومعلش
اكيد شاديه راح تسامحكوا عارفين ليه
لانكم عملتم هذا العمل بحب وتلقائيه وروح الاسره
اللهم اديمها علينا جميعا
تحياتى لكم جميعا اخوانى فى الله
ويارب دائما موفقين
واكيد هتبقى ذكرى حلوه حتى عودة الاستاذ سيد المشاعلى من سفره او لقاءوه بنا عبر النت منها
اسعدك الله
اختكم عفاف

**Hisham Khala** · #**743** 27/09/2009, 11h56

إكيد منير مراد أنتحار دلوقتي
أنا خايف علي بنبونة السينما المصرية ، ربنا يديها الصحة و طول العمر ، و ماتكونش سمعت الاغنية زي

**star man** · #**744** 28/09/2009, 03h46

استاذ الاتي كل اعمالك ضخمة وربي يوفقك لما فيه كل خير لتطهير اذن المستمع والمغني - بجد حضرتك كنز لا يفنى

**aya_ahmed** · #**745** 28/09/2009, 13h03

اغنية جميلة واداء شاديتنا بها رائعا وايضا الشباب بس لازم ناخد بعين الاعتبار صوت الرجل غير الست
اداؤكم موفق جدا والرتيم سريع شوية على الطريقة الشبابية

شكرا لكم وياريت المزيد

**غازي الضبع** · #**746** 28/09/2009, 21h50

شكرا لكل من جاملنــا لأداء هذه الأغنية المسكينة التي وقعت تحت براثن أربعة خناشير ... شلفطوها خالص
عمال أسمعها وأنا ميت على نفسي من الضحك .. وخصوصا من صوت كريم ابن عم محمد الآلاتي وهو ظاهر معايا في الكوبليه بتاعي

وفعلا باتمنى من الفنانة الجميلة شادية إنها تسامحنا
على هذه الجريمــة ( الغير مقصودة والله ) .. أصل كان لها ظروف مستعجلة قوي
خلت كل واحد فينا سجل الكوبليه بتاعه بسرعة قوي وطلعنا نجري ..
بس كانت قاعدة حلوة .. استمتعنا بيها بمجيء أخونا وحبيبنا أبو مندور وتشريفه لنا في القاهرة ,,
خالص تحياتي للجميـــــع

**عادل فؤاد رفاعى** · #**747** 28/09/2009, 22h42

أنا نفسى أعرف!!..تانى واحد غنى فى الاغنية دى.. مين هو؟؟؟

ربنا يدوم عليكم الصحبة الجميلة

**unicorn** · #**748** 29/09/2009, 03h56

عملتها يا عم محمد ؟؟؟!!!!!
كدة تحرقها فى السوق ؟؟؟
مش اتفقنا انك تنزلها على مهرجان الموسيقى ؟؟؟

سامحينا يا شادية ....... , سامحنا يا فن.....
ما قدرناش نقاوم جمال الغنوة الوحيدة اللى كانت جاهزة عند عم محمد عشان نغنيها كلنا ,
قلتلهم يا اخواننا إحنا نغنى غنوة وطنية جماعية تبقى أحلى , بشنباتنا دى اللى زى جادون البسكلتة ,
يقولوا لأ هى دى اللى هانغنيها ,
يا إخواننا طيب تيجى إزاى بس ؟؟ أصواتنا ما فيهاش أى دلع
عم محمد قال بس انتوا غنوا و انا هادلع أصواتكوا
و كما قالت جدتى........... ايش تعمل الماشطة فى الشعر الأكرت
و الحقيقة أنا كمان كنت قلقان جدا من إرهاب المايسترو فى التسجيلات , و من فرد الخرطوش - أبو نمر ممسوحة - اللى بيحطه فى راس المطربين اللى بيسجلوا عشان ما يغلطوش ,
لكن بصراحة الراجل ما طلعش الفرد , و الظاهر إنه اتسلطن مع جمال صوتى و عجبته الشخلعة الجميلة اللى فيه لدرجة انه وقف التسجيل 3 مرات طالبا منى الإعادة
و الأستاذ سيد يا عينى كان بيغنى و هو تحت تأثير حقن التطعيمات اللى واخدها عشان السفر و جسمه محموم و دراعه ساخن من الحقن ,
و كمان المطلوب منه يغنى أصعب كوبليه ,اللى هو بتاع إياك إياك دة
و أنا و غازى كاتمين الضحك عشان الصوت ما يطلعش فى التسجيل و إلا احنا اللى هاناخد على دماغنا من المايسترو
لا بس كانت تجربة هايلة و الله , أتمنى أنها تفضل فى إطار التجارب بدل ما تطلع فى دماغنا و نعبى شريط نساهم بيه فى انحطاط الذوق .
فرقة الحناجر تشكركم و إلى أن نلتقى فى أعمال قادمة.

**unicorn** · #**749** 29/09/2009, 04h10

Mr davidoff

غازى و الاهتمام بالعمل

شغل المايسترو على الكومبيوتر لضبط الغنوة

أستاذ سيد قبل التسجيل

**غازي الضبع** · #**750** 29/09/2009, 07h01

إخس الله يكسفك