د: أنس - لطيف الصورة والمضمون..إهداء

[رائد عبد السلام]

الصورة دي شُــــــــفتها

ماشية في وسط الزحام

وف يـــــوم أنا شـُــــفتها

طـــــــايرة ما بين الغمام

ويوم أشـــــــــوفها بعيد

وف عصـــــــر مملوكي

واقفة تحـــــــوش بالإيد

كرباج في إيد ظـــــــالم

نازل علي مظـــــــــلوم

الصـــــورة دي ... ألبوم


فيه الفــــــــــرح والشقا

وفيها صــــوت شقشقة

نهـــــــــر الحبايب سقي

لظي العطـــــــــــش فينا

ســــــــــــــــــــاكن مآقينا

يا طــيّب الخِــــــــــــــلقة

وطـــــــــــــيّب المضمــون

ربـــــــك خلق من عجايب

خَـلـْقـُـه فـيك آيــــــــــــــة

الطيبة مش مُــــــــــــتعبة

الطيبة دي ....غـــــــــــاية

ســــــــاكنة القلوب الشفيفة

ماشــــــــــــــية في تشريفة

واصــــــــــلة بعلم الوصول

جـــــــــــــــــوّاها قلب بتول

ياصـــــــــــــــــــنعتك يا إلهي

في حُســـــــــــــــنك المتناهي

تخلق لنا م البــــــــــــــــــــشر


أجناس تسبّح لك

وسمك بيسبح لك

وطير بيسرح لك


يشكر إله خــــــــــــــــــــــالق

يشــــــــــــــــــــــكر إله طيّب

خلق لنا من البشر

خِــــلقة ما تتعيّب

لا تضيق .....ولا تضايق

[د أنس البن]

أستاذنا وحبيبنا الشاعر المستخبى رائد عبد السلام
رغم أن شهادتى مجروحة
لكن أجدنى مدفوعا رغما عنى إلى أن أبدى إعجابى الشديد جدا بالنظم والبراعة والمعلمة والأستاذية والحرفية العالية فى هذا النص
بصرف النظر عن المسكين الذى خلعت عليه كل هذه التيجان المرصعة باليسر واللجين والكهرمان وعيدان البخور والجاوى
دا كتير والله يا رائد , أدمعت عينى ............

[Islam Eidrisha]

المشاركة الأصلية كتبت بواسطة رائد عبد السلام

أجناس تسبّح لك

وسمك بيسبح لك

وطير بيسرح لك

يا عم رائد يا حبيبي .. إنت يا عم
اللي انت عملته في التلات أبيات أعلاه
لا أجد له في قاموس الفصحى ولا العامية
غير كلمة واحدة
إفترااااااا

وخلي بالك يا سيدنا الدكتور أنا بحبك زيه
بس معلش مش بعرف أقول زيه
عالم مفترية بقى
نروح فين جنبهم

[Tarek Elemary]

الوصف و الموصوف
خرجوا عن المألوف
لكنهم صادقــــــــــين
و مهما عشنا نشوف
***
يا عم يا فيلســـــــــــوف
من غير خشى و كسوف
الواحة دى صومعـــــــة
و إحنا عليها ضيـــوف
***
م الدوحة دانية قطـوف
بتصَبَّر الملهـــــــــوف
يا كعبة المعرفـــــــــــة
و إحنا صفوف بتطوف
***
رائد فى نظم الحروف
شايف لبعد الشـــــوف
قلبك كبير يا جــــــدع
قلبى فى هواك مخطوف

[علاء طه ياسين]

رغم ان انا مكسوف
منك يا سي رائد
الطير بيمشي صفوف
دايما ورا القائد

في الأول إزيك
سلام صعيدي وخاص
ما اعرفشي أقول زيك
لكن هاقول وخلاص

نبع الرضا ف قلبه
هدية م الرحمن
واللي ف حما ربه
يمشي الطريق بأمان

دكتور لكن درويش
هايم ف حب الله
غاوي تمللي يعيش
عمره يطيع مولاه

أدب ما بعدوش أدب
عليه يطيب الجرح
والضحكة يا للعجب
تروي غيطان الفرح

يا خال رائد ..
تغيب تغيب وترجع بأحلي الكلام ..
أما الدكتور أنس فحبنا ليه حب في الله ..
وما جمعه الله لا تفرقه الناس
لكم جميعا مني أطيب دعواتي بالصحة والستر والعافية
علاء ياسين

[علاء قدرى]

المشاركة الأصلية كتبت بواسطة رائد عبد السلام

الصورة دي شُــــــــفتها

ماشية في وسط الزحام

وف يـــــوم أنا شـُــــفتها

طـــــــايرة ما بين الغمام

ويوم أشـــــــــوفها بعيد

وف عصـــــــر مملوكي

واقفة تحـــــــوش بالإيد

كرباج في إيد ظـــــــالم

نازل علي مظـــــــــلوم

الصـــــورة دي ... ألبوم

فيه الفــــــــــرح والشقا

وفيها صــــوت شقشقة

نهـــــــــر الحبايب سقي

لظي العطـــــــــــش فينا

ســــــــــــــــــــاكن مآقينا

يا طــيّب الخِــــــــــــــلقة

وطـــــــــــــيّب المضمــون

ربـــــــك خلق من عجايب

خَـلـْقـُـه فـيك آيــــــــــــــة

الطيبة مش مُــــــــــــتعبة

الطيبة دي ....غـــــــــــاية

ســــــــاكنة القلوب الشفيفة

ماشــــــــــــــية في تشريفة

واصــــــــــلة بعلم الوصول

جـــــــــــــــــوّاها قلب بتول

ياصـــــــــــــــــــنعتك يا إلهي

في حُســـــــــــــــنك المتناهي

تخلق لنا م البــــــــــــــــــــشر

أجناس تسبّح لك

وسمك بيسبح لك

وطير بيسرح لك

يشكر إله خــــــــــــــــــــــالق

يشــــــــــــــــــــــكر إله طيّب

خلق لنا من البشر

خِــــلقة ما تتعيّب

لا تضيق .....ولا تضايق

اخى و صديقى رائد الشعر
تاخرت عنا قليلا
ولكنك عدت الان بهدية جميلة
قصيدة عن رجل يعدل الف من الرجال
موسوعة سماعى
وقلبه الحانى
د انس البن
عوداحميدا يا رائد الشعر الرقيق
وربنا يديم المحبة بين اهل المحبة

[ناصر دويدار]

الله الله الله
إيه الجمال ده
إيه اللغة الرقيقة الجميلة الدافية الرايقة دى انا كنت متأكد
أنك نايم على حاجة كبيرة
انا دلوقتى من خلال اللى كتبته
عرفت مين د.أنس
بصراحة من النصوص اللى عجبتنى من أول ما دخلت المنتدى
من أول طلة
أولاً : أنت عرفت الناس بواحد ممكن يكون عايش فى أخر الدنيا
ممكن ما نتقابلش
مع بعض
ممكن نكونوا مختلفين فى حاجات كتيرة
لكن انت رسمت صورة لبنى آدم عالمى
صوت وصورة وأحساس وإخلاص
وشفافية من خلال لغة بسيطة غير مفتعلة وغير ملوية الدراع او الايد
لغة بسيطة تخش القلب
مع ألف رسووووووول
ورسمت بورتريه جميل لأنسان جميل من شاعر جميل
تحياتى
وكل سنة وانت واهلك بخير وبصحة وسلامة

[رائد عبد السلام]

المشاركة الأصلية كتبت بواسطة د أنس البن

بصرف النظر عن المسكين الذى خلعت عليه كل هذه التيجان المرصعة باليسر واللجين والكهرمان وعيدان البخور والجاوى
دا كتير والله يا رائد , أدمعت عينى ............

لو تشوف نفسك بعيوننا
يادكتور أنس
تعرف إن ده قليل قوي
بس آهو ...الجودة بالموجود

[رائد عبد السلام]

المشاركة الأصلية كتبت بواسطة إســـلام

بس معلش مش بعرف أقول زيه
عالم مفترية بقى
نروح فين جنبهم

هو فيه زي قوالتك قوالة ؟؟
ياجنتلمان المنتدي
ياإسلام ياحبيبي

علي فكرة انا عند قولي الاتصال الجاي
عليّا أنا ...بس خليك فاكر
اليد العليا خير من اليد السفلي
يعني اتصل أنت أحسن ...

[abuzahda]

عارف يا أستاذ رائد

في مجالس الشعراء النبطيين ، هناك جملتان شهيرتان - أحبهما قولاً و سماعاً - يقولهما الشعراء تعقيباً على القصيدة التي يلقيها شاعرهم ، علامة على الإستحسان .

فإن كانت القصيدة قد صادفت أهلها ، كقصيدتك المنسوجة على نول الإخلاص و التمكن ، قالوا :

قصيدة في محلـّها

و إن كانت قصيدة وصفيّة ، كقصيدتك التي سكبتها من قارورة قلبك ، قالوا :

صح لسانك يا الشاعِر ، ما عليك زُود


و أنا أقول لك كل ما تقدّم