العاشق لما يكون غاوي

**علاء طه ياسين** · #1 28/07/2009, 18h30

ناسية تقولي حتي سلام ؟
ولاّ ماعادشي بينا كلام ؟
ولا البعد داس الأحلام ؟
ولاّ تكوني نسيتي انا مين !!؟
...
انا حواديت حلوة وحكاوي
وكتابي مليان بغناوي
والعاشق لما يكون غاوي
يصبح واحد م المجانين
...
وانتي المية وانتي الزاد
وانتي الفرْح ف كل ميعاد
يا حبيبتي طول ما احنا بعاد
اللحظة بتساوي سنين
...
يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية
نموت علشانك منتحرين
...
بتضفري شعرك بالنور
وتطبطبي ع الأرض تدور
وانا قلبي زي العصفور
من غيرك شارد وحزين

...
..
.
علاء

**د أنس البن** · #2 28/07/2009, 18h47

يا سلام يا سى علاء على كده نغم
تعرف انى شايفها من مقام كرد
حاجه كده زى عودت عينى بتاعت الست

**ايهاب عامر** · #3 28/07/2009, 18h54

اقتباس:

المشاركة الأصلية كتبت بواسطة علاء طه ياسين

ناسية تقولي حتي سلام ؟
ولاّ ماعادشي بينا كلام ؟
ولا البعد داس الأحلام ؟
ولاّ تكوني نسيتي انا مين !!؟
...
انا حواديت حلوة وحكاوي
وكتابي مليان بغناوي
والعاشق لما يكون غاوي
يصبح واحد م المجانين
...
وانتي المية وانتي الزاد
وانتي الفرْح ف كل ميعاد
يا حبيبتي طول ما احنا بعاد
اللحظة بتساوي سنين
...
يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية
نموت علشانك منتحرين
...
بتضفري شعرك بالنور
وتطبطبي ع الأرض تدور
وانا قلبي زي العصفور
من غيرك شارد وحزين

...
..
.
علاء

السلام عليكم ورحمه اللة وبركاته
اخى الفاضل الاستاذ علاء
جميله كلماتك
الموسيقى تخرج من بين الكلمات فى سلاسه

اقتباس:

يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية

رائعه اخى الكريم هذه الجزئيه
تقبل خالص تحياتى

**علاء قدرى** · #4 28/07/2009, 19h01

اقتباس:

المشاركة الأصلية كتبت بواسطة علاء طه ياسين

...
انا حواديت حلوة وحكاوي
وكتابي مليان بغناوي
والعاشق لما يكون غاوي
يصبح واحد م المجانين

الشاعر الغنائى علاء طه
جميلة الاغنية ؛ والمقطع ده بالذات جميل غنى و ثرى ؛ وبيختصر حاجات كتيرة
اغنية خفيفة و جميله
تسلم كلماتك

**حمدي السمر** · #5 28/07/2009, 19h07

اقتباس:

المشاركة الأصلية كتبت بواسطة علاء طه ياسين

ناسية تقولي حتي سلام ؟
ولاّ ماعادشي بينا كلام ؟
ولا البعد داس الأحلام ؟
ولاّ تكوني نسيتي انا مين !!؟
...
علاء

الغالي الحبيب : علاء يا سين

والله ابدا ماليها حق ... معقول تجي ماشيه فيك ساي كدا
ولا حتي سلام ... غلطانة يابيه طبعا بهظر
الله عليك يا فنان
ومع كل نص جديد نحن بنستفيد وبنستمتع معاك اكتر
شكرا لسماعي الذي هذب ذوقي وجعلني استمتع بكم
هاك دي

**NAHID 76** · #6 28/07/2009, 19h57

بسم الله الرحمن الرحيم
الغنائى علاء ياسين
تصور معى محمد رشدى وهو بيغنى وبيقول بالموال
أه والعاااااشق لما يكون غااااوى
جميل الكوبليه ده وكل الأغنيه جميله والرتم ماشى فى انسجام واحد
تحياتى أيها الموهوب ونحن فى الأنتظار
وشوف أخوك ايهاب كاتب لك أيه
أنت كسبت ايهاب فى تجارب أدبيه وعرفنا نشد رجله لتجارب أدبيه

دى ورده لايهاب اللى مشرفنا
تحياتى

**علاء طه ياسين** · #7 29/07/2009, 11h49

الأب الحنون الغالي
د. أنس

أنا بقا اللي ..
عودت عيني علي رؤياك ..
كل موضوع جيد بقا برد حلو منك ..
فلو مش أجدت ف قصيدة ..
رد برضو ولسوعني بكرباج كلامك ..
....
من ناحية مقامات التلحين ..
اسمح لي أرفع هذه الاستغاثة إلي الملحنين ..
...
انتوا يا بتوع الآلآت
الربابة والنايات
لحنوا لي غنوة واحدة
ولاّ محتاجة حسابات ؟؟

انا باكتب في العواطف
حاكيًا كل المواقف
اللي بتثير العواصف
جوه ف قلوب البنات

لو ف أيام الحامولي
كانوا قَطْعًا لحنولي
اعمل ايه ياناس قولولي
يعني اسرح بملايات ؟
.....
أنا متشكر جدا ليك يا د. أنس
علي غمرك ليا بعطفك وكرمك
اقبل مني هاته الزهرة
ابنك
علاء

**علاء طه ياسين** · #8 29/07/2009, 11h56

أخي
الأستاذ الفاضل
إيهاب عامر

ردك جميل يروي عطاشا ..
ويملي دنيايا بشاشة ..
ومش عاوزها تكون مرة ..
بعدين تطنشنا يا باشا ..
...
اقبل مني وردة
هي مني لصداقة وحب دائم
علاء

**علاء طه ياسين** · #9 29/07/2009, 12h07

الفاضل ..
الرائع ..
أخي ..
علاء قدري
.......................
بجد ومش هزار
إنتم شعراء كبار
أساتذة مخضرمين
ليكم كل اعتبار
بنقرالكم يا سيدنا
بنحس بالانبهار
تمشوا قدامنا واحنا
نمشي علي الآثار
................................
شكرا جدا علي ردك اللي أسعدني ..
واسمع مني ..
وقول ..

قلب العاشق فدائي
بيقول العشق دائي
وبين حائي وبائي
انا راضي أموت قتيل
يتكعبل في المهالك
وبيهدم الممالك
ولو طريقه سالك
الخطوة بألف ميل
........................
نقول غير كده
........................
العشق مرض غبائي
ومن اولي ابتدائي
قولتله دع سمائي
مش عاوز اموت قتيل
ومادام هذا كذلك
مالي إذن ومالِك
يا ام العيون ممالك
ما تضحكيش لأميل
..........................
تقبل مني بكل رضا حب هذه الوردة
لأنني أقدمها لك بكل رضا وحب
.................
علاء

**علاء طه ياسين** · #10 29/07/2009, 12h17

حبيبي وأخي حمدي ..
..........................
دي آخر حتة كتبتها .. هدية ليك ..
.............................
انتي ف قلبي من جواه
ياللي هوي عيونك أغواه
والعطر ف شعرك أغراه
رغم البعد ورغم الآه

يا نسيم داير في الأكوان
انتي ف قلبي قمر عطشان
واللي شابكنا ف بعض الآن
جرح يا حلوة انتي دواه
................................
عارفك بتحب الشعر جدا ..
انت زيي ..
بتحب الحب وشعر الحب ..

واتمني علي الله تعالي
أن يدوم هذا الحب الذي هو في الله ..
يدوم إلي الأبد ..
ولا ينقطع ..

جمعنا الله معك علي خير
اقبل هديتي
علاء