رباعيات طارق العمرى

**Tarek Elemary** · #1 08/06/2009, 15h58

شيخ الطريقة (عم سيد)
تلميذ و حضَّر كلام و حفظه طول ليله
و قعد فيه يردد عشان تعبان من شيله
و لما جه الإمتحان طار منه ... يا ويله
نسيت حروف الكلام و الشعر يا (حْلَيْلُه)
***

(يا حليله) لفظ سودانى بمهنى يا محلى (ماأحلى) لياليه و تقال للتحسر على فراق الشيء أو الشخص و بعده و فقده يا حليل فلان مثلا

**Tarek Elemary** · #2 08/06/2009, 16h45

توأم الروح
لله درك يا رائد يا منور القناديل
أتعبتنى فى هواك و تعبت المناديل
بحق رب الكون و محكم التنزيل
لو للأدب محراب كلامك الترتيل

**سعدالشرقاوى** · #3 09/06/2009, 20h00

استاذى/طارقالعمرى

الابداع المتجدد

والكلمات المحكمه

والتى تحتوى القلوب

من اول اوزانها

وكلما ابحر المتلقى

كلما غرق فى بحور الاحساس

لتنتهى القصيدة ومازادته الاتشوقا

وحتى لايفوتنى

عيشنى فى الحلم الكبير

و كلام كأنه خيوط حرير

و بقيت (مصدقى )دنيتى

إنتى الأميرة و أنا الأمير

مابين القوسين بها خطا

مطبعى ام زاد حرف الياء

دمت لنا قمرا فى ليل الاشعار

**عفاف سليمان** · #4 10/06/2009, 10h47

اقتباس:

المشاركة الأصلية كتبت بواسطة Tarek Elemary

يا أيها الطيفُ المُوَّشَّى بالخيالِ ..... هل رقَّت الأقدارُ فى يوم لحالى؟

أنا لم أزل سحر الجمالِ يهزُّنى ..... و يُزيدُ وقدُ البين من نار إشتعالى

ملف مرفق 151719

صوتك نسيم مليان دفا

صوتك أحن من الوفا

و كأنه نجم فـ ليلى لاح

رمالى نوره و إكتفى

و الحب مافيهوش إقتناع

مافيهوش وشوش ورا القناع

مافيهوش حقيقة غير الهوى

مافيهوش مظاهر أو خداع

خلانى ليه أفرد شراع

لمركبى و يقول وداع

أنا قلبى مرسى

و هوه ينسى

أنا إشتريته

و هوه باع

عيشنى فى الحلم الكبير

و كلام كأنه خيوط حرير

و بقيت مصدق دنيتى

إنتى الأميرة و أنا الأمير

يا قلب بيدق بهوى

يا فرحتى أما نكون سوى

يا عمر عطشان من سنين

و كأنه عمره ما إرتوى

الله عليك لما تكتب عن الرومانسيه

والله يا شاعرنا كلامك كله حنيه

الواحد مش عارف يقولك ايه

عن كلمات الحلوه ديه

وطنى وثائر

حنون وشغوف وشاعر

رومانسى وكلامك شاعر

ربنا لا يحرمنا من شعرك الجميل

ولا من تنويعات الجميله والشعر الاصيل

ولا من ردودك الجميله مثلك يا جميل

لك كل التحيه والتقدير

ودائما مبدعنا بشعرك المنوع الجميل

تحياتى لك باسعد الاوقات

ومزيدا من الابداع

تحياتى

اختكم عفاف

**Tarek Elemary** · #5 16/06/2009, 09h51

نور الصباح بيبدر ع الخلايق خير

و الرزق نازل من المولى يوماتى كتير

ياللى بتتخانق شوية عقل من فضلك

ربك بيبعت رزقه للنملة و كمان للطير

**Tarek Elemary** · #6 16/06/2009, 16h01

يا موج يا عالى مين يقدر عليك غير حوت

يا رامى الخوف على شطوطك بعلو الصوت

ما تتغرش بفورانك و دورانك يا عم الموج

لأنك برضه يا صاحبى على حبة رمال بتموت

**Tarek Elemary** · #7 16/06/2009, 16h02

يا ورق الورد يا مزيِّن قُصور و جِنان

بتتنقل ما بين حبيبين و إنت بفرحهم فرحان

بيتنسم عبيرك حور لكن ما تنسى يا عايق

مصيرك برضه آخر اليوم تبات دبلان

**Tarek Elemary** · #8 16/06/2009, 16h08

بكفوف حنانى سقيته طلب يدوق تانى

وهبته كل الحنان و إديته ما إدانى

جرَّحنى بين الصحاب ما عرفت أرد عليه

لما الحبيب يظلمك مين ينصفك تانى؟

**Tarek Elemary** · #9 23/06/2009, 10h19

طارت طيور الهوى سكنت فروع الدوح

تركت ما بين مهجتى قلبى الحزين مجروح

وقته ما بين وحدته و ما بين دموع النوح

يا قلبى سيبك بقى ياروح مابعدك روح

**Tarek Elemary** · #10 23/06/2009, 10h34

الرمل قال للجبل مالك كده راسى

و أنا بس حبة هوا بِيّْطَيَّروا راسى

قاللوا ياريت كنت زيك ويا الهوا طاير

و أفوت صُخُور مِن حَجَر كَتْمَالى أنفاسى