بيان حكومى ردا على تصريحات الشاعر سيد أبو زهدة

**Tarek Elemary** · #1 09/04/2009, 22h06

ردا على تصريحات الشاعر سيد أبو زهدة بأسباب غضب جبل المقطم الأخير كما زعم صدر البيان الحكومى الرسمى التالى:
سكووووت

من شاشة طَلّْ الجَمِيلْ .... وَسِيم مُعَطَّر مُهَنْدَمْ
أعلَنْ بَيَانُه الطَوِّيل .... و اتْحَدَّى لوْ حَدْ يِفْهَمْ
قال الحِلِّيوَةْ النَبِيلْ .... من تَحْتْ جَبَلْ المُقَطَّم
.....................................
الِّلى حَصَلْ لَلجَبَل .... من بَعْدْ قَعْدِة فَرْفَشةْ
نَفَضِ سِنِينْ الكَسَلْ .... قام انْبَسَطْ و إنْتَشَى
قام حاصِلِ الِّلى حَصَلْ .... من غير كُسُوُف أَوّْ خِشَى
...................................
حَبِةْ حِجَارَة صَغِيِرَة .... زىّْ النيرانِ الصَدِيِقَةْ
ضَلُّوا طريقْهُمْ بِحِيرَةْ .... فوُقْ قَلبْ حَىّْ الدِوَّيقةْ
هَبِّتْ جُمُوعْنَا الغَفِيرةْ .... ذَوِّى القُلُوب الرَقِيقَةْ
دَاوُوُا جِرَاحِ العَشِيرةْ .... و طَفُّوا نَارِ الحَرِّيقة
.....................................
يا ابو زَهْدّة عَنْدَكْ دَلِيلْ؟ .... ولَّلا انتِ غَاوِى ذَمّْ
ولَّلا الكَلام مِنْ قَبِيل .... إنِّ المُعَارِضْ أَهَمّْ
وِانِّ المِوَالِى عَمِيلْ .... أَعْمَى وِ أَبْكَمْ أَصَمّْ
...................................
وأرجَعْ وأقُول يابُو زَهْدَةْ .... جِبْتِ الكَلامْ دَّه مِنَيْنْ؟
ولَّلا إنْتَ مافِيشْ فَايْدَةْ .... للحَبْسْ جِوَّاكْ حَنِّيْنْ؟؟ !!!!!!

**unicorn** · #2 09/04/2009, 23h36

حلوة القصيدة يا عم طارق ,
جميلة فعلا ,
ربنا يجعل كلامكم خفيف على الاسياد ,
اللى بتلبش الجتة ,
و ما بيطلعوش غير بالزار و لسوعة الخرزانات.

**ابو سجى** · #3 10/04/2009, 11h36

اهلا اخي طارق
القصيده جميله ومرتبه وتدل على انك شاعر موهوب ومش أول مره اقرأ لك قصيده بالمنتدى
ولكن
بالله عليك تخللي بالك من كتابة العناوين
لأن بصراحه العنوان ده "بيان حكومى ردا على تصريحات الشاعر سيد أبوزهدة"
يــخـُـضْ

**رائد عبد السلام** · #4 10/04/2009, 15h41

اقتباس:

المشاركة الأصلية كتبت بواسطة Tarek Elemary

يا ابو زَهْدّة عَنْدَكْ دَلِيلْ؟ .... ولَّلا انتِ غَاوِى ذَمّْ
ولَّلا الكَلام مِنْ قَبِيل .... إنِّ المُعَارِضْ أَهَمّْ
وِانِّ المِوَالِى عَمِيلْ .... أَعْمَى وِ أَبْكَمْ أَصَمّْ
...................................
وأرجَعْ وأقُول يابُو زَهْدَةْ .... جِبْتِ الكَلامْ دَّه مِنَيْنْ؟

ولَّلا إنْتَ مافِيشْ فَايْدَةْ .... للحَبْسْ جِوَّاكْ حَنِّيْنْ؟؟ !!!!!!

أبو زهـــــــدة لو قال كلام
يبقي أكـــــــــيد .... بنـَبَأ

ولو سِـــــــــكِتْ عن كلام
يبقي بفـــعل الــــــــــزَهَق

----------
يبقي إنت ياطــــــــــارق
ظلمت اخــــــوك ســـــيّد

ونـــزلت بمطـــــــــــارق
علي قاعــــــــــــدة بتؤيّد

حكــــمة قالـــــوها زمان
عـن العبيد والمـــــــلوك:

يا حُــــكم لا أســـــــــــلوك
لــــــــــــو عضم في القـُفـّة

ويا ظـــــــــــــلم لو شالوك
عاجــــــــــــــز وفي مَحفـّة

طــــــول عمر سِـــلو البلاد
(نحنُ ندين بالـــــــــــولاء )

لـــــو أي حاكم ســــــــــــاق
أو حتي حاكم ســـــــــــــــاء

الناس بدين المـــــــــــــــلوك
بتدِينْ .... ودول غوغاء !

**د أنس البن** · #5 10/04/2009, 16h25

رائد يا مصرى ...... قلتها
آدى الحقيقه ...... جبتها
وفى الكلام ...... ضمنتها
وبالحكمه أهه ...... لونتها
عساك تكون ...... وصلتها
للى عصى ...... فهمه لها
؟؟؟؟؟؟؟؟؟؟؟؟؟

**NAHID 76** · #6 10/04/2009, 21h48

بسم الله الرحمن الرحيم
بالطبع المقامات محفوظه ومنصانه
ولكن مبتمنعش الابن يشاكس ابوه أو اخوه
والمشاكسه دى جلبت مناقشه
وخرجت من رائد الكلام العسل
فشد ت معاه استاذنا ودكتورنا
وفتحنا بالمشاكسه مجال للحوار والتجمع والكلام
وخلت بنا الفه وبسمه وأنتظار
وبعد ما كنت قد قررت أعتزال كتابه القصه
حرجع لها تانى علشان أشد الكلام
ونفضل مجمعين حولين سماعى وسيدى أبو زهده كمان
وعجبى
تحياتى

**Tarek Elemary** · #7 11/04/2009, 10h02

الجوهرة المصونة و الدرة المكنونة (سماح يا سيدى عبدالرحمن .. سلفة و هاردها) السيدة الحنونة مدام/ ناهد
قرأت عن موضوع إعتزالك هذا مزيلة به قصتك (الشيخ رفاع) و لم أرد عليه قناعة منى أنك لست حسام حسن و كتابة القصة ليست كرة القدم فهذه الهواية هى تنفيس عن إنفعالات النفس مع ما يمر بها من تفاعلات حياتية إجتماعية إنسانية واقعية و خيالية فهو قرار كنت واثق من عدولك عنه.
أما حكاية المشاكسات و المناوشات و المعارضات فهى من وجهة نظرى إثراء للحركة الأدبية بالمنتدى و بالنسبة لى تكون دافعا لمحاولة التعلم من الأفذاذ العمالقة فرسان المنتدى فأنا المستفيد الأول و للمجتهد أجران كما تعلمين أما عنى أنا هنا فالأجر كبير و كثير و أنا مكتفٍ به
تخيَّلى أننى أتحاور مع هؤلاء الأفذاذ هكذا بدون وسيط ما أسعدنى بهم و ما أغنانى بهم فهم ثروة و معرفتهم كنز أقدره حق قدره
و تقبلى منى أطيب المنى و أرق تحياتى

**NAHID 76** · #8 11/04/2009, 10h58

بسم الله الرحمن الرحيم
اخى الفاضل طارق
والله فهمه قصدك وأكثر
ولعلمك ده اللى يجب ان يكون علشان نقدر نجذب البعض وندخله المناقشه
والا سيتقوقع كل واحد داخل نفسه
اسلوبك جميل
والاجمل منه قلوب المحبين
استاذنا كمال واخونا سيدى ابو زهده
وعلى فكره محدش زعلان
وانا واثقه من استاذى كمال كمان
تحياتى لك وللجميع
وياللا نشد الهمه ونزيد فى المشاكسات التى تعود بالنفع على الجميع وكله يصب فى حراك منتدى سماعى
طيب اكتب رأيك فى القصه وقولى هل عجبتك والا لأ
اما حسام حسن حينزل الملعب تانى

**Tarek Elemary** · #9 07/05/2009, 21h47

يا أهلا بالمعارك
ويابخت اللى يشارك
يتعلم م اللى فاهم
ويوَسَّع المدارك