و تلك الموسوعية فى عرض كل ما يتعلق بفنون السمسمية و الطنبولة فى مدن القناة ، لقد أدخلتنى الى عالم مدهش كان خافيا على .. دائما ما كنت أشعر أن السمسمية آلة ( مختلفة ) و لها خصوصية محلية ، تصنع لها ملامحها الواضحة ، فرنينها الحاد المقتحم الباعث على البهجة ، و الذى يوقظ فى الجسد سخونة دافعة للرقص البمبوطى ، و التى( تولف ) شعورا جماعيا متجانسا ، هى آلة ( بالضرورة ) تصنع تاريخا وجدانيا
عند عشاقها و ممارسيها و مريديها ..
مجهود كبير ، و اصرار دؤوب على تغطية كل الأطياف المتعلقة بالسمسمية و فرقها و مغنيها و ملحنيها ، حتى صداها السياسى و الوطنى لم تهمله ..
و لطالما شعرت بأن ايقاعاتها محفزة بحماسها الذى لا تخطئه أذن ..فليس مستغربا كفاح منطقة القناة و المقاومة الشعبية على أنغامها ، و قد أعجبنى شعارك
( قومى يا مصر ) و كأنه نداء صادر من أوتارها الخمسة يصرخ فى الناس ( قومى يا مصر ) ..
لقد صحبتنى الى رحلة شجية و ممتعة .. فجلست على مقهى برعى بميدان الشهداء ابان النكسة ، و عدت الى الوراء فوجدتنى جالسا على باب من أبواب مقهى الحصون السبعة ببورسعيد ، لصاحبها الريس حسن متولى ( الذى انقرض أمثاله من الرجال ) !
و عرفتنى بفن حسن سعد الذى كنت أجهله ، فادخرت له مكانا فى وجدانى يسعه هو و صحبة ولاد البحر و ولاد الأرض .. ، فما أجمل ( والله صابح ماشى)
و ( سرى الليل ) و ( جار الشادوف ) و غيرها من الفنون السمسماوية ..
وتحيتى الى الأستاذ ( العازف ) elazfالذى أتحفنا بكنز من فن السمسمية و الطنبورة ، أما مدام سامية التى دلتنى على خريطة الكنز ، فلها كل الشكر و العرفان ..
شكرا لترحيبك اخى حسن وطبعا انتا عارف ان الصعايدة من طبعهم الكرم عشان كدة مبيدخلوش على ناس وأديهم فاضية انا جايب زيارة قليل من الملفات الصوتية ارجو ان تقبلوها يا شيخ ومتكسفنيش
الاخ الغالى سمعجى
تحية لك ولزيارتك هذا الموضوع اللى اتشرف بيك
واحمد الله ان الموضوع عجبك وحاز تقديرك لكن
ده تاريخ بلدى وبلدك وكان لازم نعرفه وياما فى
البلد حاجات مش عارفينها - ولسه ها اكتب حاجات
تانى هاتعجبك اوى
تصحيح لكلمه بعد اذنك
قل ( الطنبوره ) ولا تقل ( الطنبوله )
حيث ان الطنبوره هى الشقيقه الاكبر للسمسميه
اما الطنبوله فهى لعبة حظ فى النوادى
شكرا لمداخلتك التى لها كل تقدير واحترام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
اخى الحبيب هانى
ياسيدى والله الواحد مش عارف يودى جمايلك فين
ولعلمك الاغنية اللى رفعتها باسم بخيته
وغناها الفنان المرحوم ( حسن العشرى )
من الاغانى النادره
ليه؟
لان بها كلمتين ( عنجليبو- سانجليبو)
بعيتبر المؤرخين انهما الدليل الوحيد الى ارتباط
اغانى السمسميه بالاصول النوبيه حيث ان هاتين
الكلمتين نوبيتين
شكرا على تحفك لكن برضوا مقلتليش
عملتوا ايه فى الجمرك
الاخ شمس
اهل بيك يا بلدياتى
وكمان رسام برافو
طبعا كما قلت فان تراث الفنان المرحوم ( عبده العثمللى ) وهو من احلى الاصوات فى تاريخ السمسمية على مستوى مصر كلها وليس الاسماعيلية فقط لا يعرف احد عنه شيئا .
لكنى فى مقابله مع ابراهيم العثمللى نجله تم الاتفاق على مقابله بينى وبينه ليعطينى بعض تسجيلات لوالده وحتى ابراهيم ورانى السمسميه بتاعة والده الله يرحمه - لكن انا اللى ظروف اخرتنى اقابله ذى ماقابلت حسن سعد ومانى مكى .
وللاسف ان باقى الرواد فى السمسية ليس لهم تراث مسجل منشور لكن ممكن يكون كتسجيلات شخصية عند بعض اهالى الاسماعيلية . وانا بناشدهم اللى عنده حاجه ينشرها هنا وانا اجمعها محافظة على التراث
اما بخصوص فرقة التراث والاخ سيد بارح وهو بالمناسبه صديق قديم لكن ظروف الحياه بعدت بيننا شويه لكن انا اسأل عنه الزملاء ويمكن هو يكون نسينى لان زمان وهو يعمل بورش الهيئة اللى امام مستشفى شوقى خلاف كانت مقابلتنا شبه يوميه وفعلا لم يجدوا دعما وهذا سبب التوقف لكن مازالت المحاولات جاريه من ناس تانيين
شكرا لمشاركتك يا اخ شمس وننتظرمنك المزيد
_____________________________________ ياهانى
السبب ان مأمورى الجمارك معرفوش انتم تبع دولة ايه وشكوا فيك من اسمك ( هانى ) وماشى مع هريدى وجبران وعبدالمنتقم وهراس افتكرهم خاطفنيك
شكرا على هداياك
رد: تاريخ اله السمسمية فى محافظات القناة
العرض العادي
