يا حلوة هللى

**محمد محمدالعقاد** · #1 29/11/2011, 17h36

يا حلوههللي

يا حلوههللي
علينا طللى
فستانبطرحة..والطرحةتللى
وردالجنينة
فرحان يا نينة
يهدينا عطره.. ياسمين وفللى
ياحلوه هللي

ياشمع قايد
ونورهزايد
الله اكبر.. على كل حاسد
وانتى اللينورك
فاق الشموع
عقبال مااجيلك
يوم السبوع
واقول يوميها يارب خلى
يا حلوههللي

قمرين فكوشه
دبلة وغويشة
جمعواالأحبة .. عريس عروسة
دايبين محبه
عمرالسعادة
ما بتسخبى
وان كاتزياده .. ادونى حبه
قمربلدنا
بيغيب ويظهر
وانتوا اللى نوركم ظاهر تملى
يا حلوة هللى

مأذون ودفتر .. وقلم يسطر
حروف تنور .. على صفحة بيضا
زغاريد وفرحة
والفرحة طارحة..
أنوار وسارحة.. ف ليلة بيضة
انوار وزينه .. تسعد عنينا
عقبال حبايبى
وولاد حبايبى
واقول يا ربى
وبجاه نبينا
تمم علينا .. بالخير تمللى
ياحلوة هللى

شعر /محمد العقاد

**سعدالشرقاوى** · #2 10/12/2011, 12h50

ياحلوه هللى
برع فيها الشاعر الغنائى
الاستاذ/محمدالعقاد
ولايسعنى الا ان اقدم له خالص التحية والتقدير

**عفاف سليمان** · #3 17/12/2011, 17h25

الشاعر الغنائى
أ. محمد محمد العقاد
كلمات رائعه
ملحنه نفسها
بقالنا كتير
لم نسمع بكلمات
غنائيه
مثل هذه الكلمات
سلمت يداك
منذ فتره طويله
ونتمنى مزيدا من الابداع
والتألق
خالص تحياتى
اختك عفاف