الورد .. وأعمال أخرى

[ممدوح محفوظ]

واخِدْنى وياك يا قلبى .. مَ تقولى رايحين فين
دِ السكه طالت بينا... والخطوه بئِت الفين
و ليك يومين سَاكت ... ما تقولى ايه صابك
بقى هى دى نِهايتك .... الدفن و التكفين

[ممدوح محفوظ]

هاتو الكفَن لقلبى الى فِ حبُه مات
النَبض شَغّال .. لكنُه قَطْع كَلِمات
حَ اعيش وحيد ودَيما حَ ذكُرك بالخير
واحفُر فِ قَبركْ واكتِب عن هواكْ علامات

[ممدوح محفوظ]

عمَلتْ للقلب مَيْتَم والعَزاء واجب
إلى سَعيد شَمْتان و الى عَاقِد الحاجِب
يا خْوانا ما يصَحِش كِده .. إدعوله بالرحمه
مَ عِجبشْ فِ حياته .. و فْ موته مِش عاجِب

[ممدوح محفوظ]

لقيت وسْط المُعَزِيّين كِتير سِتات
الله يرحمك يا قلبى .. ياما عرِفتِلَكْ حكايات
قُلت ادَورْ عَ الى قلبى مات فيها
قالو دِ بعته اعتذار .. عندها انشِغلات

تعبت قلبي والله كتير كتير معاك
واقول ابعد وانسى انسى هواك
قولي ابعد عنك واهرب منك ازاي
وقلبي اللى واجعني تملي معاك

مشاركة كدة على الماشي

[ممدوح محفوظ]

مَ احْلاك يا ليل بَلا قلبى وِاوجاعُه
انسَامَك الحِلوه واحلى كلام واسْجاعه
وبالى لمّا يروق يِبقى المَزاج عالى
والى راحْ راحْ مِش حَ اسْمح بإرجاعُه...ء

[ممدوح محفوظ]

يالى الفؤاد عَذِبك سِيبه يِموت وارتاح
احسن ما تِقضِى حياتك بين سُهاد ونُواح
وارضى بِأيامَك والمَولى يِعَدِلها
يمْكِن تِلاقى فى طَعْم الخِيار تُفاح...ء

[ممدوح محفوظ]

ولما رُحْت أزورُه قُلتْ القُبور مَالها
انا قلبى قَبرُه اتنَبَشْ والبَاقى على حالها
قالو دِ واحده جَتْ حَفرتْ خدِتْ قلبك
وجِرينا وَراها مإدرناش نِحَصَلها ...ء

[ممدوح محفوظ]

يعنى الحِكايَه كِده , دَه اخرِة اسَايا فيك
عامِلّى مَيتْ وجامِد , وانتَ الحُب دَ مدَفيك
خُديه خَليه يِنفَعِك انا حِلو مِن غيرُه
وانتَ يا قَلبى ادعِيلك رَبِنا يِشفِيك ...ء

[ممدوح محفوظ]

فِ قلوبنا باقِى و تَوِجْناك مَلكْ مُنولوج
سابِق زَمانك و فْ بَحر الكومِيديا موج
اجيال واجيال , عشّاقك , مُحِبينك
وبخِفّه الدم تِسعِد فوج و تِبهِج فوج ...ء

ارجو عند التجميع تضاف مع الورد ولا تضاف مع يا قلبى ولكم الشكر