الفراشة - الصفحة 3

**د أنس البن** · #21 28/04/2009, 18h57

اقتباس:

المشاركة الأصلية كتبت بواسطة محمد محمدالعقاد

إهداء :الي ساحة المنتدى

((مساء الفل))

موال

يا مجمعين الحروف فوق الســـطور معنى

يا مدويين القلم في كتــــابة الأشـــــــــــعار

من النهارده صبح فيه ساحة تجمعنـــــــــا

يخضر عود الأدب وتفتـــح الأزهــــــــــــار

أغنية

يا مسـاء الفل مسا الأنــوار**** بستان الفن طرح أزهـــــار

أشكال والوان وعبير فتـــان ****له سحر جنان ولغاه أسرار

يا مساء الفل على السمار

جمعنــــــــا الفـــــــن ورواده**** والحلم اتحقق ف ميعــــاده

شبكنا الايد والكل سعــــــــيد**** والعــــزم حديد بدأ المشوار

يا مساء الفل على السمار

جمعنا الفــن واصحابــــــــــه ****والليلة عايشين ف رحابــه

صحبه وأحباب وقلوبنا شباب**** وفتحنا الباب خدنا التيـــــار

يا مساء الفل على السمار

جمعنـــــا الفن بألوانـــــــــــه ****ف قلوبنا مكانه وعنوانـــه

لياليه أفراح وعبير فـــــــواح ****والفن براح رؤيا وأفكــــار

يا مساء الفل على السمار

شعر: محمد العقاد

الفنان الشاعر محمد العقاد

الله الله الله على السلاسه والجمال والرشاقه
تسلم أياديك يا شاعر يا فنان
أخونا الالاتى ... إتفضل استلم .. الكلام يحمل فى طياته دعوه لوضعه فى قالب لحنى .. وانا واثق انك حتخرج لنا تحفه فنيه

**د أنس البن** · #22 29/04/2009, 16h46

يا سلام على الصدق والجمال والتمكن
ما شاء الله
رائع يا أستاذ محمد يا عقاد
يا رب أكثر من هذه المواهب الحقيقيه وبارك فى أصحابها
وعافنا وارحمنا من غثاء السيل الذى ملأ الوادى

**محمد محمدالعقاد** · #23 29/04/2009, 18h48

إهداء:إلي كل المجاهدين في فلسطين من أجل الحرية ومن أجل غد أفضل لهم مني هذه الكلمات

مش ح اسلم

مهما حاولتم ياســــــــادة **** تسلبوا منى الإرادة

مش ح اسلم

تلبسوا توب الأمانـــــــــة **** تنصبوا فخ الخيانــة

مش ح اسلم

تنزعوا منى الأمــــــــــان **** تقتلوا الحلم اللي كان

مش ح اسلم

شمس بكرة جايه جايـــه **** مهما طال الليل عليه

مش ح اسلم

شعر : محمد العقاد

**محمد محمدالعقاد** · #24 29/04/2009, 19h26

تساؤلات طفل برئ في عيد الأم

أغنية

ليه بس النهارده **** بكروت المعايده
نهاديكي يا أمي؟
ليه بالذات ف مارس **** تحتفل المدارس
بعيدك يا أمي؟
مع إن الحكايه **** طول م انتي معايه
أيامك عيد يا أمي
المولى ف كتابه **** فاتح لينا بابه
بدعاكي يا أمي
ورسول السلامة **** وصى عليكى يامه
في حديثه يا أمي

شعر: محمد العقاد

**د أنس البن** · #25 30/04/2009, 08h54

هذه الأيقونه للعزيمه والإراده والإصرار
ممكن يطلع منها لحن جميل جدا ..
تقريبا أنا متصور بناء الجمله اللحنيه ..
إنت فين يا سامى يا دربز يا فنان ؟....

**سعدالشرقاوى** · #26 30/04/2009, 15h54

يامساء الفل على عيونك
والسحر الناطق فى جفونك
وكلامك شهد وم الاخر
بيعبر عن بهجت لونك
نرجو المزيد/سعدالشرقاوى

**Sami Dorbez** · #27 01/05/2009, 00h21

الله عليك يا اخي محمد والله كلام في الصميم

**عفاف سليمان** · #28 02/05/2009, 16h05

السلام عليكم ورحمة الله وبركاته
الاستاذ محمد
كلمات جميله تنم عن احساسك الجميل
لاخواننا فى فلسطين
اللهم الهمهم الصبر
اللهم امين
كلمات لحنيه موسيقيه جميله
لك وللجميع خالص التحيه والتقدير
اختكم عفاف