ارحل يامعمر

**سعدالشرقاوى** · #1 17/03/2011, 06h21

http://http://http://www.youtube.com...?v=hVqlMlgjtOA

كلمات/سعدالشرقاوى

لحن وغناء د/هشام خلف

(ارحل يامعمّر)

اهدى ياعم الله يخليك

كلّ الناس انشغلت بيك

ياللىّ شطانك بيقوّيك

اهدى ياعم كفايه حرام

,,,,

اهدى ياعم وانسى غرورك

مانت خلاص اتحجّم دورك

كلمة حق وواقفه ف زورك

عمّال تـتهمْ فى الاعلام

,,,,

يعنى ضميرك ماصحيش مرّة

دانت نشاذ الامّه الحرّة
كرهوا الناس سيرتكبالمرّة
ليه مش قابل أىّ كلام
,,,,
فاتح قافل مش عايزينك
فاكر كل الناس حبّينك

بكره الشعب يطلـّع عينك

ويكافئك قبلالاعدام

,,,,,

تدخل زنقه وتمشى ف حاره

تركب توكتوك أو سيّارة

فاكر انّ العند شطاره

وكل الشعب واخد برشام

,,,,

فاكر نفسك يعنى شاريهم

لسّه هاتضحك تانى عليهم

بكتاب اخضر تخطب فيهم

وتورّث سيف الاسلام

,,,,

يوم تـتبرّج يوم تـتخمّر

يوم بتهدّد يوم تـتأمّر

لمّ الدور وارحل يامعمّر

خللىّ الأمّه تعيش فى سلام

,,,,

**حماد مزيد** · #2 18/03/2011, 00h59

لما سمعت الغنـوه وراحت
للكلمـــات العيـــن وشافت
فيها الحكمه وكمــان لافت
لحن ومغنى بصوت هشام

**عفاف سليمان** · #3 18/03/2011, 19h57

ان شاء الله
هيرحل
ماهو لازم
يرحل
ونقول ايه لصاحب
***شجرة التوته***
ع الحدوته الملتوته
وعن الموسيقى المعهوده
وتوزيع عالى فى النوته
لاخونا الموسيقى
صديق صاحب التوته
***د هشام***
بجد اجدتم الحدوته
وتوته توته
هيرحل
اللى عليه النيه والحدوته
تسلموا لى وللجميع
ودائما اعمال راقيه وجميله
ارق تحياتى
اختكم عفاف

**Hisham Khala** · #4 20/03/2011, 18h13

اقتباس:

المشاركة الأصلية كتبت بواسطة عفاف سليمان

ان شاء الله
هيرحل
ماهو لازم
يرحل
ونقول ايه لصاحب
***شجرة التوته***
ع الحدوته الملتوته
وعن الموسيقى المعهوده
وتوزيع عالى فى النوته
لاخونا الموسيقى
صديق صاحب التوته
***د هشام***
بجد اجدتم الحدوته
وتوته توته
هيرحل
اللى عليه النيه والحدوته
تسلموا لى وللجميع
ودائما اعمال راقيه وجميله
ارق تحياتى
اختكم عفاف

ما شاء الله عليكي يا أختنا الفاضلة يا ست عفاف
ملكة الشعرعندك تفجرت ، فأصبحتي فنانة شاملة: شعر و لوحات فنية جميلة ، مش فاضل غير الغناء ، و الأغنية جاهزة من قبل الثورة.
تحياتي لكم و للأسرة الكريمة.

**عفاف سليمان** · #5 21/03/2011, 08h35

اقتباس:

المشاركة الأصلية كتبت بواسطة Hisham Khala

ما شاء الله عليكي يا أختنا الفاضلة يا ست عفاف
ملكة الشعرعندك تفجرت ، فأصبحتي فنانة شاملة: شعر و لوحات فنية جميلة ، مش فاضل غير الغناء ، و الأغنية جاهزة من قبل الثورة.
تحياتي لكم و للأسرة الكريمة.

ربنا يبارك لى فيك يارب
والله بعض ما عندكم
واللى يعاشر القوم
لابد ان يصير منهم
ولا ايه
واتمنى ان اكون نقطه
فى بحار اشعار الجميع
اقتبس من فضل
كلماتكم الجميله
اما عن الغناء
فلا اعلم هل يكون
فى استطاعتى ام لا
وبعدين خلينا كده
حلوين الطيب احسن
ربنا يكرمك بالخير يارب
ويسعدك بالدارين
ارق تحياتى
اختك عفاف

**حمدي السمر** · #6 21/03/2011, 23h20

شكراً لما تمنحونا له من جمال
عمي سعد واستاذي هشام
وياريت يرحل ياريت قبل
مايكمل باقي شعبو

**Hisham Khala** · #7 20/03/2011, 18h08

اقتباس:

المشاركة الأصلية كتبت بواسطة حماد مزيد

لما سمعت الغنـوه وراحت
للكلمـــات العيـــن وشافت
فيها الحكمه وكمــان لافت
لحن ومغنى بصوت هشام

أشكرك علي مرورك الكريم
و أشكرك علي شعرك اللطيف و المجاملة الحسنة
تحياتي لشخصكم العزيز